कंगनाचं मुंबई पालीहिल स्थित कार्यालय | महापालिका अधिकाऱ्यांकडून पाहणी दौरा

मुंबई , ७ सप्टेंबर : प्रसिद्ध राजकीय नेते, कलाकार, उद्योजक आणि क्रीडापटू यांना सरकारकडून सुरक्षा दिली जाते. त्यांच्या जीवाला असणारा धोका लक्षात घेऊन त्यांना कुठल्या दर्जाची सुरक्षा द्यायची, याचा निर्णय सरकारकडून घेतला जातो. दरम्यान आता शिवसेनेबरोबर सुरु असलेल्या वादाच्या पार्श्वभूमीवर अभिनेत्री कंगना रणौतला Y+ दर्जाची सुरक्षा देण्यात आली आहे. या कॅटेगरीमध्ये कंगनाच्या सुरक्षेसाठी १० सशस्त्र कमांडो तैनात असतील.

९ सप्टेंबरला कंगना मुंबईत येणार आहे. मुंबईतील खारमध्ये कंगनाचं घर आहे. पाली हिल परिसरात तिचं कार्यालय आहे. या कार्यालयाची आज मुंबई महापालिकेच्या काही अधिकाऱ्यांनी पाहणी केली. कार्यालय अनधिकृत नाही ना, रस्त्यावर अतिक्रमण तर झालेलं नाही ना, याची तपासणी करण्यासाठी अधिकारी आले होते.

#VIDEO – BMCचे अधिकारी माझ्या कार्यालयात घुसले, उद्या तोडायची तयारी | व्हिडिओ पोस्ट दाखवत कंगनाचा दावा.@mybmc @CMOMaharashtra @KanganaTeam pic.twitter.com/jimJ2KWGBa

— महाराष्ट्रनामा न्यूज (@MahaNewsConnect) September 7, 2020

कंगनाच्या कार्यालयात सध्या रंगरंगोटीचं काम सुरू आहे. त्यांचीही पालिकेच्या अधिकाऱ्यांनी जुजबी चौकशी केली. कार्यालयाशेजारी असणाऱ्या बंगल्यांचीदेखील पाहणी करण्यात आली. यावेळी अधिकाऱ्यांनी शेजारीच असलेल्या रस्त्यांचीही मापं घेतली. त्यामुळे आता पालिका काय कारवाई करणार, याकडे सगळ्यांचं लक्ष लागलं आहे.

News English Summary: Kangana Ranaut will arrive in Mumbai on September 9. Kangana has a house in Khar, Mumbai. She has her office in the Pali Hill area. This office was inspected by some officials of Mumbai Municipal Corporation today. Officials had come to check whether the office was unauthorized or whether there was any encroachment on the road.

News English Title: BMC officers inspects Kangana Ranaut office in mumbai Marathi News LIVE latest updates.