Stock Market Black Friday | कोरोना नवीन व्हेरिएंटच्या वृत्तामुळे स्टॉक मार्केटमध्ये मोठी पडझड

मुंबई, 26 नोव्हेंबर | शेअर बाजारातील गुंतवणूकदारांसाठी शुक्रवारचा दिवस अत्यंत वाईट होता. ब्लॅक फ्रायडे खरोखरच काळा निघाला. शुक्रवारच्या सत्रात गुंतवणूकदारांचे सुमारे 5 लाख कोटी रुपयांचे नुकसान झाले. आजच्या सत्रात NSE ने 2.91 टक्क्यांनी (509 अंकांची) घसरण नोंदवली, तर BSE सेन्सेक्स 2.87 टक्क्यांनी (1687 अंकांनी) घसरला. फार्मा व्यतिरिक्त इतर कोणतेही क्षेत्र ग्रीन झोनमध्ये नव्हते. जागतिक स्थरावर कोरोनाचा नवीन प्रकार आल्यानंतर बाजारावर असा नकारात्मक परिणाम (Stock Market Black Friday) दिसून आला आहे.

Stock Market Black Friday. Friday was a bad day for stock market investors. Black Friday really went black. Investors lost about Rs 5 lakh crore in Friday’s session :

या वर्षी 19 ऑक्टोबर रोजी, बीएसई सेन्सेक्स 62,245 च्या शिखरावर पोहोचला, तर राष्ट्रीय स्टॉक एक्सचेंजने देखील त्याच वेळी 18,604 चा सर्वकालीन उच्चांक गाठला. मात्र त्यानंतर बाजारात सातत्याने घसरण होत राहिली आणि आतापर्यंत जवळपास 8 टक्के बाजार घसरला आहे. या मोठ्या घसरणीत बाजारातील लाखो कोटी रुपये बुडाले आहेत.

जगभरातील कोरोनाचे नवीन प्रकार सक्रिय झाल्यामुळे या गोंधळाचा परिणाम बाजारावरही दिसून येत असल्याचे बाजारातील तज्ज्ञ सांगत आहेत. दक्षिण आफ्रिकेत कोरोना विषाणूचे नवीन प्रकार (कोविड-19 न्यू व्हेरिएंट) आढळल्यानंतर जगभरात भीतीचे वातावरण निर्माण झाले आहे. दक्षिण आफ्रिकेतील विषाणूशास्त्रज्ञ टुलिओ डी ऑलिव्हेरा यांनी सांगितले की, दक्षिण आफ्रिकेत अनेक उत्परिवर्तनांसह कोविड प्रकार समोर आला आहे. यानंतर, युनायटेड किंगडमने 6 आफ्रिकन देशांमधील उड्डाणे तात्पुरती स्थगित करण्याची घोषणा केली आहे..

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. कोणत्याही आरोग्य विषयक लेखात दिलेला सल्ला ही केवळ सामान्य माहिती आहे. हे तज्ञांचे मत नाही. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचे मत नक्की घ्या. शेअर खरेदी/विक्री हा बाजार तज्ज्ञांचा सल्ला आहे. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Stock Market Black Friday investor lost almost 5 lakh crore in a day.