महत्वाच्या बातम्या

• 

  व्हिडिओ: मराठा आरक्षणात दगा होणार? शहांच्या तोंडून कायद्याचं अप्रत्यक्ष बिंग फुटलं?

  देवेंद्र फडणवीस सरकारने काही दिवसांपूर्वीच मराठा आरक्षणाला अधिकृत मान्यता दिली असली तरी अमित शहांच्या तेलंगणातील भाषणादरम्यान एकप्रकारे घटनात्मक आणि न्यायालयीन बिंग फुटल्याची शंका प्रसार माध्यमांवर व्यक्त होऊ लागली आहे. अनेक घटनातज्ञांच्या मतानुसार मराठा आरक्षण हे कायद्याच्या कसोटीवर ठाम पणे टिकण्यासाठी ते ओबीसीमध्येच नवा प्रवर्ग करून देणे गरजेचे होते. तसेच त्यासाठी ओबीसींच्या एकूण राखीव कोटय़ामध्येच वाढ करून, त्यासाठी भारताच्या संसदेत अधिकृतपणे कायदा करणे गरजेचे होते.

  7 वर्षांपूर्वी
• 

  मोदींच्या त्या वक्तव्याने त्यांनी सरदार पटेलांच्या कर्तुत्वावर प्रश्नचिन्ह उपस्थित केलं?

  स्वातंत्र्याच्या काळात भारतातील नेत्यांकडे शहाणपण नसल्यामुळे पंजाबमधील तीर्थस्थळ कर्तारपूर हे पाकिस्तानात गेले, असे सांगत पंतप्रधान सरदार वल्लभभाई पटेलांच्या कर्तुत्वावर प्रश्नचिन्ह उपस्थित करीत आहेत. तसेच नरेंद्र मोदी स्वतःला सर्वेश्रेष्ठ नेता सिद्ध करण्यासाठी गांधी, पटेल आणि इतर नेत्यांना खालच्या पातळीवर घेऊन जाऊ शकतात, अशा शब्दांत काँग्रेस अध्यक्षांनी मोदींवर निशाणा साधला.

  7 वर्षांपूर्वी
• 

  व्हिडिओ! मोदीना विकास नाही 'विनाश पुरुष' म्हटल्याने उमा भारतींचा लोकसभेत पत्ता कट?

  आगामी लोकसभा निवडणूक लढणार नाही असे उमा भारती यांनी प्रसार माध्यमांना सांगितले आहे. तसेच यापुढे मी संपूर्ण लक्ष अयोध्येतील राम मंदिर आणि गंगा नदीवर केंद्रीत करणार असल्याचं स्पष्ट केले आहे. उमा भारतींनी हा मोठा निर्णय घेतला असला तरी मूळ कारण वेगळंच असल्याचं वृत्त आहे.

  7 वर्षांपूर्वी
• 

  दिल्लीत मोर्चेकरी शेतकऱ्यांना भेटायला वेळ नाही, पण देसींगर्लच्या रिसेप्शनला मोदींची हजेरी

  प्रसिद्ध बॉलिवूडची अभिनेत्री आणि ‘देसी गर्ल’ प्रियांका चोप्रा आणि प्रसिद्ध अमेरिकन गायक निक जोनास २ डिसेंबरला हिंदू पद्धतीने विवाहबद्ध झाले. त्याआधी ते शनिवारी, १ डिसेंबर रोजी ख्रिश्चन पद्धतीने विवाहबंधनात अडकले. त्यानंतर पुन्हा रविवारी २ डिसेंबरला पारंपरिक हिंदू पद्धतीने विवाह सोहळा संपन्न झाला होता. दरम्यान काल मंगळवारी दिल्लीतील ताज महल पॅलेस हॉटेलमध्ये प्रियांका-निकचं ग्रँड रिसेप्शन पार पडलं.

  7 वर्षांपूर्वी
• 

  कर्ज फेडतो, पण व्याज नाही देणार, कर्जबुडव्या माल्याचा बँकाकडे प्रस्ताव

  सरकारी बँकांचे हजारो कोटी रुपयांचे कर्ज बुडवून ब्रिटनमध्ये आश्रयासाठी फरार झालेल्या विजय माल्याने बँकांना कर्जाची परतफेड करण्याची दर्शवली आहे. परंतु त्याने घातलेली अट बँका मान्य करणार का प्रश्न आहे. त्याने ठेवलेली अटी नुसार मी केवळ मुद्दल परत करू शकतो परंतु त्यावरील व्याज परत करण्यास असमर्थता दर्शवली आहे.

  7 वर्षांपूर्वी
• 

  धक्कादायक: २०१६ची मर्यादा उलटूनही अनिल अंबानींनी नौदलाला ५ ‘ओपीव्ही’ जहाजे दिलीच नाहीत

  आधीच राफेल लढाऊ विमानांच्या खरेदी प्रक्रियेवरून देशात आणि विदेशात वादळ उठलं असताना आता अनिल अंबानी पुन्हा भारतीय नौदलाच्या एका कंत्राटामुळे चर्चेत आले आहेत. भारतीय नौदलासाठी सागरी गस्ती जहाजे अर्थात ‘आॅफशोअर पॅट्रोल व्हेसल-ओपीव्ही’ बांधण्याचे मोठं कंत्राट मिळालेल्या अनिल अंबानी ग्रुपच्या रिलायन्स नेव्हल अ‍ॅण्ड इंजिनीअरिंग म्हणजे आरनेव्हल या कंपनीने अजून एक सुद्धा जहाज भारतीय नौदलाला ठरलेल्या वेळेत बांधून न दिल्याने अखेर भारतीय नौदलाने आरनेव्हल कंपनीने एकूण कंत्राटाच्या १० टक्के म्हणजे २,५०० कोटी रुपयांच्या बँक गॅरन्टी वटवून घेतल्याचे वृत्त आहे.

  7 वर्षांपूर्वी
• 

  भारताचा सर्वात अवजड उपग्रह जी.सॅट-११ चं यशस्वी प्रक्षेपण, इंटरनेट स्पीडमध्ये क्रांती

  भारताचं सर्वात अवजड उपग्रह म्हणजेच जी.सॅट-११ चं आज अवकाशात यशस्वी प्रक्षेपण करण्यात आलं. तब्बल ५,८५४ वजन असणाऱ्या या उपग्रहाचं बुधवारी पहाटे युरोपिअन अवकाश केंद्र फ्रेंच गुएना येथून यशस्वी प्रक्षेपण करण्यात आलं. दरम्यान, हा एक कम्युनिकेशन उपग्रह आहे, जो भारतातील इंटरनेटचा वेग वाढवण्यास मदत करेल आणि त्यामुळे देशातील इंटरनेट स्पीडमध्ये क्रांती होण्याची आशा आहे. विशेष म्हणजे हा उपग्रह इतका विशाल आहे की, प्रत्येक सोलार पॅनल ४ मीटरपेक्षा मोठा आहे, जो एका मोठ्या रुम एवढा असल्याचं वृत्त आहे.

  7 वर्षांपूर्वी
• 

  PHOTO: मोदींना अक्कल दाढ आली नव्हती तेव्हा पंडित नेहरुंनी इस्त्रोची स्थापना केली

  काँग्रेसने थेट विकासाचं प्रदर्शन भरवत मोदींना चांगलीच चपराक दिली आहे. काँग्रेसच्या माजी अध्यक्षा सोनिया गांधी यांच्या जन्म दिवसाच्या निमित्ताने काँग्रेस पक्षाचे नेते मोहन जोशी यांनी ‘सेवा-कर्तव्य-त्याग सप्ताह’ आयोजित केला असून त्यासाठी पुण्यातील बालगंधर्व रंगमंदिरातील कलादालनात हे छायाचित्रांचे भव्य प्रदर्शन आयोजित करण्यात आले आहे.

  7 वर्षांपूर्वी
• 

  मोदींना नेहरुंच्या जॅकेटवर गुलाब दिसला, पण आपल्या जॅकेटवरील नेहमीचं कमळ विसरले?

  सध्या राजस्थानमध्ये विधानसभा निवडणुकीसाठी दोन्ही बाजूने जोरदार प्रचार सुरु आहे. दरम्यान, पंतप्रधान नरेंद्र मोदी यांनी राजस्थान मधील प्रचारात आज काँग्रेसच्या टीकेला उत्तर दिलं. याआधी काँग्रेस अध्यक्ष राहुल गांधी यांनी नरेंद्र मोदींनी हिंदुत्त्वाबद्दल काय माहित आहे असा प्रश्न उपस्थित केला होता. त्या टीकेला उत्तर देताना पंतप्रधान नरेंद्र मोदींनी भारतातील कृषी क्षेत्राची बिकट अवस्था असण्याला देशाचे पहिले पंतप्रधान पंडित जवाहरलाल नेहरु जबाबदार असल्याची बोचरी टीका केली.

  7 वर्षांपूर्वी
• 

  हिंदीचा अपमान केल्याप्रकरणी राज ठाकरेंविरोधात याचिका दाखल

  मनसे अध्यक्ष राज ठाकरे यांनी रविवारी उत्तर भारतीय पंचायत ने आयोजित केलेल्या कार्यक्रमात उपस्थित राहून हिंदीतून भाषण केले. त्यानंतर देशभर त्यांनी साधलेल्या या हिंदी भाषेतील संवादाची चर्चा रंगली आहे. परंतु आता त्यांच्या या भाषणाविरोधात याचिका दाखल करण्यात आली आल्याचे वृत्त आहे.

  7 वर्षांपूर्वी
• 

  व्हिडिओ: भाजप नेते कपाळावरील हिंदू धर्माचं मंगल-प्रतीक स्वस्तिक पुसून, स्वस्तिकवर उभे रहात आहेत

  सध्या सुरु असलेल्या राजस्थान निवडणुकीत हिंदुत्ववादी पक्ष म्हणून प्रचार करणारे भारतीय जनता पक्षाचे नेते या कारणाने वादात अडकण्याची शक्यता आहे. याआधी छत्तीसगडच्या विधानसभा निवडणुकीदरम्यान मंदिरांना भेटी देत असताना पुजाऱ्याने कपाळावर काढलेले स्वस्तिक चिन्हं लगेचच पुसून टाकत आहेत. तसेच भाजप अध्यक्ष आमित शहा तर भाषणासाठी स्वस्तिक असलेल्या पाटावरच उभे राहून भाषण करत असताना दिसत आहेत.

  7 वर्षांपूर्वी
• 

  काँग्रेसने देशाला चार गांधी दिले, तर भाजपने तीन मोदी दिले

  पंजाब राज्य सरकारमधील विद्यमान मंत्री आणि काँग्रेस नेते नवज्योतसिंग सिद्धू यांनी जयपूर येथील प्रचार सभेत भाजपावर तिखट शब्दात निशाणा साधला आहे. भाषणादरम्यान नवज्योतसिंग सिद्धू यांनी भारतातून परदेशात पलायन करणारे कर्जबुडवे उद्योगपती नीरव मोदी, ललित मोदी आणि स्वतः नरेन्द्र मोदी यांच्यावरून भारतीय जनता पार्टीवर जोरदार शाब्दिक हल्ला चढवला आहे.

  7 वर्षांपूर्वी
• 

  मोदी राजवटीत बँका आजारी! सरकारी आर्थिक औषधाची गरज: मुडीजचा अहवाल

  देशातील सार्वजनिक क्षेत्रातील बँकिंग क्षेत्राचे भांडवलीकरण हे सध्या खूपच कमकुवत झाले असून केंद्र सरकारने आर्थिक मदत केल्यासच त्यांना दिलासा मिळू शकेल. या सार्वजनिक क्षेत्रातील बँकांना केंद्र सरकारच्या आर्थिक औषधाची अत्यंत गरज असल्याचा अहवाल मुडीजने या आंतरराष्ट्रीय संस्थेने आज सार्वजनिक केला आहे. त्यामुळे आर्थिक उत्कर्षाचे गोडवे गाणारे मोदी सरकार तोंडघशी पडले आहे.

  7 वर्षांपूर्वी
• 

  आम्ही सांगतो त्या दिवशी व त्या ठकाणी लग्न सोहळे करायचे नाहीत: योगी सरकार

  यूपीचे मुख्यमंत्री योगी आदित्यनाथ यांनी आता प्रयागराज येथील विवाह सोहळ्यांवरच अधिकृत बंदी आणली आहे. २०१९ मधील जानेवारी आणि मार्च महिन्यात होणाऱ्या विवाह सोहळ्यांना परवानगी देण्यात येणार नाही असे स्पष्ट सरकारी आदेश जारी करण्यात आले आहेत. त्यामुळे या कालावधीत जर स्थानिक लोकांनी विवाह मुहूर्त काढला असेल तर तो बदलावा असे थेट आदेश आहेत. कारण, याच कालावधीत कुंभ मेळ्याचे आयोजन करण्यात येणार असल्याचे समजते. त्यासाठी योगी सरकारने तडकाफडकी आदेश जारी केले आहेत.

  7 वर्षांपूर्वी
• 

  उत्तर भारतीय पंचायत: राज ठाकरे दिसत होते त्यापेक्षाही खूप कट्टर मराठी असल्याचे सिद्ध झाले

  महाराष्ट्र नवनिर्माण सेनेचे अध्यक्ष राज ठाकरे यांनी आज मुंबई कांदिवली येथे उत्तर भारतीय महापंचायत समितीने आयोजित केलेल्या कार्यक्रमाला प्रमुख वक्ते म्हणून उपस्थिती लावत स्वतःची भूमिका स्पष्ट केली. दरम्यान, उत्तर भारतीयांच्या बाबतीत ते नेमकी कोणती भूमिका मांडतात यावर प्रसार माध्यमं आणि सर्वच प्रमुख पक्षांचे लक्ष लागून राहिले आहे. भाषणातील मराठीचा हिंदीत अनुवाद करताना चुकीची माहिती हिंदी भाषिक राज्यांमध्ये प्रसारित केली जाते, त्यामुळे त्यांनी हा संवाद देशभर समजावा म्हणून हिंदीत भाषण केले.

  7 वर्षांपूर्वी
• 

  विरोधकांकडून करप्टमोदी.कॉम वेबसाइट लाँच, सर्व भ्रष्टाचारांची माहिती

  सध्या विरोधकांनी सुद्धा भाजपाला डिजिटल जगाचा चांगलाच इंगा दाखविण्यास सुरुवात केली आहे. लोकसभेत आणि भाजप प्रणित विविध राज्यांच्या विधानसभेत भारतीय जनता पक्षाने केलेले घोटाळे लोकांसमोर पोहोचविण्यासाठी विरोधकांनी वेगळीच शक्कल लढवली आहे. त्यांनी थेट करप्टमोदी.कॉम म्हणजे CorruptModi.com नावाने वेबसाइट लाँच करून भाजपचे सर्व घोटाळे सार्वजनिक केले आहेत.

  7 वर्षांपूर्वी
• 

  छत्तीसगढ: भरोसा नाही बाबा भाजपवर? काँग्रेस उमेदवारांचा EVM मशीनभोवती पहारा

  ईव्हीएम मशीनमधील गडबडींची धास्ती छत्तीसगडच्या काँग्रेस उमेदवारांनी घेतल्याचे पहायला मिळत आहे. मागील निवडणुकीत ईव्हीएम’मध्ये भाजपने अनेक चुकीच्या गोष्टी संगनमताने केल्याचे आरोप विरोधी पक्षांकडून करण्यात आले आहेत. अनेक मतदारसंघात उमेदवारांना स्वतःचे मत सुद्धा न मिळाल्याने अनेकांनी शंका व्यक्त केली होती. त्यात धमतारी येथे ईव्हीएम मशीन ठेवलेल्या स्ट्रॉन्गरूम’मध्ये एका अनोळखी व्यक्तीला तहसीलदाराचं सोबत घेऊन गेल्याने काँग्रेसने रान उठवले होते. त्यानंतर सदर तहसीलदारांना निवडणूक आयोगाने सस्पेंड केले आहे.

  7 वर्षांपूर्वी
• 

  जी-२० परिषद: काळ्या पैशांविरोधात सर्वांनी एकत्र यावे: मोदींचे आवाहन

  अर्थव्यवस्थेतील काळ्या पैशांविरोधात लढण्यासाठी जगातील सर्व देशांनी एकत्र आले पाहिजे, असे मत भारताच्या पंतप्रधानांनी जी२० परिषदेत उपस्थितांना संबोधित करताना दिले. शुक्रवारपासून ब्यूनस आयर्स येथे सुरु झालेल्या जी-२० सदस्य देशांच्या शिखर परिषदेत मोदींनी अमेरिकेचे राष्ट्राध्यक्ष डोनाल्ड ट्रम्प तसेच जपानचे पंतप्रधान शिंजो आबे यांची विशेष भेट घेतली.

  7 वर्षांपूर्वी
• 

  गुजरात: ब्राह्मण समाज आरक्षणासाठी रस्त्यावर उतरणार?

  महाराष्ट्रात मराठा आरक्षणावरून वातावरण क्षमते ना क्षमते तोच गुजरात भाजपाची डोकेदुखी वाढण्याची चिन्ह दिसू लागली आहेत. मागील अनेक वर्षांपासून गुजरातमध्ये पाटीदार समाजाची आंदोलनं सुरु आहेत. त्यात आता गुजरातमधील ब्राह्मण आणि राजपूत समाजाने सुद्धा आरक्षणाची मागणी केल्याने निवडणुकीच्या तोंडावर भाजपाची डोकेदुखी वाढण्याची शक्यता आहे.

  7 वर्षांपूर्वी
• 

  नाणार'वर यूएईच्या राजदूतांचं वक्तव्य; भाजप-शिवसेना सरकारकडून दगा फटक्याची शक्यता?

  निसर्गरम्य कोकणातील रत्नागिरीयेथील बहुचर्चित नाणारच्या तेल शुद्धीकरण प्रकल्पाच्या भूसंपादनाला कालच महाराष्ट्रातील भाजप-शिवसेना प्रणित युती सरकारने स्थगिती दिली आहे. तशी अधिकृत घोषणा फडणवीसांनी बुधवारी विधिमंडळात केली होती. परंतु, धक्कादायक म्हणजे या घोषणेला अवघे २४ तास सुद्धा उलटत नाहीत तोपर्यंत, सदर प्रकल्पासाठी पुढच्या काही आठवड्यातच आम्हाला (अ‍ॅडनॉक कंपनी) महाराष्ट्र सरकारकडून जमीन मिळणार दिली जाणार आहे, असे यूएई अर्थात दुबईच्या राजदूतांनी राजधानी नवी दिल्लीत गुरुवारी स्पष्ट केले आहे.

  7 वर्षांपूर्वी