Debit Credit Card | तुम्ही डेबिट किंवा क्रेडिट कार्ड वापरात असाल तर 1 ऑक्टोबरपासून होणारे मोठे बदल लक्षात ठेवा

Debit Credit Card | क्रेडिट आणि डेबिट कार्ड वापरणाऱ्यांसाठी मोठी बातमी आहे. आजच्या काळात प्रत्येक दुसरी व्यक्ती डेबिट कार्ड किंवा क्रेडिट कार्डचा वापर करत असते. अशा परिस्थितीत कोणताही बदल घडण्यापूर्वीच त्याविषयी माहिती करून घ्यायला हवी. येत्या 1 ऑक्टोबरपासून रिझर्व्ह बँक कार्डच्या नियमांमध्ये मोठा बदल करणार आहे.

हा नवा नियम 1 ऑक्टोबरपासून लागू होणार आहे :
1 ऑक्टोबरपासून बँकिंग क्षेत्राशी संबंधित मोठ्या नियमांमध्ये बदल होणार आहे, हे आम्ही तुम्हाला सांगतो. आरबीआयने यासाठी आदेशही जारी केला आहे. रिझर्व्ह बँकेने 1 तारखेपासून कार्ड-ऑन-फाईल टोकनायझेशन नियम आणत असल्याचे म्हटले आहे.

कार्डधारकांना मिळणार भरपूर फायदा :
टोकनायझेशन पद्धतीत बदल केल्यानंतर कार्डधारकांना अधिक सुविधा आणि सुरक्षा मिळेल, अशी माहिती रिझर्व्ह बँकेने दिली आहे. कार्डधारकांच्या पेमेंटच्या अनुभवात लक्षणीय सुधारणा होईल.

फसवणुकीची प्रकरणे रोखणार :
रिझर्व्ह बँकेने दिलेल्या माहितीनुसार, क्रेडिट आणि डेबिट कार्डद्वारे पेमेंट पूर्वीपेक्षा अधिक सुरक्षित करण्याचा उद्देश नव्या नियमांमध्ये ठेवण्यात आला आहे. गेल्या काही दिवसांपासून क्रेडिट-डेबिट कार्डने फसवणूक झाल्याच्या अनेक बातम्या येत होत्या, मात्र नवा नियम लागू झाल्यानंतर ग्राहक डेबिट किंवा क्रेडिट कार्ड ऑनलाइन, पॉइंट ऑफ सेल (पीओएस) किंवा अॅपने ऑनलाइन व्यवहार करतात, त्यानंतर सर्व तपशील एन्क्रिप्टेड कोडमध्ये सेव्ह होतील.

आपण कार्ड टोकनमध्ये बदलू शकता – शुल्क भरावे लागणार नाही:
नव्या टोकन प्रणालीअंतर्गत डेबिट आणि क्रेडिट कार्डचा संपूर्ण डेटा ‘टोकन’मध्ये रुपांतरीत करण्यात येणार आहे. यामुळे तुमच्या कार्डची माहिती डिव्हाइसमध्ये लपवून ठेवली जाईल. जर कोणतीही व्यक्ती टोकन बँकेवर विनंती करून कार्ड टोकनमध्ये रूपांतरित करू शकते. कार्डधारकाला कार्ड टोकनाइज करण्यासाठी कोणतेही शुल्क भरावे लागणार नाही. जर तुम्ही तुमच्या कार्डचे टोकनमध्ये रूपांतर केले तर तुमच्या कार्डची माहिती कोणत्याही शॉपिंग वेबसाइट किंवा ई-कॉमर्स वेबसाइटवर टोकनमध्ये सेव्ह करता येते.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Debit Credit Card CoF Card Tokenisation RBI rules from 1 October check details 17 September 2022.