SBI Pension Slip | तुमच्या घरात कोणी पेन्शनर आहे? SBI पेन्शन स्लिपसह बँक बॅलन्सची माहिती व्हॉट्सॲप मिळणार

SBI Pension Slip | स्टेट बँक ऑफ इंडियाने (एसबीआय) ज्येष्ठ नागरिकांच्या सोयीसाठी व्हॉट्सॲपच्या माध्यमातून पेन्शन स्लिप पाठविण्याची घोषणा केली आहे. ही नवी सुविधा ग्राहकांसाठी बँकिंग प्रक्रिया सुलभ करण्यासाठी काम करेल, असे बँकेचे म्हणणे आहे. स्टेट बँक ऑफ इंडियाची व्हॉट्सॲप सेवा सुरू करण्यासाठी ग्राहकांना बँक नंबरवर फक्त “हाय” असे लिहून पाठवावे लागते. याबाबत संपूर्ण माहिती बँकेकडून देण्यात आली आहे.

हल्ली बहुतांश बँका आणि इतर कंपन्या ग्राहकांच्या सोयीसाठी व्हॉट्सॲपच्या माध्यमातून माहिती पुरवतात. याच क्रमाने देशातील सर्वात मोठी बँक स्टेट बँक ऑफ इंडियानेही व्हॉट्सॲप सेवा सुरू केली आहे. मात्र या सेवेचा लाभ घेण्यासाठी ग्राहकांना प्रथम एसबीआय इंटरनेट बँकिंग किंवा योनो अॅपच्या माध्यमातून नोंदणी करावी लागणार आहे. येथे आम्ही तुम्हाला संपूर्ण प्रक्रिया सांगत आहोत.

एसबीआयची व्हॉट्सॲप सेवा कशी सुरू करावी?
सर्वात आधी बँकेच्या व्हॉट्सॲप नंबर + 919022690226 वर ‘हाय’ पाठवा. येथे नोंदणी प्रक्रिया पूर्ण केल्यानंतर तुम्हाला बँकेकडून व्हॉट्सॲपवर मेसेज येऊ लागतील. येथे दिलेल्या पर्यायांमधून तुम्ही बँक बॅलन्स इन्क्वायरी, मिनी स्टेटमेंट आणि पेन्शन स्लिपमधून पेन्शन स्लिपचा पर्याय निवडू शकता. यानंतर तुम्हाला हव्या असलेल्या महिन्याच्या स्लिपबद्दल सांगा. ही प्रक्रिया पूर्ण होताच तुम्हाला व्हॉट्सॲपवर पेन्शन स्लिप मिळेल.

बँक बॅलन्स आणि मिनी स्टेटमेंटही आता व्हॉट्सॲपवर
आता एसबीआय देखील आपल्या ग्राहकांना व्हॉट्सॲपद्वारे त्यांचा बँक बॅलन्स चेक करण्याची सुविधा देत आहे. त्याचबरोबर या माध्यमातून तुम्ही मिनी स्टेटमेंटसाठीही विनंती करू शकता. मात्र व्हॉट्सॲप बँकिंग सेवेचा लाभ घेण्यासाठी खातेदाराला आधी नोंदणी करावी लागणार आहे. बँकेची ही सेवा वर्षातील ३६५ दिवसांत २४×७ ग्राहकांना उपलब्ध आहे.

इंटरनेट बँकिंगद्वारे नोंदणी कशी करावी
एसबीआय ऑनलाइनवर साइन इन करा आणि ‘रिक्वेस्ट अँड इन्क्वायर’ पर्यायावर जा. ‘ऑनलाइन रजिस्ट्रेशन’वर क्लिक करा आणि त्यानंतर अकाउंट नंबर निवडा. येथे नॉमिनीची माहिती भरा आणि सबमिट करा. याशिवाय एसबीआयच्या मोबाईल बँकिंग अॅप योनोच्या माध्यमातूनही तुम्ही ही प्रक्रिया करू शकता.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: SBI Pension Slip on whatsapp check details on 28 December 2022.