मुंबई : उत्तर प्रदेशातील उन्नाव आणि जम्मू काश्मीरमधील कठुआ जिल्ह्यातील बलात्काराच्या घटनांनी संपूर्ण देश हादरला असताना सर्वच थरातून या घटनेवर तीव्र संताप व्यक्त केला जातो आहे. उन्नाव आणि कठुआ बलात्काराच्या घटनेचे आता कोर्पोरेट जगतातून सुद्धा पडसाद उमटू लागले आहे.

महिंद्रा अँड महिंद्रा ग्रुपचे चेअरमन आनंद महिंद्रा यांनी तीव्र संताप व्यक्त करत आपल्या भावना ट्विटर वरून व्यक्त केल्या आहेत. ट्विटरवर राग व्यक्त करताना आनंद महिंद्रा म्हणाले म्हणाले की, त्या बलात्कार्यांना फाशी देणारा जल्लाद होण्यास तयार आहे.

पुढे ते म्हणाले की, बलात्काऱ्यांना फाशी देण्यासाठी मी फाशी देणारा जल्लाद होण्यास तयार आहे, असं आनंद महिंद्रा यांनी म्हटलं आहे. “जल्लादची नोकरी कोणालाही हवी हवीशी वाटत नाही. मात्र जर बलात्कारी आणि लहान मुलींना ठार मारणाऱ्यांना शिक्षा द्यायची असेल, तर मी ही नोकरी आनंदाने स्वीकारेन. मी शांत राहण्याचा प्रयत्न करतो, मात्र आपल्या देशातील अशा घटनांमळे माझं रक्त खवळतं.

एकूणच कठुआ आणि उन्नाव मधील बलात्कार्यांच्या विरोधात देशवासीयांच्या भावना दिवसेंदिवस तीव्र होत आहेत आणि सरकार विरोधात रोष वाढताना दिसत आहे.

anand mahindra said i ill do executioner job for the execution of brutal rapists murderers of young girls