आज योगींची पश्चिम बंगालमध्ये सभा, वातावरण तापण्याची शक्यता

लखनौ : पश्चिम बंगालमध्ये सीबीआय अधिकाऱ्यांना झालेल्या अटकेनंतर आधीच राजकीय वातावरण तापलेले असताना, आज उत्तर प्रदेशचे मुख्यमंत्री योगी आदित्यनाथ पश्चिम बंगालमध्ये जनसभा घेणार असल्याचे वृत्त आहे. दरम्यान, आजच्या सभेसाठी ते झारखंडपर्यंत विमानमार्गाने जाणार आहेत.

त्यानंतर थेट रस्तेमार्गाने पुरुलिया जिल्ह्यात जाऊन सभा घेतील. त्याआधी रविवारी पश्चिम बंगालमधील मुख्यमंत्री ममता सरकारने योगींना बंगालमध्ये हेलिकॉप्टर उतरविण्याची परवानगी नाकारली होती. पूर्वनियोजित कार्यक्रमानुसार दक्षिण दिनाजपूर जिल्ह्यात हेलिकॉप्टर उतरणार होते. ते ‘गणतंत्र बचाओ रॅली’ घेणार होते. ती होऊ न दिल्याचा ममतांच्या तृणमूल सरकारवर भारतीय जनता पक्षाने आरोप लावले होते. परंतु, आता योगी रस्तेमार्गाने पश्चिम बंगालमध्ये येऊन पुन्हा एकदा जनसभा घेण्याचा प्रयत्न करणार आहेत.

Uttar Pradesh Chief Minister Yogi Adityanath’s helicopter will be landing in Bokaro, Jharkhand & then he will be going to Purulia in West Bengal by road to address a public rally there later today. (File pic) pic.twitter.com/kqD4QK0X7C

— ANI UP (@ANINewsUP) February 5, 2019