लॉकडाउन परिणाम: भारतात डिसेंबरपर्यंत २ कोटी बाळांचा जन्म होईल - UNICEF चा अंदाज

नवी दिल्ली, ८ मे: देशभरात करोनाचे ३३९० रुग्ण पॉझिटिव्ह आढळले आहेत. २४ तासांमध्ये समोर आलेली ही संख्या आहे. त्यामुळे देशाची रुग्णसंख्या ही ५६ हजार ३४२ इतकी झाली आहे. तर मागील चोवीस तासात १३७३ रुग्ण बरे झाले आहेत. आत्तापर्यंत १६ हजार ५४० रुग्णांना डिस्चार्ज देण्यात आला आहे अशी माहिती केंद्रीय आरोग्य मंत्रालयाचे सह सचिव लव अग्रवाल यांनी दिली आहे.

भारतासह जगातील अनेक देशांनी कोरोनाचा वाढता संसर्ग रोखण्यासाठी लॉकडाऊनची घोषणा केली आहे. देशात १७ मे पर्यंत लॉकडाऊन घोषित केला आहे. सोशल डिस्टंसिंग, क्वारंटाईन यासारखे खबरदारीचे उपाय घेतले जात आहे. देशातील कोरोनाग्रस्तांचा आकडाही वेगाने वाढत आहे.

दुसरीकडे, भारतात यावर्षी मार्च ते डिसेंबर या काळात सर्वाधिक २ कोटी मुलांचा जन्म होईल, असा अंदाज युनिसेफने वर्तवला आहे. ११ मार्च ते १६ डिसेंबर दरम्यान, जगभरात एकूण ११ कोटी ६० लाख मुलांचा जन्म होईल. यापैकी एकट्या भारतामध्ये २.१ कोटी, चीनमध्ये १.३५ कोटी मुलांचा जन्म होईल, असंही युनिसेफने नमूद केलं आहे. तसेच कोरोना संसर्गामुळे बाळाला जन्म देणाऱ्या आई आणि त्या बाळाला अनेक अडचणींचा सामनाही करावा लागेल, असाही इशारा युनिसेफने दिला.

116 million babies will be born under the shadow of the #COVID19 pandemic, with many facing the harsh realities of overwhelmed health centres.

On behalf of mothers worldwide, we’re calling for immediate investment in trained health workers to save lives. https://t.co/5V7bnVDrC6

— UNICEF (@UNICEF) May 7, 2020

युनिसेफने संयुक्त राष्ट्राच्या ‘वर्ल्ड पॉप्युलेशन डिव्हिजन २०१९ च्या अहवालातील माहितीनुसार हा अंदाज लावला आहे. सामान्यपणे बाळाचा गर्भ आईच्या पोटात जवळपास ९ महिने किंवा ४० आठवड्यांपर्यंत राहतो. याच निकषाचा वापर करुन युनिसेफने मुलांच्या जन्माच्या आकडीवारीचा अंदाज वर्तवला आहे.

News English Summary: According to UNICEF, India will give birth to a maximum of 20 million children between March and December this year. Between March 11 and December 16, a total of 116 million babies will be born worldwide. Of these, 2.1 crore will be born in India alone and 1.35 crore in China, according to UNICEF.

News English Title: Story International Unicef predict 2 crore birth of Child up to December in India News Latest Updates.