मुंबईला PoK म्हटल्यानंतर आज जय महाराष्ट्र म्हणत सिद्धिविनायक मंदिरात दर्शनाला

मुंबई, २९ डिसेंबर: मागील काही दिवसांपासून शिवसेनेसोबतच्या वादामुळे चर्चेच्या केंद्रस्थानी असलेल्या अभिनेत्री कंगना रनौत हिने मंगळवारी सिद्धिविनायकाचे दर्शन घेतले. यावेळी कंगना हिरवी साडी, नाकात नथ आणि केसात माळलेला गजरा अशा पारंपारिक मराठमोठ्या वेषात आली होती. (Bollywood actress Kangana Ranaut visit Siddhivinayak temple in Mumbai)

सिद्धिविनायकाचे दर्शन घेतल्यानंतर कंगना रानौतने मोठ्या उत्साहात हसतखेळत प्रसारमाध्यमांशी संवाद साधला. मला मुंबईत राहण्यासाठी केवळ गणपती बाप्पाच्या परवानगीची गरज आहे. मी इतर कोणाकडेही परवानगी मागितली नाही, असे सांगत कंगनाने शिवसेनेला अप्रत्यक्ष टोला लगावला. यावेळी प्रसारमाध्यमांनी तिला संजय राऊत यांच्या पत्नीला आलेल्या ईडीच्या नोटीसविषयी विचारणा केली. तुम्हाला मुंबईत परवानगी नाकारणाऱ्यांना ईडीची नोटीस आली त्याबद्दल काय वाटते, असे कंगनाला विचारण्यात आले. मात्र, कंगना रानौतने त्यावर बोलायचे टाळले. (After visiting Siddhivinayak, Kangana Ranaut laughed and interacted with the media)

मंदिराबाहेर येताच कंगना रणौतने ‘जय महाराष्ट्र’ घोषणा दिली. दरम्यान प्रसारमाध्यमांशी बोलताना ती म्हणाली की, “मला मुंबईत राहण्यासाठी कोणाच्या परवानगीची गरज नाही. फक्त गणपती बाप्पाचा आशीर्वाद आणि परवानगी हवी आहे. ती मिळाली आहे. अजून कोणाकडे मी परवानगी मागितलेली नाही”.

कंगनाने ट्विटरला सिद्धिविनायक मंदिराबाहेर फोटो शेअर केले आहेत. यामध्ये तिने म्हटलं आहे की, “माझ्या लाडक्या मुंबई शहरासाठी उभं राहिल्यानंतर शत्रुत्वाचं प्रमाण आश्चर्यचकित करणारं होतं. आज मी मुंबादेवी आणि सिद्धिविनायक मंदिरात जाऊन आशीर्वाद घेतला. मला सुरक्षित आणि स्वागत केल्यासारखं वाटत आहे”.

News English Summary: Actress Kangana Ranaut, who has been at the center of discussions due to a dispute with Shiv Sena for the past few days, paid a visit to Siddhivinayak on Tuesday. At this time, Kangana was wearing a green traditional sari, a nose ring and a garland in her hair.

News English Title: Bollywood film actress Kangana Ranaut Mumbai Siddhivinayak temple news updates.