अनेक देशात मोठ्या संख्येने कोरोना रुग्ण समोर येतील, सरकारांनी सज्ज रहावं - WHO

जिन्हिवा, २० जून : जागतिक आरोग्य संघटनेने (WHO) शुक्रवारी जगाला कोरोना विषाणूच्या साथीच्या नव्या आणि धोकादायक अवस्थेविषयी इशारा दिला आहे. ज्यामध्ये लॉकडाऊन असूनही कोरोना वेगाने पसरत आहे. गेल्या वर्षी डिसेंबर महिन्यात इटलीत हा विषाणू असल्याचे उघडकीस आले तेव्हा असा इशारा देण्यात आला.

त्याचबरोबर, युरोपने निर्बंध शिथिल करण्यास सुरूवात केली आहे. या आजाराचा फैलाव रोखण्यासाठी लावण्यात आलेल्या लॉकडाऊनमुळे आर्थिक नुकसान झाले आहे. मात्र डब्ल्यूएचओच्या म्हणण्यानुसार हा साथीचा रोग अद्याप एक मोठा धोका आहे.

दरम्यान, जागतिक आरोग्य संघटनेचे (WHO) चे प्रमुखांनी देखील कोविड-१९ महामारीचा प्रसार अत्यंत वेगाने होत असल्याचे म्हटले आहे. शुक्रवारी एका दिवसात आतापर्यंतचे सर्वाधिक कोरोना रुग्ण आढळून आल्याचे सांगत त्यांनी ही भीती व्यक्त केली आहे. डब्ल्यूएचओचे प्रमुख टेड्रोस गेब्रेयेसस यांनी म्हटले आहे की, नवीन कोरोना केसेसमधील अर्ध्या केसेस या उत्तर आणि दक्षिण अमेरिका खंडातील आहेत तर दक्षिण आशिया आणि पश्चिम आशियात देखील कोरोनाचा प्रभाव मोठ्या प्रमाणावर होत आहे.

WHO कडून सांगण्यात आले आहे की, वेगवेगळ्या देशांमध्ये महामारीचा वेगवेगळा फेज आहे. पण वैश्विक स्तरावर व्हायरस पसरण्याचा स्पीड वाढत आहे. शुक्रवारी WHO चे डायरेक्टर जनरल टेड्रोस एनहॅनम घेब्रियेसुस म्हणाले की, व्हायरस अजूनही वेगाने पसरत आहे आणि अजूनही हा व्हायरस जीवघेणा आहे. जास्तीत जास्त लोक अजूनही संवेदनशील आहेत. आर्थिक उलाढाल वाढवण्यासाठी अनेक देशांवर दबाव वाढत आहे. WHO ने इशारा दिला आहे की, वेगवेगळ्या देशांतील सरकारांनी अचानक मोठ्या संख्येने केसेस समोर येण्यासाठी तयार रहावं.

News English Summary: The World Health Organization (WHO) on Friday warned the world about a new and dangerous stage of the corona virus outbreak. In which the corona is spreading rapidly despite the lockdown. The warning was issued in December last year when the virus was discovered in Italy.

News English Title: The World Health Organization on Friday warned the world about a new and dangerous stage of the corona virus outbreak News latest updates.