Bank of Maharashtra Update | बँक ऑफ महाराष्ट्र खातेधारकांसाठी खास खबर! बँकेने सुरू केलेल्या 'या' सुविधेचा फायदा घ्या

Bank of Maharashtra Update | बँक ऑफ महाराष्ट्र बँकेत खाते असलेल्या ग्राहकांसाठी मोठी बातमी आहे. सार्वजनिक क्षेत्रातील बँक ऑफ महाराष्ट्रमध्ये तुमचेही खाते असेल तर तुमच्यासाठी बँकेकडून खास सुविधा सुरू करण्यात आली आहे. बँकेने ग्राहकांसाठी अनेक नवीन उत्पादने आणि सेवा सुरू करण्याची घोषणा केली आहे. यामध्ये डिजिटलाइज्ड पर्सनल लोन आणि अपडेटेड मोबाइल बँकिंगचा समावेश आहे.

ग्राहकांना मिळणार चांगला अनुभव
ग्राहकांचा अनुभव सुलभ व्हावा आणि बँकेचे डिजिटायझेशन बळकट व्हावे, यासाठी बँकेने विविध क्षेत्रांत ग्राहकांना डिजिटल पद्धतीने पर्सनलाइज्ड लोन देण्यास सुरुवात केली आहे. यामध्ये महाराष्ट्रातील अनेक प्रमुख शहरांचा समावेश आहे. तसेच देशातील बेंगळुरू, कोलकाता, पाटणा आणि चंदीगड यांचा समावेश आहे.

बँकेने काय म्हटले?
सध्याचे ग्राहक डिजिटल माध्यमातून कोणत्याही त्रासाशिवाय २० लाख रुपयांपर्यंतकर्ज घेऊ शकतात. बँकेने आपल्या व्हिसा आणि रुपे डेबिट कार्डसाठी नवीन वैशिष्ट्ये देखील आणली आहेत. व्हिसा इंटरनॅशनल डेबिट कार्ड हे नवीन पिढीचे कॉन्टॅक्टलेस कार्ड आहे, जे देश-विदेशातील सर्व डिव्हाइसवर काम करेल. या सुविधेचा लाभ घेण्यासाठी कोणतेही अतिरिक्त शुल्क आकारले जाणार नाही.

नुकतीच बँकेने एमसीएलआरमध्ये वाढ केली होती
बँक ऑफ महाराष्ट्रने मार्जिनल कॉस्ट ऑफ लेंडिंग रेटमध्ये (एमसीएलआर) ३० बेसिस पॉईंटपर्यंत वाढ केली आहे. एमसीएलआर वाढल्याने गृहकर्ज, कार कर्जाचा ईएमआय वाढला होता. हा बोजा विद्यमान कर्जदारतसेच नवीन कर्जदारांवर पडणार आहे. एक्स्चेंजला मिळालेल्या माहितीनुसार, बँक ऑफ महाराष्ट्रने एमसीएलआरमध्ये वाढ केली होती.

News Title: Bank of Maharashtra Update on new services for customers details on 21 May 2023.