फडणवीस राज्यातील अतिवृष्टी भागाचा पाहणी दौरा करणार | सुरुवात बारामतीपासून

मुंबई, १७ ऑक्टोबर : राज्यातील मराठवाडा आणि पश्चिम महाराष्ट्रात परतीच्या पावसाने, अतिवृष्टीने अतोनात नुकसान झालं आहे. आस्मानी संकटांमुळे बळीराजा पुरता हवालदिल झाला आहे.

नुकसानग्रस्त शेतकर्‍याला दिलासा देण्यासाठी आणि झालेल्या नुकसानीची पाहणी करण्यासाठी राज्याचे माजी मुख्यमंत्री आणि विधानसभेतील विरोधी पक्षनेते देवेंद्र फडणवीस हे येत्या 19 ऑक्टोबरपासून 3 दिवसांचा दौरा करणार आहेत. देवेंद्र फडणवीस यांच्या दौऱ्याला राष्ट्रवादी काँग्रेसचे अध्यक्ष शरद पवार यांच्या बारामतीपासून सुरूवात होणार आहे.

आपल्या दौऱ्याची सुरुवात देवेंद्र फडणवीस हे बारामतीपासून करणार आहेत. कुरकुंभ, इंदापूर, टेंभूर्णी, करमाळा, परंडा इत्यादी ठिकाणी दौरा करून ते उस्मानाबादकडे रवाना होतील.

पुणे आणि सोलापूर जिल्ह्यांच्या प्रवासानंतर दुसर्‍या दिवशी म्हणजेच २० ऑक्टोबर रोजी उस्मानाबाद, लातूर, बीड आणि परभणी या जिल्ह्यातील ठिकाणांना ते भेटी देणार आहेत. तर तिसर्‍या दिवशी (२१ ऑक्टोबर) रोजी हिंगोली, जालना, औरंगाबादचा ते दौरा करतील. या तीन दिवसांत देवेंद्र फडणवीस हे नऊ जिल्ह्यांमध्ये सुमारे ८५० किलोमीटरचा प्रवास करणार आहेत.

News English Summary: In the state of Marathwada and Western Maharashtra, heavy rains have caused severe damage due to return rains. Due to the heavenly crisis, Baliraja is in a state of panic. Former Chief Minister and Leader of Opposition in the Legislative Assembly Devendra Fadnavis will pay a three-day visit from October 19 to provide relief to the affected farmers and inspect the damage. Devendra Fadnavis’s tour will start from NCP President Sharad Pawar’s Baramati.

News English Title: BJP leader Devendra Fadnavis will take tour overcast areas in Maharashtra News updates.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.