Breaking News | नोव्हेंबरमध्ये होणाऱ्या MPSC परीक्षाही पुढे ढकलल्या

मुंबई, १३ ऑक्टोबर : महाराष्ट्र लोकसेवा आयोगातर्फे दिनांक १ नोव्हेंबर २०२० आणि २२ नोव्हेंबर २०२० ला होणाऱ्या परीक्षाही रद्द करुन पुढे ढकलण्यात आल्या आहेत.महाराष्ट्र अभियांत्रिकी सेवा पूर्व परीक्षा व महाराष्ट्र दुय्यम सेवा अराजपत्रित गट ब संयुक्त पूर्व परीक्षा या दोन्ही परीक्षा रद्द करुन पुढे ढकलण्यात आल्या आहेत. या परीक्षा कधी होणार त्याच्या तारखा यथावकाश जाहीर करण्यात येतील असं महाराष्ट्र लोकसेवा आयोगाने म्हटलं आहे. महाराष्ट्र लोकसेवा आयोगाने पत्रक काढून यासंदर्भातली माहिती दिली आहे.

नोव्हेंबरमध्ये होणाऱ्या MPSC परीक्षाही पुढे ढकलल्या….. महाराष्ट्र लोकसेवा आयोगाने पत्रक काढून यासंदर्भातली माहिती दिली आहे. pic.twitter.com/sQ5nJ5xQoU

— महाराष्ट्रनामा न्यूज (@MahaNewsConnect) October 13, 2020

तत्पूर्वी मराठा आरक्षणाला सर्वोच्च न्यायालयानं स्थगिती दिल्यानंतर MPSC ची परीक्षा पुढे ढकलण्याची मागणी जोर धरू लागली होती. त्यानंतर ठाकरे सरकारनं MPSC ची परीक्षा पुढे ढकलण्याचा मोठा निर्णय घेतला होता. मुख्यमंत्री उद्धव ठाकरेंनी पत्रकार परिषद घेऊन ही घोषणा केली होती. त्यामुळे रविवारी होणारी परीक्षा पुढे ढकलण्यात आली आणि कोणताही विद्यार्थी अपात्र ठरणार नसल्याचंही मुख्यमंत्र्यांनी स्पष्ट केलं होतं. MPSC च्या परीक्षेची पुढची तारीख लवकरच जाहीर करू, असंही मुख्यमंत्र्यांनी सांगितलं होतं.

News English Summary: The Maharashtra Public Service Commission has also canceled the examinations on November 1, 2020 and November 22, 2020. Both the Maharashtra Engineering Service Pre-Examination and the Maharashtra Secondary Service Non-Gazetted Group B Joint Pre-Examination have been canceled and postponed. The Maharashtra Public Service Commission has said that the dates of the examinations will be announced in due course. Maharashtra Public Service Commission has issued a leaflet in this regard.

News English Title: MPSC Recruitment 2020 Exam In November has also been Canceled News updates.