Linkedin Layoffs | तरुणांनो! नोकरी शोधून देणाऱ्या लिंक्डइनचे कर्मचारीच बेरोजगार झाले, म्हणून 'बजरंग बली की जय' राजकारणात अडकू नका

Linkedin Layoffs | लिंक्डइन कॉर्पोरेशन कंपनीने आपला व्यवसाय वाढविण्यासाठी ७१६ कर्मचाऱ्यांना कामावरून काढून टाकण्याचा निर्णय घेतला आहे. त्यामुळे इतरांना नोकरी देण्यात किंवा नोकरी शोधून देण्यात प्रसिद्ध असलेल्या कंपनीतील कर्मचारीच बेरोजगार झाले आहेत. याचे पडसाद भारतातही लवकरच उमटतील. कंपनीचे सीईओ रायन रोसलांस्की यांनी सोमवारी रात्री उशिरा ईमेलद्वारे ही माहिती दिली. ते म्हणाले की, कंपनीला पुढे नेण्यात या कर्मचाऱ्यांचे मोठे योगदान आहे. पण कंपनी व्यवस्थित चालावी म्हणून आम्ही ७१६ कर्मचाऱ्यांना कंपनीतून काढून टाकत आहोत. यासोबतच कंपनीने आंतरराष्ट्रीय व्यापारातही (जीबीओ) बदल केले आहेत.

कंपनीचे (सीईओ) रायन रोसलांस्की यांचे निवेदन
कंपनीचे (सीईओ) रायन रोसलांस्की यांनी सोमवारी रात्री उशिरा कर्मचाऱ्यांना पाठवलेल्या ईमेलमध्ये सांगितले की, आम्ही कंपनीचे कामकाज योग्यरित्या चालविण्यासाठी हे पाऊल उचलत आहोत. झपाट्याने बदलणाऱ्या या युगाबरोबर आम्ही लिंक्डइनला योग्य मार्गदर्शन करत आहोत, असेही त्यांनी ईमेलमध्ये लिहिले आहे. जेणेकरून आम्ही आमचा व्यवसाय वाढवत राहू. मात्र, आम्ही आपली आंतरराष्ट्रीय व्यापार संघटना (जीबीओ) आणि आपली चीन रणनीती बदलत आहोत, ज्यामुळे आपल्याला हे पाऊल उचलावे लागणार आहे.

लिंक्डइन प्लॅटफॉर्म लोकांना संधी देतो
ते म्हणाले की लिंकडीएन प्लॅटफॉर्म आपल्या सदस्यांसाठी आणि ग्राहकांसाठी आर्थिक संधी निर्माण करीत आहे आणि आजही विक्रमी लोक या प्लॅटफॉर्ममध्ये सामील होत आहेत. पण त्याचवेळी ग्राहकांच्या वागणुकीत बदल आणि कमी महसूल आपण पाहत आहोत. रायन रोसलांस्की म्हणाले की, आम्ही बाजारात आमचा व्यवसाय वाढविण्यासाठी सतत प्रयत्न करत आहोत. एवढेच नव्हे तर मार्च तिमाहीत विक्रमी ९३ दशलक्ष लोक लिंक्डइनमध्ये सामील झाले. त्यामुळे मार्च तिमाहीत आठ टक्क्यांची वाढ झाली होती.

कंपनीने या टीमला हटवण्याची चर्चा केली होती
कंपनीने उत्पादने बंद करणे आणि अभियांत्रिकी टीम काढून टाकणे आणि चीनमधील कॉर्पोरेट, विक्री आणि विपणन कार्य कमी करण्याची प्रक्रिया यापूर्वीच सुरू केली होती. चीनमध्ये कार्यरत असलेल्या कंपन्यांना परदेशी नियुक्त्या, बाजारपेठा आणि प्रशिक्षणासह मदत करण्याच्या योजनांकडे ते विशेष लक्ष देतील, असे रोसलान्स्की म्हणाले. आम्ही एकत्रितपणे 2024 साठी देखील नियोजन करत आहोत. यावर्षी २०२४ मध्ये आम्ही जे केले आहे ते आम्ही करू आणि आमची विचारसरणी आणि व्यवसाय अधिक चांगल्या प्रकारे चालविण्यासाठी काम करत राहू.

कर्नाटक निवडणूक आणि बेरोजगारीचा मुद्दा
आज कर्नाटक निवडणुकीची मतदान प्रक्रिया पार पडणार आहे. मात्र तत्पूर्वी प्रचारात विरोधकांनी देशातील बेरोजगारीचा गंभीर मुद्दा उपस्थित करत मोदी सरकारला लक्ष करताच पंतप्रधान मोदींनी भाजपच्या प्रचार सभांमध्ये ‘बजरंग बली की जय’ आणि ‘द केरला स्टोरी’ असे धार्मिक मुद्दे जोरदारपणे उचलून तरुणांना विचलित करण्याचा प्रयत्न केल्याचं पाहायला मिळालं. त्यावरून तरुणांना त्यांच्या मूळ गंभीर बेरोजगारीच्या मुद्द्यावरून विचलित करून त्यांच्या डोक्यात धार्मिक तेढ निर्माण करण्याचा भीषण प्रयत्न झाल्याचं सिद्ध झालं आहे. त्यामुळे तरुणांनी सुद्धा त्यांच्या मूळ प्रश्नावर केंद्रित राहून स्वतःच आणि कुटुंबाच्या भविष्यबद्दल सत्ताधाऱ्यांना जाब विचारानं गरजेचं आहे, अन्यथा तरुण राजकीय ट्रॅप मध्ये अडकून स्वतःच भीषण नुकसान करून घेईल अशी शक्यता अधिक आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Linkedin Layoffs 716 employees in coming days check details on 10 May 2023.