कर्नाटक : सध्या कर्नाटक विधानसभा निवडणुकीच्या प्रचाराने जोर पकडला असून स्वतः नरेंद्र मोदी सुद्धा प्रचारात उतरले आहेत. नरेंद्र मोदी यांनी भाषणातून काँग्रेस अध्यक्ष राहुल गांधी आणि मुख्यमंत्री सिद्धरामय्या यांच्यावर चौफेर टीका केली आहेत.

नरेंद्र मोदी सिद्धरामय्या यांच्यावर टीका करताना सिद्धरामय्या २ विधानसभा मतदारसंघातून निवडणूक का लढवत आहेत असा मुद्दा उपस्थित केला. परंतु टीकेच्या ओघात त्यांच्याकडून चूक झाली आणि नेमका त्याचाच धागा पकडून प्रकाश राज यांनी ट्विट करत नरेंद्र मोदी यांच्यावर निशाणा साधला आहे.

कर्नाटक विधानसभा निवडणुकीत प्रचारादरम्यान मोदी मुख्यमंत्री सिद्धरामय्या यांच्यावर टीका करताना म्हणाले की, सिद्धरामय्या २ विधानसभा मतदारसंघातून निवडणूक लढवत आहेत. परंतु मोदीजी तुम्ही स्वतः वाराणसी आणि बडोद्यातून निवडणूक लढवली होती हे का विसरता असा खोचक टोला ट्विटरच्या माध्यमातून प्रकाश राज यांनी पंतप्रधानांना लगावला आहे.

पुढे ट्विटरवर टीका करताना प्रकाश राज म्हणाले की,’प्रिय मोदीजी आज जेव्हा तुम्ही कर्नाटकात मंचावर उभे होता. त्यावेळी मोठा गोंधळ सुरू होता. तेव्हा लोक तुमच्यावर हसताना तुम्ही पाहिलं का ? मोदीजी तुम्ही स्वतः वाराणसी आणि बडोद्यातून निवडणूक लढवली होती हे का विसरता ? असा खोचक प्रश्न केला आहे.

karanataka assembly elections 2018 bollywood actor prakash raj slams Narendra Modi