EPF Interest Rate | ईपीएफ खात्यात व्याजाचे पैसे लवकर हवे आहेत? KYC डिटेल्स अपडेट करा, ही आहे ऑनलाईन प्रक्रिया

EPF Interest Rate | पगारदार व्यावसायिकांना लवकरच त्यांच्या कर्मचारी भविष्य निर्वाह निधी खात्यात (ईपीएफ) व्याजाचे पैसे मिळण्याची शक्यता आहे. नुकतेच कामगार मंत्रालयातील सूत्रांनी सांगितले की, ईपीएफओ २८ फेब्रुवारीपासून ईपीएफ खात्यात व्याजाचे पैसे टाकण्यास सुरुवात करू शकते. सर्व खातेदारांच्या खात्यात व्याजाचे पैसे येण्यास १५ ते २० मार्चपर्यंतचा कालावधी लागू शकतो, मात्र याबाबत अद्याप कोणतीही घोषणा करण्यात आलेली नाही. पण जर तुमच्या खात्यात पैसे आले तर तुमच्या खात्याची केवायसी प्रक्रिया पूर्ण होऊन सर्व डिटेल्स अपडेट होणं गरजेचं आहे.

ईपीएफओ ऑनलाइन केवायसी’ची सुविधा
चांगली बाब म्हणजे ईपीएफ खातेधारकांना त्यांचे केवायसी तपशील ऑनलाइन अपडेट करण्याची सुविधा आहे. केवायसी डिटेल्स अपडेट ठेवल्याने तुम्हाला अनेक फायदे मिळतात. तुमचे खाते सुरळीत चालते, पैसे काढणेही सोपे असते. आपण यूएएन ईपीएफओ वेबसाइटद्वारे ईपीएफ केवायसी अपडेट करू शकता. यासाठी तुमच्याकडे यूएएन (युनिव्हर्सल अकाउंट नंबर) असणे आवश्यक आहे.

ईपीएफ खात्याचे केवायसी तपशील अपडेट करण्याची प्रक्रिया
१. ईपीएफओच्या युनिफाइड मेंबर पोर्टलवर आपल्या ईपीएफ खात्यात लॉगिन करा.
२. ‘मॅनेज’ विभागात जाऊन ‘केवायसी’ निवडा.
३. जी काही माहिती मागितली आहे ती भरा आणि ‘सेव्ह’ वर क्लिक करा.
४. स्क्रीनवर तुम्हाला ‘KYC Pending for Approval’ दिसेल.
५. एकदा आपल्या नियोक्त्याने या अपडेटला मान्यता दिली की, आपल्याला ‘Digitally approved by the employer’ दिसेल. त्याचबरोबर आधारचा तपशील अपडेट झाल्यानंतर त्यावर तुम्हाला ‘Verified by UIDAI’ दिसेल.

कॉन्टॅक्ट डिटेल्स अपडेट करायचे असतील तर ही प्रक्रिया फॉलो करा
१. ईपीएफओच्या मेंबर पोर्टलवर जाऊन यूएएनसह पासवर्ड टाकून लॉगिन करा.
२. ‘मॅनेज’ विभागात जा आणि खाली दिलेल्या ड्रॉप डाऊन मेनूमधील संपर्क तपशीलांवर क्लिक करा.
३. आपला मोबाइल क्रमांक आणि ईमेल पत्ता येथे पूर्व-प्रविष्ट करावा.
४. यापैकी काही बदलले असेल तर ‘Change mobile number’ किंवा ‘Change email id’ वर क्लिक करा आणि त्यानंतर ‘Get Authorization Pin’ वर क्लिक करा.

ईपीएफओने ऑक्टोबरमध्ये घोषणा केली होती की नोव्हेंबरपासून ईपीएफ ग्राहकांना पैसे मिळण्यास सुरवात होईल. परंतु, आतापर्यंत व्याज रखडले आहे. अर्थ मंत्रालयाने जून २०२२ मध्येच ८.१ टक्के दराने व्याज देण्यास मान्यता दिली होती. व्याजाचे पैसे तुमच्या ईपीएफ खात्यात लवकर यायला हवेत.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: EPF Interest Rate KYC updates check details on 25 February 2023.