Vodafone Idea Share Price | एका वर्षात 113% परतावा देणारा 12 रुपयाचा शेअर कोसळणार? तज्ज्ञांचा इशारा काय?

Vodafone Idea Share Price | व्होडाफोन आयडिया कंपनीने पुढील आठवड्यात 10-11 रुपये प्राइस बँडवर 18,000 कोटी रुपये मूल्याची फॉलो-ऑन पब्लिक ऑफर लाँच करण्याची घोषणा केली आहे. कंपनीचे संचालक मंडळ आणि शेअरधारकांच्या मंजुरीनंतर कंपनीने हा निर्णय घेतला आहे. ( व्होडाफोन आयडिया कंपनी अंश )

व्होडाफोन आयडिया कंपनीचा FPO 18 एप्रिल ते 22 एप्रिल 2024 दरम्यान गुंतवणुकीसाठी खुला केला जाणार आहे. अँकर गुंतवणूकदार 16 एप्रिल रोजी FPO मध्ये गुंतवणूक करू शकतात. आज मंगळवार दिनांक 16 एप्रिल 2024 रोजी व्होडाफोन आयडिया कंपनीचे शेअर्स 3.80 टक्के घसरणीसह 12.65 रुपये किमतीवर ट्रेड करत आहे.

जेएम फायनान्शिअल फर्मने 12 एप्रिल रोजी एक अहवाल जाहीर करून माहिती दिली की, व्होडाफोन आयडिया कंपनीच्या शेअर्सचे मूल्य सध्याच्या बाजारभावानुसार घटले आहे. तज्ञांनी या कंपनीच्या शेअर्सवर सेल कॉल देऊन स्टॉक विकण्याचा सल्ला दिला आहे. CLSA फर्मने 10 एप्रिल 2024 रोजी एका अहवालात व्होडाफोन आयडिया स्टॉकवर ‘सेल’ रेटिंग देऊन बाहेर पडण्याचा सल्ला दिला आहे. तज्ञांच्या मते, या कंपनीचे शेअर्स अल्पावधीत 5 रुपये किमतीवर जाऊ शकतात.

12 एप्रिल 2024 रोजी व्होडाफोन आयडिया स्टॉक 12.96 रुपये किमतीवर क्लोज झाला होता. मागील एका वर्षात या कंपनीच्या शेअर्सने आपल्या गुंतवणुकदारांना 113 टक्के परतावा कमावून दिला आहे. मागील एका वर्षात या कंपनीच्या शेअरची किंमत 6 रुपयेवरून वाढून सध्याच्या किमतीवर पोहोचली आहे. YTD आधारे या कंपनीच्या शेअर्सची किंमत 23 टक्के कमी झाली आहे.

मागील सहा महिन्यांत व्होडाफोन आयडिया स्टॉक 10 टक्के मजबूत झाला आहे. व्होडाफोन आयडिया ही कंपनी सेल्युलर आणि फिक्स्ड लाइन सेवा प्रदान करण्याचा व्यवसाय करते. ही कंपनी S&P BSE 200 निर्देशांकामध्ये ट्रेड करत आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Vodafone Idea Share Price NSE Live 16 April 2024.