Bank of Maharashtra | बँक ऑफ महाराष्ट्रमध्ये चाललंय काय? करोडो ग्राहकांचा FD सह पैसा बँकेत, आता नवीन प्रकरण समोर आलं
Bank of Maharashtra | बँक ऑफ महाराष्ट्र ही महाराष्ट्र आणि देशातील विश्वसनीय सरकारी बँक म्हणून सर्वत्र परिचित आहे. बँक ऑफ महाराष्ट्रमध्ये अनेक प्रतिष्ठित ग्राहक आणि सामान्य ग्राहकांची खाती असून त्यात करोडो रुपयांच्या ठेवी देखील आहेत. मात्र आता एक चिंतेची बाब समोर आली आहे. काही दिवसांपूर्वी एक शाखा बंद करायला म्हणजे कुलूप न लावताच कर्मचारी घेरी निघून गेले होते. आता दुसरं प्रकरण समोर आलं असून इथे कुंपणच शेत खातंय असं म्हणावं लागले.
नवी मुंबईतील बँक ऑफ महाराष्ट्रच्या लॉकरमधून १० लाख ९० हजार रुपयांचे सोन्याचे दागिने चोरल्याप्रकरणी बँकेच्या एका शिपायाविरोधात चोरीचा गुन्हा दाखल करण्यात आला आहे. शिपायाला निलंबित करण्यात आले असून पोलिसांकडून पुढील तपास सुरू आहे.
बँकेच्या लॉकरमधून १० लाख ९० हजार रुपयांचे सोन्याचे दागिने चोरल्याच्या संशयावरून बँक ऑफ महाराष्ट्र, एपीएमसी शाखेच्या व्यवस्थापकाने बँकेच्या शिपायाविरुद्ध चोरीचा गुन्हा दाखल केला आहे.
अश्विन भोईर असे या शिपायाचे नाव
पोलिसांनी दिलेल्या माहितीनुसार, लॉकरमध्ये ठेवलेल्या मौल्यवान वस्तूंचे ऑडिट केल्यानंतर बँकेच्या अधिकाऱ्यांना चोरीची माहिती मिळाली. अश्विन भोईर असे या शिपायाचे नाव असून त्याला बँकेने निलंबित केले असून पुढील तपास पोलिस करीत आहेत.
यादव पाटील नावाच्या ग्राहकाने गोल्ड लोन घेतले
ऑक्टोबर 2022 मध्ये यादव पाटील नावाच्या ग्राहकाने 2.14 लाख रुपयांच्या सोन्याच्या दागिन्यांवर 1.50 लाख रुपयांचे गोल्ड लोन घेतले होते. दरम्यान, चिराग धुरे याने बँकेत ८ लाख ७५ हजार रुपयांच्या सोन्याच्या दागिन्यांपोटी ६ लाख १० हजार रुपयांचे सोने कर्ज घेतले होते. या दोघांनी बँकेत गहाण ठेवलेले सोने इतर ग्राहकांच्या सोन्याच्या दागिन्यांसह बँकेच्या लॉकर क्रमांक ६ मध्ये ठेवण्यात आले होते.
बँकेच्या लॉकरचे ऑडिट
जानेवारी २०२३ मध्ये बँकेच्या मॅनेजर प्रियांका रमाकांत श्रीवास्तव यांनी बँकेच्या लॉकरचे ऑडिट करण्याचे आदेश दिले आणि बँकेत उपलब्ध पावतीनुसार लॉकरमध्ये सोने आढळले. मार्च महिन्यात आणखी एक ऑडिट करण्यात आले असता लॉकर क्रमांक सहामधील पाटील व धुरे यांचे सोन्याचे दागिने गायब असल्याचे निदर्शनास आले.
लॉकर रूम साफसफाईची जबाबदारी भोईर यांच्याकडेच
लॉकर रूम परिसरातील साफसफाईची जबाबदारी भोईर यांच्याकडेच असल्याने या कृत्यामागे भोईर यांचा हात असल्याचा संशय बँकेच्या अधिकाऱ्यांना होता. काही दागिने बाहेर काढण्यासाठी लॉकरचा संरक्षक काही वेळा लॉकरच्या चाव्या भोईर यांना देत असे.
बँकेच्या अधिकाऱ्यांनी भोईर यांची चौकशी केली
भोईर यांचा सहभाग असल्याचा संशय घेऊन बँकेच्या अधिकाऱ्यांनी भोईर यांची चौकशी केली असता त्यांनी अस्पष्ट उत्तरे दिली. या कृत्यामागे आपल्या चपरासीचा हात असल्याचा संशय बँक अधिकाऱ्यांना असून त्यानुसार आम्ही त्याच्याविरोधात गुन्हा दाखल केला आहे. लवकरच त्याला अटक करून पुढील तपास केला जाईल, अशी माहिती एपीएमसी पोलिस ठाण्याचे वरिष्ठ पोलिस निरीक्षक तनवीर शेख यांनी दिली. भोईर यांच्यावर एपीएमसी पोलिसांनी भादंवि कलम ३८१ (मालकाच्या ताब्यातील मालमत्तेची लिपिक किंवा नोकराने चोरी) अंतर्गत गुन्हा दाखल केला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
News Title : Bank of Maharashtra peon booked for allegedly stealing gold from bank locker 19 October 2023.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Numerology Horoscope | 06 मे 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Adani Port Share Price | अदानी पोर्ट्स शेअर बक्कळ कमाई करून देणार, अल्पावधीत मिळेल 33 टक्के परतावा
- Jai Balaji Share Price | कुबेर कृपा करतोय हा शेअर! वेळीच खरेदी करा, मागील 1 वर्षात दिला 1700 टक्के परतावा
- 8th Pay Commission | सरकारी कर्मचाऱ्यांसाठी खुशखबर! 8'वा वेतन आयोग केव्हा स्थापन होणार? बेसिक पगार किती वाढणार?
- BHEL Share Price | भरवशाचा PSU शेअर! अल्पावधित दिला 258% परतावा, कंपनीबाबत अजून एक सकारात्मक अपडेट
- Trent Share Price | टाटा ग्रुपच्या शेअरने 6 महिन्यात दिला 110 टक्के परतावा, तज्ज्ञांकडून पुढची टार्गेट प्राईस जाहीर
- IREDA Share Price | PSU IREDA शेअर्स श्रीमंत करू शकतात, अवघ्या 5 महिन्यात दिला 440% परतावा, खरेदी करणार?
- Adani Power Share Price | अदानी पॉवर शेअर 'पॉवर' दाखवणार! कंपनीबाबत अपडेट, स्टॉक प्राईस सुसाट वाढणार
- 7th Pay Commission | सरकारी कर्मचाऱ्यांसाठी खुशखबर! HRA पासून ग्रॅच्युइटीपर्यंत फायदा, मोठी वाढ होणार
- RVNL Share Price | RVNL कंपनीबाबत सरकारात्मक अपडेट आली, शेअर सुसाट तेजीत धावणार, पुन्हा मल्टिबॅगर?