7th Pay Commission | सरकारी कर्मचाऱ्यांसाठी आनंदाची बातमी! हातात येणारा एकूण पगार आणि DA मध्ये होणार एवढा मोठा बदल

7th Pay Commission | महागाई भत्त्याची प्रतीक्षा अखेर संपली आहे. केंद्रीय कर्मचाऱ्यांना लवकरच वाढीव वेतन देण्यात येणार आहे. 1 जुलै 2023 पासून 46 टक्के महागाई भत्ता मिळणार असून त्याची अंमलबजावणी तारीख १ जुलै ग्राह्य धरण्यात येणार आहे. मात्र, त्याची अधिकृत घोषणा अद्याप करण्यात आलेली नाही. नुकत्याच झालेल्या एआयसीपीआय निर्देशांकाच्या आकडेवारीत कर्मचाऱ्यांच्या महागाई भत्त्यात 4 टक्के वाढ होणार असल्याचे स्पष्ट झाले आहे.

अशा प्रकारे डीएची गणना केली जाते

डीएची गणना बेसिक सॅलरीवर केली जाते. जर एखाद्याचा पगार 20,000 रुपये असेल तर 4 टक्के दराने त्याचे 800 रुपये महिन्यात वाढतील.

किती वाढणार पगार, समजून घ्या हिशोब

सातव्या वेतन श्रेणीनुसार अधिकारी दर्जाच्या वेतनात बंपर वाढ होणार आहे. जर एखाद्याचा बेसिक पगार सध्या 31550 रुपये आहे. याचा हिशोब केला तर…

* बेसिक पे – 31550 रुपये
* नवीन महागाई भत्ता (डीए)- 46% – 14513 रुपये प्रति महिना
* चालू महागाई भत्ता (डीए) – 42% – 13251 रुपये प्रति महिना
* 4% महागाई भत्ता (डीए) वाढवला तर – 1262 रुपये (प्रति महिना) अधिक मिळतील
* वार्षिक महागाई भत्ता – 4% वाढ केल्यास 15144 रुपये अधिक मिळतील
* एकूण वार्षिक महागाई भत्ता – 1,74,156 रुपये (46 टक्के दराने)

डीए कधी जाहीर होणार?

जुलै २०२३ चा महागाई भत्ता निश्चित करण्यात आला आहे. परंतु, त्याची घोषणा करण्यास अजून वेळ आहे. याची घोषणा सप्टेंबर महिन्यात होऊ शकते, असे सूत्रांचे म्हणणे आहे. साधारणपणे सप्टेंबरमध्येच महागाई भत्त्याला मंत्रिमंडळाची मंजुरी मिळते. यानंतर अर्थ मंत्रालय त्याची अधिसूचना जारी करते आणि त्यानंतर ते केंद्र सरकारच्या कर्मचाऱ्यांना दिले जाते. दोन महिन्यांच्या या वाढीव महागाई भत्त्याचा फरक केंद्रीय कर्मचाऱ्यांना थकबाकीच्या स्वरूपात दिला जातो.

Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : 7th Pay Commission Salary DA Hike updates 20 August 2023.