मुंबई, २ मे: महाराष्ट्रात ७९० नवे कोरोना रुग्ण पॉझिटिव्ह आढळले आहेत त्यामुळे राज्यातील करोना रुग्णांची संख्या १२ हजार २९६ झाली आहे. तर मागील चोवीस तासात ३६ रुग्णांचा मृत्यू झाला आहे. आत्तापर्यंत महाराष्ट्रात ५२१ रुग्णांचा मृत्यू कोरोनाची लागण झाल्याने झाला आहे. आज महाराष्ट्रात १२१ रुग्णांना डिस्चार्ज देण्यात आला आहे. तर आत्तापर्यंत महाराष्ट्रातील २ हजार रुग्णांना डिस्चार्ज देण्यात आला आहे. राज्याच्या आरोग्य विभागाने ही माहिती दिली आहे.

धारावीमध्ये एकूण १८ जणांचा कोरोनामुळे मृत्यू झाला आहे. यामध्ये काही डॉक्टरांचाही समावेश आहे. यामुळे मुंबई महापालिकेसह राज्य सरकारचीही भंबेरी उडाली होती. आज ३८ नव्या रुग्णांची नोंद झाली असून धारावीमध्ये सापडलेल्या एकूण कोरोनाग्रस्तांची संख्या ४९६ झाली आहे. यापैकी १८ जणांचा मृत्यू झाला आहे. तर महत्वाचे म्हणजे गेल्या दोन दिवसांत धारावीतील एकाही रुग्णाचा मृत्यू झालेला नाही.

दुसरीकडे, सिंधुदुर्गातील मुंबईत स्थायिक झालेली अनेक कुटुंबे एप्रिल, मे महिन्यात म्हणजेच आंब्या फणसाच्या दिवसांत आपल्या मूळगावी येतात पण यावर्षी मात्र त्यांची गावाकडची वाट सोपी राहिलेली नाही. करोनामुळे ही वाट बिकट झाली आहे. जिल्हाधिकाऱ्यांचे ताजे आदेश लक्षात घेता मुंबईतून येथे येणाऱ्यांना स्वत:च्या घरात पाऊल ठेवायला किमान १४ दिवस वाट पाहावी लागणार आहे.

 

News English Summary: In Maharashtra, 790 new corona patients have been found positive, bringing the number of corona patients in the state to 12,296. In the last 24 hours, 36 patients have died. So far, 521 patients have died due to corona infection in Maharashtra.

News English Title: Story 790 New Covid19 Positive Cases 36 Deaths Reported In Maharashtra state Today Taking The Total Number Of Cases To 12296 And Death Toll To 521 News Latest Updates.

राज्यात ७९० नवे कोरोना रुग्ण, ३६ मृत्यू, एकूण रुग्ण १२,२०० च्याही पुढे