Pre Approved Personal Loan | प्री-अप्रूव्ह्ड पर्सनल लोन कोणाला मिळतो आणि त्याचे काय फायदे माहिती आहेत?

 Pre Approved Personal Loan | सण सणावळ आली की सगळीकडे एक वेगळाच उत्साह पाहायला मिळतो. अनेक जण या काळात दागिणे, वस्तू, कपडे खरेदी करतात. सणांमध्ये आपला खर्च हा नेहमीपेक्षा जास्तच असतो. त्यामुळे दिवाळसणाला खर्चासाठी बोनस देखील दिला जातो. यासह अनेक वित्त संस्था आणि बॅंका आपल्या कस्टमरसाठी विविध ऑफर देत असतात. अशात या काळात काही नविन सुरू करण्याचा विचार करणा-यांना मोठ्या आर्थिक पाठबळाची आवश्यकता असते.

त्यामुळे बॅंक आपल्या विश्वासू ग्राहकांना पूर्व-मंजूर वैयक्तिक कर्ज (प्री-अप्रूव्ह्ड पर्सनल लोन) मंजूर करते. पर्सनल लोन असल्याने या पैशांचा तुम्ही तुम्हाला हवा तेथे वापर करू शकता. मात्र असे कर्ज घेने सुरक्षित आहे का? तसेच बॅंक हे कर्ज नेमके कोणाला देते? अशा काही प्रश्नांची माहिती आज जाणून घेणार आहोत.

कोणाला मिळते ही ऑफर
ज्या व्यक्तीचा क्रेडिट स्कोर जास्त चांगला आहे आणि बॅंकेतील रेकॉर्ड देखील उत्तम आहे अशाच व्यक्तींना पूर्व-मंजूर वैयक्तिक कर्ज दिले जाते. यामध्ये बॅंक तुमची सध्याची कमाई आणि सध्याचे तसेच मागिल कर्जाची परतफेड करतानाचा रेकॉर्ड तपासत असते. त्यामुळे तुमचा क्रेडिट स्कोर उत्तम असेल तर बॅंक तुम्हाला या कर्जासाठी ऑफर करू शकते.

तज्ज्ञ या कर्जाची महिती देताना म्हणतात की, “ पूर्व-मंजूर वैयक्तिक कर्ज देताना सर्वात आधी तुमचा कर्जासाठी असलेला इतिहास तपासते. तुम्ही वेळेत कर्जाची परतफेड करत असाल. तुम्ही कोणताही हप्ता थकवलेला नसेल तर बॅंक तुम्हाला या कर्जाची ऑफर देते. यात क्रेडिट स्कोर हा सर्वात महत्वाचा घटक आहे. जेव्हा बॅंक तुम्हाला हे कर्ज देते तेव्हा तुम्हाला देखील ते वेळेत फेडावे लागते. यात विलंब करून चालत नाही. मुळात हे कर्ज आधिच मिळालेले असते त्यामुळे त्याचा कसा वापर करायचा याचाही निट विचार करता येतो.”

प्री-अप्रूव्ह्ड पर्सनल लोनचे फायदे
हे कर्ज मिळाल्याने तुम्हाला इतर कर्जाच्या तुलनेत चांगला व्याज दर दिला जातो. बॅंकेला तुमचा क्रेडिट स्कोर आधिच माहीत असतो. शिवाय त्याला केवायसीचा एक्सेस असतो. त्यामुळे हे कर्ज मिळवताना फार वेळ लागत नाही. बॅंक लगेचच कर्जाची रक्कम तुमच्या खात्यात जमा करते. अनेक बॅंका हे कर्ज देताना झिरो प्रक्रीया शुल्क, झिरो फोरक्लोजर शुल्क, झिरो प्री-पेमेंट शुल्क अशा ऑफर देखील देतात. याचा तुम्हाला जास्तीत जास्त फायदा होतो. याशिवाय हे कर्ज मिळवताना तुम्हाला बॅंकेच्या अनेक वा-या करण्याची गरज नाही. घरबसल्या तुम्ही तुमच्या फोन मधून सुध्दा या कर्जासाठी अर्ज करू शकता. यात व्याजाचा दर देखील कमी असतो.

हे कर्ज स्विकारावे की नाही
कर्ज स्विकारण्याचा सर्वस्वी निर्णय तुमचा असतो. मात्र कमी व्याजदरात कर्ज मिळत आहे या कारणासाठी तुम्ही ते घेत असाल तर तसे करू नये. कारण यात तुम्हाला फार कमी वेळ असतो. त्यामुळे हे पैसे नेमके खर्चायचे आहेत याचे नियोजन तुमच्याकडे असेल तेव्हाच तुम्ही हे कर्ज घ्यावे. जर तुम्ही काही कारणासाठी आधिच कर्जाचा विचार करत असाल आणि बॅंक तुम्हाला ही ऑफर देत असेल तर तुम्ही हे कर्ज स्विकारू शकता.

यात विविध अटी आणि शर्थी असतात. त्यामुळे या सर्व अटी काळजीपूर्वक वाचा आणि मगच ते स्विकारा. तसेच हे कर्ज घेताना त्याची परतफेड देखील मर्यादीत वेळेत करायची आहे याचे भान ठेवा. बॅंक जेव्हा तुम्हाला यासाठी ऑफर करते तेव्हा सर्व नियमांची आणि कालावधीची निट माहीती मिळाल्यावरच कर्ज घ्या. असे केल्याने तुम्ही घेतलेले कर्ज तुम्हाला फायद्याचे ठरेल.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title :  Pre Approved Personal Loan Who gets a pre-approved personal loan and what are its benefits 08 July 2023.