RVNL Share Price | आरव्हीएनएल शेअर्समध्ये बंपर तेजी, लवकरच पुन्हा मल्टिबॅगर परतावा? नेमकं कारण काय?

RVNL Share Price | मागील एका वर्षभरात आरव्हीएनएल कंपनीच्या शेअर्सने आपल्या गुंतवणुकदारांना जबरदस्त परतावा कमावून दिला आहे. मागील 6 महिन्यांत या सरकारी रेल्वे कंपनीच्या शेअरने आपल्या गुंतवणूकदारांचे पैसे 100 टक्क्यांपेक्षा जास्त वाढवले आहेत.

या कंपनीच्या ऑर्डर बुकचा आकार 65000 कोटी रुपये आहे. यातील 50 टक्के प्रकल्प रेल्वे विभागाशी संबंधित आहेत. आज सोमवार दिनांक 19 फेब्रुवारी 2024 रोजी आरव्हीएनएल स्टॉक 7.21 टक्के वाढीसह 269.85 रुपये किमतीवर ट्रेड करत आहेत.

आरव्हीएनएल कंपनी आता पश्चिम आशियासह मध्य आशिया आणि संयुक्त अरब अमिराती सारख्या परकीय बाजारपेठांमध्ये देखील व्यवसायाच्या संधी शोधत आहे. आरव्हीएनएल कंपनीच्या उच्च व्यवस्थापन अधिकाऱ्यांनी माहिती दिली की, “आमच्या कंपनीकडे सध्या 65000 कोटी रुपये मूल्याच्या ऑर्डर्स आहेत.

यापैकी 50 टक्के ऑर्डर रेल्वे विभागाशी संबंधित आहेत. उर्वरित 50 टक्के ऑर्डर्स विविध क्षेत्रातून प्राप्त झाल्या आहेत. पुढील काळात कंपनीच्या ऑर्डर बुकचा आकार 75,000 कोटी रुपये होईल”. असा विश्वास कंपनीच्या अधिकाऱ्यांनी व्यक्त केला आहे.

आरव्हीएनएल कंपनीच्या ऑर्डर बुकमध्ये वंदे भारत ट्रेन संबधित 9,000 कोटी रुपये मूल्याच्या ऑर्डर्स आहेत. तर 7,000 कोटी रुपये मूल्याच्या ऑर्डर विविध मेट्रो प्रकल्पांशी संबंधित आहेत. याशिवाय, आरव्हीएनएल कंपनीला विद्युतीकरण आणि ट्रान्समिशन लाईन्सशी संबंधित कॉन्ट्रॅक्ट देखील मिळाले आहे.

मागील आठवड्यात शुक्रवारच्या ट्रेडिंग सेशनमध्ये आरव्हीएनएल कंपनीचे शेअर्स 2.95 टक्क्यांच्या घसरणीसह 251.60 रुपये किमतीवर क्लोज झाले होते. मागील एका वर्षभरात या कंपनीच्या शेअर्सने आपल्या गुंतवणुकदारांना 279 टक्के परतावा कमावून दिला आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | RVNL Share Price NSE Live 19 February 2024.