गुजरातमध्ये भारतरत्न डॉ. बाबासाहेब आंबेडकरांच्या पुतळ्याची विटंबना

भावनगर, १४ जुलै : गुजरातमधील सिहोर जिल्ह्यात महामानव, परमपूज्य डॉ. बाबासाहेब आंबेडकर यांच्या पुतळ्याची अज्ञात समाजकंटकांनी विटंबना केल्याची संतापजनक घटना समोर आली आहे. याप्रकरणी पोलिसांनी अज्ञात व्यक्तींविरोधात कलम २९५ अंतर्गत गुन्हा दाखल केला आहे.

Statue of Babasaheb Ambedkar desecrated in Sihor town in Gujarat’s Bhavnagar district.

— Press Trust of India (@PTI_News) July 13, 2020

काल सोमवारी मध्यरात्री काही अज्ञात समाजकंटकांनी डॉ. बाबासाहेब आंबेडकर यांच्या अर्धाकृती पुतळ्याचा चेहरा झाकला. त्याचबरोबर या परिसरात पुतळ्याशेजारी रिकाम्या दारूच्या बाटल्या ठेवल्या. हे संतापजनक कृत्य काही स्थानिक नागरिकांनी आज सकाळी पाहिल्यानंतर त्यांनी तत्काळ सिहोर पोलीस ठाण्यात तक्रार दाखल केली.

सोमवारी मध्यरात्री ते आज सकाळी आठ वाजण्याच्या दरम्यान घडलेल्या या घटनेचे फोटो सध्या सोशल मीडियावर व्हायरल होऊ लागले आहेत. त्यामुळे परिसरात असंतोष निर्माण झाला असून या प्रकरणातील आरोपींना कठोर शिक्षा व्हावी अशी मागणी होऊ लागली आहे.

News English Summary: In the Sehore district of Gujarat, the great man, His Holiness Dr. Babasaheb Ambedkar’s statue has been desecrated by unknown miscreants. Police have registered a case under Section 295 against unknown persons in this regard.

News English Title: Doctor Babasaheb Ambedkar statue desecrated in Sihor in Gujarat Bhavnagar News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.