Tata Steel Share Price | टाटा तिथे नो घाटा! 3 वर्षात 108% परतावा देणाऱ्या टाटा स्टील शेअर्सबाबत अपडेट, फायदा होईल?

Tata Steel Share Price | टाटा समूहाचा भाग असलेल्या टाटा स्टील कंपनीने नुकताच आपले डिसेंबर 2023 तिमाहीचे आर्थिक निकाल जाहीर केले आहेत. सेबी फाइलिंगनुसार टाटा स्टील कंपनीने ऑक्टोबर-डिसेंबर 2023 तिमाहीत मजबूत नफा कमावला आहे. मागील आर्थिक वर्षाच्या तिसऱ्या तिमाहीत म्हणजेच डिसेंबर 2022 मध्ये टाटा स्टील कंपनीला 2502 कोटी रुपये तोटा सहन करावा लागला होता.

मात्र आता ऑक्टोबर-डिसेंबर 2023 च्या तिमाहीत टाटा स्टील कंपनीने 522.1 कोटी रुपये निव्वळ नफा कमावला आहे. आज गुरूवार दिनांक 25 जानेवारी 2024 रोजी टाटा स्टील कंपनीचे शेअर्स 0.74 टक्के घसरणीसह 134.15 रुपये किमतीवर क्लोज झाले आहेत.

मागील आर्थिक वर्षाच्या डिसेंबर 2022 तिमाहीत टाटा स्टील कंपनीने 57,083.6 कोटी रुपये महसूल संकलित केला होता. या तिमाहीत कंपनीचा माहुसल किंचित घटला आहे. डिसेंबर 2023 तिमाहीत टाटा स्टील कंपनीने 55,311.9 कोटी रुपये महसूल संकलित केला आहे. या तिमाहीत टाटा स्टील कंपनीचा EBITDA 4048 कोटी रुपयेवरून वाढून 6,263.6 कोटी रुपये नोंदवला गेला आहे. यासह कंपनीचा EBITDA मार्जिन डिसेंबर 2023 तिमाहीत 7.1 टक्केवरून वाढून 11.3 टक्के नोंदवला गेला आहे.

मागील एका आठवड्यात टाटा स्टील कंपनीच्या शेअर्सने आपल्या गुंतवणुकदारांना 2.66 टक्के परतावा कमावून आहे. तर मागील 1 महिन्यात या कंपनीच्या शेअर्सची किंमत फक्त 1.20 टक्के वाढली होती. मागील 3 महिन्यांत टाटा स्टील कंपनीच्या शेअर्सची किंमत 12.62 टक्के मजबूत झाली होती. तर मागील एका वर्षात या कंपनीच्या शेअर्सने आपल्या गुंतवणुकदारांना फक्त 12.25 टक्के नफा कमावून दिला आहे. मागील 3 वर्षात टाटा स्टील कंपनीच्या शेअर्सने आपल्या गुंतवणूकदारांचे पैसे तब्बल 108.89 टक्के वाढवले आहे.

कालच्या ट्रेडिंग सेशनमध्ये टाटा स्टील कंपनीचे शेअर 3.88 टक्के वाढीसह 135.15 रुपये किमतीवर ट्रेड करत होते. टाटा स्टील कंपनीच्या शेअर्सची 52 आठवड्यांची उच्चांक पातळी किंमत 142.15 रुपये होती. तर नीचांक किंमत पातळी 101.65 रुपये होती.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Tata Steel Share Price NSE Live 25 January 2024.