लॉकडाउन: महाराष्ट्रातून गुजरातला जाणारा २४ टन तांदूळ पकडला

अहमदनगर, २९ मे: कोरोना संकटात लढण्यासाठी उद्भवलेल्या परिस्थितीमुळे देशभर लॉकडाऊन सुरू आहे. या लॉकडाऊनच्या काळात गोरगरीबांना अन्नधान्य पुरवण्यासाठी केंद्र आणि राज्य सरकारकडून मोफत अन्न धान्य दिलं जातंय. मात्र रेशनवर या अन्नधान्याचा काळाबाजार होताना दिसतोय. असाच एक काळाबाजार करण्यासाठी निघालेला एक ट्रक पोलिसांनी जामखेड तालुक्यात पकडला. या ट्रकमध्ये तब्बल २४ टन तांदूळ सापडला आहे. हा ट्रक गुजरातला जात होता.

जामखेड तालुक्यातील चौंडी येथे सापळा रचून पोलिसांनी ही कारवाई केली. तालुक्यातील सोनगाव येथील मंदा सुग्रीव वायकर यांच्या नावे असलेल्या रेशन दुकानातील हा तांदूळ आहे. ट्रकचालक शशिकांत भीमराव गवळी (रा. कुर्डूवाडी ता. माढा) व सहचालक संदीप सुनील लोंढे (रा. बारलोणी ता. माढा जिल्हा सोलापूर) या दोघांना पोलिसांनी पकडले असून त्यांच्याकडून २४ टन तांदळासह ट्रक जप्त केला आहे.

वायकर यांच्या दुकानातील हा तांदूळ असल्याचे ट्रकचालकांनी सांगितल्यावर पोलिस व अधिकाऱ्यांनी तेथे जाऊन तपासणी केली. दुकानातील धान्यांच्या नोदींतही तफावत आढळून आली आहे. त्यामुळे दुकानदाराविरुद्धही कारवाई केली जाणार असल्याचे सांगण्यात आले. पोलीस उपअधीक्षक संजय सातव यांच्या पथकाने ही कारवाई केली आहे.

News English Summary: Free food grains are provided by the Central and State Governments to provide food grains to the poor during the lockdown. However, it is seen that this food grain is being black marketed on rations. One such truck was caught by the police in Jamkhed taluka. About 24 tonnes of rice was found in the truck. This truck was going to Gujarat.

News English Title: Two arrested at Ahmednagar for supplying PDS rice in black market to Gujarat state News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.