अम्फान चक्रीवादळ : प. बंगालला १, ००० कोटींची तात्काळ मदत, पंतप्रधानांची घोषणा

बशीरहाट (कोलकाता), २२ मे : पंतप्रधान नरेंद्र मोदी यांनी शुक्रवारी पश्चिम बंगालमधील अम्फान वादळामुळे झालेल्या नुकसानीचं हवाई सर्वेक्षण केलं. केंद्राच्या वतीने त्यांनी बंगालला १ हजार कोटी रुपयांची मदत जाहीर केली आहे. चक्रीवादळामुळे झालं नुकसान भरून निघून बंगाल पुन्हा उदयास येईल अशी त्यांना आशा आहे. पीएम मोदी म्हणाले की, या दु: खाच्या घटनेत ते पश्चिम बंगालसोबत आहेत. बंगालवर कोरोना आणि अम्फान या दोन्ही आपत्तींशी एकत्र लढत आहे.

Rs 1000 crore allocated by central government for immediate assistance of West Bengal in the wake of #CycloneAmphan: PM Modi pic.twitter.com/HPYDMtnn5K

— ANI (@ANI) May 22, 2020

पंतप्रधान नरेंद्र मोदी यांनी अम्फान चक्रीवादळाच्या पार्श्वभूमीवर आज पश्चिम बंगालचा दौरा केला. यावेळी त्यांनी या ठिकाणच्या परिस्थितीची पाहणी केली. तसंच पश्चिम बंगालला १ हजार कोटी रूपयांची तर मृतांच्या कुटुंबीयांना २ लाख आणि गंभीररित्या जखमी झालेल्या लोकांना १ लाख रूपयांची तात्काळ मदत जाहीर केली. दरम्यान, केंद्र सरकारची एक टीम पश्चिम बंगलच्या दौऱ्यावर जाणार असल्याचंही त्यांनी सांगितलं. ही टीम त्या ठिकाणी झालेल्या नुकसानीची पाहणी करेल आणि राज्यासाठी आवश्यक असलेल्या सर्व गोष्टींची मदत करणार असल्याचंही त्यांनी सांगितलं.

या दौऱ्यात पश्चिम बंगालच्या मुख्यमंत्री ममता बॅनर्जी यादेखील त्यांच्यासोबत होत्या. दोघांनी हेलिकॉप्टरच्या मदतीनं हवाई पाहणी केली. अम्फान चक्रीवादळामुळे पश्चिम बंगालमध्ये ८० जणांचा मृत्यू झाला आहे. यानंतर पंतप्रधान नरेंद्र मोदी ओडिशाचा दौराही करणार आहेत.

यावेळी त्यांनी पत्रकार परिषदेत सांगितले की, चक्रीवादळामुळे कमीत कमी नुकसान व्हावे यासाठी केंद्र आणि राज्य सरकारने प्रयत्न केले. तरीही आम्ही ८० जणांना वाचवू शकलो नाही. याचे दु:ख आहे. शेती, वीज आणि व्यापाऱ्यांचे मोठे नुकसान झाले आहे. लोकांची घरे उद्ध्वस्त झाली आहेत. आता आम्हाला त्यांची मदत करायची आहे. दोन्ही सरकारे मिळून मदत करणार असल्याचे मोदी म्हणाले.

News English Summary: Prime Minister Narendra Modi on Friday conducted an aerial survey of the damage caused by Hurricane Amphan in West Bengal. On behalf of the Center, it has announced Rs 1,000 crore aid to Bengal.

News English Title: Rs 1000 Crore Allocated By Central Government For Immediate Assistance Of West Bengal In The Wake Of Cyclone Amphan Prime Minister Narendra Modi News Latest Updates.