मुंबई : सध्या सत्तेत असलेलं भाजप सरकार हे शिवछत्रपती यांचा आशीर्वाद घेऊन कडेलोट करावा अशीच लायकी आहे. धर्मा पाटील या ८० वर्षीय शेतकऱ्याने मंत्रालयातच आत्महत्येचा प्रयत्नं केला असून त्यांची प्रकृती चिंताजनक आहे आणि त्याच विषयाला धरून स्वाभिमानी शेतकरी संघटनेचे अध्यक्ष राजू शेट्टी यांनी ही प्रतिक्रिया दिली.
धर्मा पाटील या ८० वर्षीय शेतकऱ्याने मंत्रालयातच आत्महत्येचा प्रयत्नं केला असून त्यांची प्रकृती चिंताजनक आहे. त्यांची विचारपूस करण्यासाठी राजू शेट्टी आले असता त्यांनी ही तीव्र प्रतिक्रिया दिली. त्यांच्या सोबत विधानसभेचे विरोधी पक्षनेते राधाकृष्ण विखे पाटील हे सुध्दा उपस्थित होते.
राज्य सरकार संपादित करत असलेल्या जमिनीचा योग्य मोबदला देत नसल्यामुळे ते मंत्रालयात आले होते. परंतु मंत्रालयात वारंवार हेलपाटे मारून सुध्दा योग्य मोबदला मिळत नसल्या कारणाने अखेर हतबल होऊन अखेर शेतकरी धर्मा पाटील यांनी मंत्रालयातच आत्महत्येचा प्रयत्न केला होता. त्यांची परिस्तिथी गंभीर असून त्यांच्यावर सेंट जॉर्ज रुग्णालयात उपचार सुरु आहेत.
