NPS Investment | पत्नीच्या नावे NPS मध्ये रु 5000 गुंतवणुक करा | 1 कोटी 11 लाख मिळतील | पेन्शनचाही फायदा

NPS Investment | भविष्यात जर तुमची पत्नी पैशासाठी कुणावर अवलंबून नसेल तर तुम्ही त्यांच्यासाठी नियमित उत्पन्नाची व्यवस्था करू शकता. तुम्ही तुमच्या पत्नीच्या नावे न्यू पेन्शन सिस्टिम (एनपीएस) खाते उघडू शकता. एनपीएस खाते पत्नीला वयाच्या ६० व्या वर्षी एकरकमी रक्कम देईल. याशिवाय तुम्हाला दरमहा पेन्शनचा लाभ मिळणार आहे. पत्नीची ही नियमित मिळकत असेल. एनपीएस खात्याचा सर्वात मोठा फायदा म्हणजे तुम्हाला दरमहा किती पेन्शन हवी आहे हे तुम्ही स्वत:च ठरवू शकता. वयाच्या 60 व्या वर्षी पत्नीला पैशांची कमतरता भासणार नाही.

पत्नीच्या नावे एनपीएस खाते उघडा:
आपण आपल्या पत्नीच्या नावे राष्ट्रीय पेन्शन योजनेचे खाते उघडू शकता. सोयीनुसार दर महिन्याला किंवा दरवर्षी पैसे जमा करण्याचा पर्याय मिळतो. तसेच 1 हजार रुपयांपासून पत्नीच्या नावे एनपीएस खाते उघडू शकता. वयाच्या 60 व्या वर्षी एनपीएस खाते मॅच्युअर होते. नव्या नियमांनुसार तुम्हाला हवं असेल तर पत्नीचं वय 65 वर्ष होईपर्यंत एनपीएस खातं चालवत राहा.

5000 रुपये मासिक गुंतवणूक 1.14 कोटी रुपयांचा फंड तयार करेल:
उदाहरणार्थ, तुमची पत्नी 30 वर्षांची आहे आणि तुम्ही तिच्या एनपीएस खात्यात दरमहा 5000 रुपये गुंतवता. जर त्यांना गुंतवणुकीवर वार्षिक 10 टक्के परतावा मिळाला तर वयाच्या 60 व्या वर्षी त्यांच्या खात्यात एकूण 1.12 कोटी रुपये जमा होतील. त्यातून त्यांना सुमारे ४५ लाख रुपये मिळतील. याशिवाय त्यांना दरमहा सुमारे ४५ हजार रुपये पेन्शन मिळणार आहे. ही पेन्शन त्यांना आयुष्यभरासाठी दिली जाणार आहे.

एकरकमी रक्कम किती आणि पेन्शन किती मिळणार? किती पेंशन मिळेल?
* वय – ३० वर्षे
* गुंतवणुकीचा एकूण कालावधी – ३० वर्षे
* मासिक योगदान – ५,००० रु.
* गुंतवणूकीवर अंदाजित परतावा – 10%
* एकूण पेन्शन फंड- मॅच्युरिटीवर 1,11,98,471 रुपये काढता येतील.
* अॅन्युइटी प्लान खरेदी करण्यासाठी ४४,७९,३८८ रुपये.
* 67,19,083 रुपये अनुमानित वार्षिकी दर 8%
* मंथली पेंशन – ४४,७९३ रु.

फंड व्यवस्थापक खाते व्यवस्थापन करतात :
एनपीएस ही केंद्र सरकारची सामाजिक सुरक्षा योजना आहे. या योजनेत तुम्ही गुंतवलेले पैसे हे प्रोफेशनल फंड मॅनेजरद्वारे मॅनेज केले जातात. केंद्र सरकार या व्यावसायिक निधी व्यवस्थापकांना जबाबदारी देते. अशा परिस्थितीत तुमची एनपीएसमधील गुंतवणूक पूर्णपणे सुरक्षित आहे. मात्र, या योजनेअंतर्गत तुम्ही गुंतवलेल्या पैशांवर मिळणाऱ्या परताव्याची हमी नसते. वित्तीय नियोजकांच्या मते, एनपीएसने स्थापनेपासून वार्षिक सरासरी १० ते ११ टक्के परतावा दिला आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: NPS Investment in wife account check benefits here 03 June 2022.