29 March 2024 12:02 PM
अँप डाउनलोड
बातम्या फ्लॅश
L&T Share Price | भरवशाचा L&T शेअर दैनिक चार्टवर ट्रेंड लाइन ब्रेकआउट देत आहे, तज्ज्ञांनी काय सल्ला दिला? Adani Port Share Price | अदानी पोर्ट्स स्टॉकबाबत तज्ञ उत्साही, नवीन टार्गेट प्राइस जाहीर, किती परतावा मिळणार? Bonus Share News | सुवर्ण संधी! ही कंपनी फ्री बोनस शेअर्स देणार, वेळीच एन्ट्री घेऊन फायदा घेणार? IFCI Share Price | शेअरची किंमत 39 रुपये! IFCI शेअर चार्ट पॅटर्नमध्ये सकारात्मक वाढीचे संकेत, यापूर्वी 350% परतावा दिला Infosys Share Price | इन्फोसिस शेअरला या प्राईसवर मजबूत सपोर्ट, या पातळीवर टिकल्यास अल्पावधीत उच्चांक किंमत स्पर्श करणार Mutual Fund SIP | मार्ग श्रीमंतीचा! या 10 म्युच्युअल फंड SIP दरवर्षी 40% ते 71% परतावा देतं आहेत, सेव्ह करा यादी Senior Citizen Saving Scheme | ज्येष्ठ नागरिकांना दर महिना मिळतील 20000 रुपये, ही योजना देईल मोठा व्याज दर
x

शिवस्मारक पायाभरणी; मृत्यू झालेल्या सीए सिद्धेश पवारचं वर्षभरापूर्वीच लग्न झालेलं, कुटुंबावर शोककळा

खेड : शिवस्मारक पायाभरणीच्या शुभारंभासाठी समुद्रात गेलेली स्पीड बोट उलटून झालेल्या अपघातात मृत्यूमुखी पडलेला ३३ वर्षीय सिद्धेश पवारच वर्षभरापूर्वीच लग्न झालेलं. सिद्धेश मूळचा रत्नागिरी जिल्ह्यातील खेड तालुक्यातील गुणदे या गावातील असल्याची माहिती आहे. त्यांच्या बोटीला अपघात झाला तेव्हा, सिद्धेश पवार याचे मामा विक्रांत आंबरे सुद्धा त्याच्यासोबत बोटीवर उपस्थित होते, ते सुद्धा जखमी झाले आहेत. सिद्धेशच्या मामांवर मुंबईतील सेंट जॉर्ज हॉस्पिटलमध्ये प्राथमिक उपचार सुरु आहेत.

संबंधित बोट उलटल्यानांतर २ जण बेपत्ता असल्याची प्राथमिक माहिती होती, परंतु त्यातील एक जण रेस्क्यू टीमला सापडला होता पण सिद्धेशचा पत्ता लागत नव्हता. भारतीय नौदलाच्या रेस्क्यू ऑपरेशनदरम्यान ४ तासांनी सिद्धेश पवारचा मृतदेह अपघातग्रस्त बोटीमध्येच सापडल्याची माहिती आहे. दरम्यान, मुख्यमंत्र्यांनी मृताच्या नातेवाईकांना ५ लाखांची मदत जाहीर केली तरी सरकारी यंत्रणेच्या बेजवाबदार पणामुळे आणि मेटेंनी हा कार्यक्रम घडून आणण्यापूर्वी शिवसंग्राम संघटनेच्या कार्यकर्त्यांच्या संरक्षणाची कोणतीही जवाबदारी घेतली नव्हती त्यामुळेच हा प्रसंग ओढावल्याचं अनेकांचं म्हणणं आहे.

मृत्यूमुखी पडलेला सिद्धेश पवार हा मुंबईतील सांताक्रुझ मध्ये वास्तव्यास होता. सिद्धेश पवार हा व्यवसायाने सीए होता. त्याचे मामा विक्रांत आंबरे स्वतः शिवसंग्राम या संघटनेचे कार्यकर्ते आहेत. आंबरे हे विनायक मेटे यांचे समर्थक असल्यामुळे त्यांच्या सोबत सिद्धेश पवार या कार्यक्रमाला गेला होता. तसेच स्पीड बोट चालकाने अति वेगाने बोट चालवल्यामुळे हा अपघात झाला असल्याची प्राथमिक माहिती सुद्धा पुढे येत आहे. अपघात झाला त्या बोटीवर शिवसंग्रामचे तब्बल २५ कार्यकर्ते होते. वर्षभरापूर्वीच सिद्धेशचे लग्न झाले होते, त्याच्या अपघाती मृत्यूने संपूर्ण कुटुंबावर दुःखाचा डोंगर कोसळलं आहे.

हॅशटॅग्स

#Devendra Fadnavis(710)

संबंधित बातम्या

राहुन गेलेल्या बातम्या

x