Mobile Calling New Rule | मोबाईल कॉलिंग संबधित हा नवा नियम 1 मे पासून लागू होणार, इनकमिंग कॉल आणि SMS मध्ये मोठे बदल

Mobile Calling New Rule | टेलिकॉम रेग्युलेटरी अॅथॉरिटी ऑफ इंडियाने (ट्राय) नियमांमध्ये बदल करण्याचा निर्णय घेतला आहे. नवीन नियमांनुसार ट्राय एक फिल्टर बसवत आहे, ज्यामुळे 1 मे 2023 पासून फोनमध्ये फेक कॉल आणि एसएमएस रोखले जातील. यानंतर युजर्सना अनोळखी कॉल आणि मेसेजेसपासून सुटका मिळेल. जाणून घेऊया त्याबद्दल सविस्तर.

1 मे पासून लागू करावी लागणार अंमलबजावणी
टेलिकॉम रेग्युलेटरी अथॉरिटी ऑफ इंडियाने (ट्राय) टेलिकॉम कंपन्यांना त्यांच्या फोन कॉल आणि मेसेज सर्व्हिसमध्ये आर्टिफिशियल इंटेलिजन्स स्पॅम फिल्टर बसवण्याचे आदेश दिले आहेत. हे फिल्टर युजर्सचे फेक कॉल आणि मेसेजपासून संरक्षण करण्यास मदत करेल. या नव्या नियमानुसार फोन कॉल आणि मेसेजशी संबंधित सर्व टेलिकॉम कंपन्यांना 1 मे 2023 पूर्वी फिल्टर बसवावे लागतील.

जिओमध्ये ही सुविधा लवकरच सुरू होणार आहे
यासंदर्भात एअरटेलने यापूर्वीच असे एआय फिल्टर देण्याची घोषणा केली आहे. तर जिओनेही या नव्या नियमानुसार आपल्या सेवेत एआय फिल्टर बसवण्याची तयारी करण्याची घोषणा केली आहे. सध्या याबाबत फारशी माहिती समोर आलेली नसली तरी भारतात एआय फिल्टरचा वापर 1 मे 2023 पासून सुरू होईल, असा अंदाज व्यक्त केला जात आहे.

प्रमोशन कॉलवर होणार बंदी
फेक कॉल आणि मेसेजरोखण्यासाठी ट्राय नियम बनवण्याच्या विचारात आहे. त्याअंतर्गत ट्रायने १० अंकी मोबाइल नंबरवर केले जाणारे प्रमोशनल कॉल बंद करण्याची मागणी केली आहे. याशिवाय ट्रायने कॉलर आयडी फीचरही आणले आहे, ज्यात कॉलरचा फोटो आणि नाव दिसेल. टेलिकॉम कंपन्या एअरटेल आणि जिओदेखील ट्रूकॉलर अॅपशी बोलणी करत आहेत, परंतु ते कॉलर आयडी सुविधा लागू करण्याचे टाळत आहेत कारण यामुळे गोपनीयतेची समस्या उद्भवू शकते.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Mobile Calling New Rule from 1st May check details on 27 April 2023.