इतके तांत्रिक मुद्दे आणि आकडे कळत होते मग ५ वर्ष काय केलं - वरुण सरदेसाई

मुंबई, २ मे: देशाची आर्थिक राजधानी मुंबईचं आंतरराष्ट्रीय वित्तीय सेवा केंद्र होण्याचं स्वप्न मोदी सरकारने गुंडाळलं आहे. आंतरराष्ट्रीय वित्तीय सेवा केंद्र म्हणजेच आयएफएससीचं मुख्यालय गुजरातची राजधानी गांधीनगरमध्ये होणार असल्याचं केंद्र सरकारने स्पष्ट केलं असून याबाबतची अधिसूचना काढण्यात आली आहे. गांधीनगरमध्ये पंतप्रधान नरेंद्र मोदी यांचा ड्रीम प्रोजेक्ट गिफ्ट सिटी आकारास येत आहे. त्यातच आता आयएफएससीचं मुख्यालय गांधीनगरला हलवल्यामुळे मुंबई आणि महाराष्ट्रातून मोठ्या प्रमाणात संताप व्यक्त केला जात आहे.

प्रसिद्ध गुंतवणूक बँकर पर्सी मिस्त्री यांच्या अध्यक्षतेखालील समितीने मुंबईत महत्त्वाच्या पायाभूत सुविधा वाढवण्याची शिफारस केली होती. पण घाटकोपर-वर्सोवा मेट्रो याशिवाय शहराला काहीही मिळालं नाही. याशिवाय समितीने बँकिंग, सिक्युरिटीज, कमोडिटी आणि चलन व्यापार यामध्ये आणखी उदारमतवादी कायद्यांची शिफारस केली होती. याकडेही दुर्लक्ष करण्यात आलं. एका बँकरच्या मते, आयएफएससीमुळे मुंबईत या सेवेशी संबंधित थेट एक लाख आणि अप्रत्यक्षपणे आणखी एक लाख रोजगार निर्माण केले असते.

आयएफएससीच्या प्रश्नावर तत्कालीन दिवंगत अर्थमंत्री अरुण जेटली यांनी लोकसभेत डिसेंबर २०१७ ला लोकसभेत उत्तर दिलं होतं. देशात फक्त एकच आयएफएससी असू शकतं आणि ते गिफ्ट सिटीमध्ये असेल, असं ते म्हणाले होते. राष्ट्रवादी काँग्रेसचे अध्यक्ष शरद पवार यांनीही यावर नाराजी व्यक्त केली आहे. मुंबईचं आर्थिक महत्त्व कमी करण्याचा हा डाव असल्याचं ते म्हणाले.

या पार्श्वभूमीवर विरोधी पक्ष नेते देवेंद्र फडणवीस म्हणाले की, मुंबई आंतरराष्ट्रीय वित्तीय सेवा केंद्रासंबंधी (IFSC) भ्रम पसरवण्याचा प्रयत्न सुरु आहे. आपलं अपयश लपवण्यासाठी छाती बडवण्याचा हा प्रकार आहे. नरेंद्र मोदी यांच्या सरकारवर कायम टीका करण्यासाठी काही लोकांना केवळ सोयीच्या गोष्टींचे स्मरण होते अशी टीका देवेंद्र फडणवीस यांनी केली आहे. आपलं आपयश लपवण्यासाठी तसंच एकही दमडीचं काम केलं नाही हे लपवण्यासाठी मोदी सरकारवर आरोप केले जात असल्याचंही देवेंद्र फडणवीस यांनी म्हटलं आहे.

मात्र यावरून युवासेनेचे सचिव वरुण सरदेसाई यांनी माजी मुख्यमंत्री देवेंद्र फडणवीस यांच्यावर प्रश्नार्थक टीका केली आहे. त्यावर ट्विट करून त्यांनी म्हटलं आहे की, ‘काय दिवस आलेत. आपल्याच राज्याचे माजी मुख्यमंत्री वकिली करतायेत आपल्या राज्याचे जे नुकसान झाले ते बरोबरच झाले.
सर आपण ५ वर्ष मुख्यमंत्री होतात. इतके सगळे तांत्रीक मुद्दे आणि आकडे कळत होते तर का राज्याच्या वतीने पत्र व्यवहार आणि पाठपुरावा केला नाहीत? अशी प्रश्नार्थक टीका केली आहे.

काय दिवस आलेत. आपल्याच राज्याचे माजी मुख्यमंत्री वकिली करतायेत आपल्या राज्याचे जे नुकसान झाले ते बरोबरच झाले.
सर आपण ५ वर्ष मुख्यमंत्री होतात. इतके सगळे तांत्रीक मुद्दे आणि आकडे कळत होते तर का राज्याच्या वतीने पत्र व्यवहार आणि पाठपुरावा केला नाहीत? https://t.co/eMImBv7UKf

— Varun Sardesai (@SardesaiVarun) May 2, 2020

News English Summary: Yuvasena secretary Varun Sardesai has questioned former chief minister Devendra Fadnavis. He tweeted, ‘What a day. The former Chief Minister of our own state is doing advocacy. Sir, you have been the Chief Minister for 5 years.

News English Title: Yuvasena secretary Varun Sardesai critisized former CM Devendra Fadnavis over IFSC issue News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.