नाकावाटे श्वास घेऊन तो तोंडावाटे सोडल्यास शरीरातील कोरोनावर नियंत्रण ठेवता येऊ शकतं

नवी दिल्ली, २४ जून : जागतिक आरोग्य संघटना अर्थात WHO कडून रविवारी dexamethasone या औषधाच्या उत्पादन प्रक्रियेत झपाट्यानं वाढ करण्यावर भर देण्यात आला. वैद्यकिय चाचण्यांनंतर या औषधाचा वापर गंभीर स्वरुपाच्या coronavirus कोरोना रुग्णासाठी केल्यास त्याचा फायदा होऊन रुग्णाचे प्राण वाचवता येत असल्याचं सिद्ध होताच हा निर्णय घेतला गेला.

ऑक्सफर्ड विद्यापीठातून करण्यात आलेल्या संशोधनामध्ये dexamethasone हे औषध काही ठराविक मात्रेमध्ये विविध प्रकारच्या ऍलर्जी, अस्थमा (दमा), काही प्रकारचे कॅन्सर अशा रोगांवर वापरलं जातं. याच औषधावर जवळपास १० दिवस संशोधन केल्यानंतर व्हेंटिलेटरची आवश्यकता असणाऱ्या कोविड रुग्णाला वाचवता येऊ शकतं असं सिद्ध झालं आहे.

दुसरीकडे कोरोनाव्हायरसपासून बचाव करण्यासाठी काय करावं आणि काय नाही याबाबत अनेक सल्ले दिले जात आहे. दरम्यान नाकावाटे श्वास घेऊन तो तोंडावाटे सोडला तर आपल्या शरीरावर हल्ला केलेल्या कोरोनाव्हायरसवर नियंत्रण ठेवता येऊ शकतं, असं नोबेले विजेते फार्मोकोलॉजिस्ट युइस जे. इगनॅरो यांनी सांगितलं आहे. १९९८ साली त्यांना फिजिओलॉजीसाठी नोबेल पुरस्कार मिळाला आहे.

इनगॅरो यांनी केलेल्या अभ्यासानुसार अशा पद्धतीने श्वास घेतल्याने नाकामध्ये नायट्रिक ऑक्साइड तयार होतं. जे फुफ्फुसामध्ये रक्तप्रवाह वाढवतो आणि रक्तातील ऑक्सिजनची पातळीही वाढते. जेव्हा नाकावाटे श्वास घेतला जातो तेव्हा नायट्रिक ऑक्साइड थेट फुफ्फुसामध्ये पोहोचतो. ज्यामुळे फुफ्फुसामध्ये कोरोनाव्हायरसचे प्रतिरूप म्हणजे रिप्लिकेशन होत नाहीत आणि रक्तातील ऑक्सिजनची पातळी वाढते तेव्हा त्या व्यक्तीला खूप ताजंतवानं वाटतं.

याबाबत सविस्तर लेख द कॉनवरसेशन मध्ये प्रसिद्ध करण्यात आला आहे.

News English Summary: If you inhale and exhale, you can control the coronavirus that has invaded your body, says Nobel laureate pharmacologist Youssef J. Ignacio has said. In 1998 he was awarded the Nobel Prize in Physiology.

News English Title: Breathing correctly could help kill Coronavirs said Nobel Prize winning pharmacologist Louis J Ignarro News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.