कोरोनाची दुसरी लाट अत्यंत भीषण असेल; अमेरिकी विद्यापीठातील संशोधकांचा दावा

न्यूयॉर्क, १४ मे: कोरोना व्हायरस कदाचित कधीच संपणार नाही. जगाला आता या व्हायरससोबत जगणे शिकावे लागेल असा इशारा जागतिक आरोग्य संघटनेने बुधवारी दिला. ‘अन्य विषाणूंप्रमाणे कोरोना व्हायरस कायम सोबत राहू शकतो. कदाचित तो कधीच नष्ट होणार नाही’ असे मायकल जे रेयान म्हणाले. ते WHO च्या आरोग्य आपातकालीन कार्यक्रमाचे प्रमुख आहेत.

त्यासाठी त्यांनी HIV च्या विषाणूचे उदहारण दिले. ‘HIV चा विषाणू आजही अस्तित्वात आहे तसेच करोना व्हायरस नेमका कधी निघून जाईल ते सांगता येणार नाही’ असे रेयान म्हणाले. “HIV चा विषाणू अजूनही नष्ट होऊ शकलेला नाही. पण ज्यांना या विषाणूची लागण झाली त्यांना उत्तम आरोग्य राखून दीर्घायुष्य कसे लाभेल ते मार्ग आपण शोधले. आपल्याला वास्तवाचा स्वीकार केला पाहिजे. करोना व्हायरसचा आजार कधी संपेल ते आपल्याला ठाऊक नाही” असे रायन म्हणाले.

दुसरीकडे कोरोना व्हायरसवर संशोधन सुरू असून दिवसेंदिवस वेगवेगळी माहिती समोर येत आहे. एका नव्या संशोधनानुसार, कोरोनाची दुसरी लाट अतिशय भयावह असणार असून जगातील सुमारे ७० टक्के लोकसंख्या कोरोनाबाधित होणार असल्याची भीती व्यक्त करण्यात आली आहे.

अमेरिकेतील मिन्नेसोटा विद्यापीठाच्या ‘सेंटर फॉर इंफेकेशियस डिजीस रिसर्च अँड पॉलिसी’चे संचालक डॉ. मायकल ऑस्टरहोम यांनी याबाबत इशारा दिला आहे. डेली मेलने दिलेल्या वृत्तानुसार, एका मुलाखतीत त्यांनी जगातील दोन तृतीयांश लोकांना करोनाची बाधा होणार असल्याचे त्यांनी सांगितले. आगामी एक वर्षभरात तरी कोरोनाला प्रतिबंध करेल अशी लस विकसित होईल याची शक्यता कमी असल्याचे त्यांनी म्हटले.

लोकांमध्ये कोरोनाच्या संसर्गाविरोधात लढण्याची रोगप्रतिकारक शक्ती विकसित होणार नाही तोपर्यंत कोरोनाचा संसर्ग फैलावणार असल्याचे त्यांनी म्हटले. जगातील ६० ते ७० टक्के नागरीक कोरोनाबाधित होणार असल्याची शक्यता त्यांनी वर्तवली. तसेच लोकांमध्ये रोगप्रतिकारक शक्ती विकसित झाल्यानंतर कोरोनाचा प्रभाव हळूहळू कमी होण्यास सुरू होईल. रोगप्रतिकारक शक्तिमुळे कोरोना संसर्गाचा नवीन वाहक राहणार नसल्याचे त्यांनी सांगितले. मात्र, त्याचवेळी त्यांनी काही सकारात्मक बाबीही जुळून येण्याची शक्यता वर्तवली. सार्स आणि मर्ससारख्या आजाराला मात दिलेल्या रुग्णांमध्ये पुन्हा संसर्ग झाला नाही. तीच गोष्ट कोरोनाबाबतही होऊ शकते, असेही त्यांनी म्हटले.

News English Summary: The director of the Center for Infectious Diseases Research and Policy at the University of Minnesota in the United States, Dr. Michael Osterhome has hinted at this. According to the Daily Mail, in an interview, he said that two-thirds of the world’s population would be affected by the corona.

News English Title: corona virus will keep spreading until up to 70 percent of the population is infected said american university expert News Latest Updates.