7 May 2021 10:27 AM
अँप डाउनलोड

उद्या मोदींनी देशव्यापी लॉकडाऊनची घोषणा केल्यास त्यालाही फडणवीस विरोध करणार का?

PM Narendra Modi, nationwide lockdown

मुंबई, ११ एप्रिल: महाराष्ट्रात लॉकडाऊन करण्यास विरोधी पक्षनेते देवेंद्र फडणवीस यांच्याकडून सातत्याने विरोध केला जात आहे. हा विरोध भारतीय जनता पक्षाच्या राजकीय भूमिकेमुळे असल्याचा आरोप संजय राऊतांनी केला आहे. परंतु, उद्या कोरोना रुग्णांची संख्या वाढली आणि पंतप्रधान नरेंद्र मोदी यांनीच देशव्यापी लॉकडाऊनची घोषणा केली तर तेव्हा देवेंद्र फडणवीस काय करणार? असा खोचक सवाल संजय राऊतांनी केला आहे.

BhagyaVivah Marathi Matrimonial

संजय राऊत यांनी रविवारी मुंबईत प्रसारमाध्यमांशी संवाद साधला. राऊत म्हणाले की, ‘देशात लॉकडाऊनची गरज आहे की, नाही याविषयी निर्णय पंतप्रधान घेतील. मात्र काल मुख्यमंत्री उद्धव ठाकरेंनी सर्व पक्षीय नेत्यांची बैठक घेतली. चर्चा करत त्यांचे मुद्दे लक्षात घेतले. लॉकडाऊनची गरज असल्याचे संकेत मुख्यमंत्र्यांनी दिले. जर केंद्राला वाटत असेल की, लॉकडाऊनची गरज आहे. तर पंतप्रधान मन की बात देशाला सांगतील. मात्र पश्चिम बंगालच्या निवडणुका पूर्ण झाल्यानंतर याविषयी केंद्र सरकार निर्णय घेऊ शकतात.’

विरोधीपक्ष नेते देवेंद्र फडणवीसांवर टीका करत संजय राऊत म्हणाले की, ‘देवेंद्र फडणवीसांनी लॉकडाऊनला विरोध केला असेल. ही त्यांच्या पक्षाची राज्यापुरती भूमिका आहे. देशातील भूमिका ही वेगळी असू शकते. जर पंतप्रधान मोदींनी देशात पुन्हा लॉकडाऊन लागू केला, तर देवेंद्र फडणवीस म्हणतील का की महाराष्ट्र सोडून देशभरात लॉकडाऊन लागू करा. अशा परिस्थितीत राजकारण करणे कोणालाही शोभत नाही. लोकांचे जीव वाचवणे हे महत्त्वाचे आहे’ असे राऊत म्हणाले.

 

News English Summary: If the number of corona patients increases tomorrow and Prime Minister Narendra Modi announces a nationwide lockdown, then what will Devendra Fadnavis do? Sanjay Raut has asked such a sharp question.

News English Title: If PM Modi will again announces nationwide lockdown then Fadnavis will oppose says Sanjay Raut news updates.

हॅशटॅग्स

#Sanjay Raut(215)

संबंधित बातम्या

राहुन गेलेल्या बातम्या

x