माजी खासदार मिलिंद देवरा यांची पावलं भाजपाच्या दिशेने?

मुंबई: काँग्रेसचे माजी खासदार मिलिंद देवरा यांनी पंतप्रधान नरेंद्र मोदींच्या ह्यूस्टन येथील हाउडी मोदी या कार्यक्रमामधील भाषणाचं कौतुक केलं. या कार्यक्रमात अमेरिकेचे राष्ट्राध्यक्ष डोनाल्ड ट्रम्पदेखील उपस्थित होते. या कार्यक्रमातील मोदींचे भाषण भारताची बौद्धिक आणि सांस्कृतिक ताकद दाखविणारे आहे. मिलिंद देवरांनी केलेल्या या ट्विटमुळे देवरा भाजपच्या वाटेवर असल्याची चर्चा सुरु झाली आहे.

मिलिंद देवराच्या या ट्विटला पंतप्रधान नरेंद्र मोदी यांनीही उत्तर दिलं आहे. मोदींनी मिलिंद देवरांचे आभार मानत सांगितले की, दिवंगत मिलिंद देवरा यांनीही अमेरिकेसोबत चांगले संबंध प्रस्थापित करण्यासाठी अनेक प्रयत्न केलेत. या दोन्ही देशातील मजबूत संबंध पाहून ते आनंदी झाले असते असं पंतप्रधान नरेंद्र मोदींनी सांगितले.

Thank you @narendramodi ji!

Murlibhai put nation first & worked with all governments in India & the US to deepen ties between our great countries.

In my many interactions with my Democrat & Republican friends, they, too, acknowledge India’s leadership in the 21st century https://t.co/AXbEb6ZDtK

— Milind Deora मिलिंद देवरा (@milinddeora) September 23, 2019

त्यामुळे राजकीय वर्तुळात या ट्वीटची चर्चा रंगू लागली आहे. ३७० कलम असो किंवा पंतप्रधान मोदींचे भाषण असो मिलिंद देवरा हे भाजपच्या समर्थनार्थ उतरताना दिसत आहेत. मिलिंद देवरा यांची पाऊले भाजपाच्या दिशेने असल्याचे हे संकेत आहेत का ? अशा चर्चांना उधाण आले आहे.

Thank you @milinddeora.

You are absolutely correct when you highlight my friend, late Murli Deora Ji’s commitment to strong ties with USA. He would have been really glad to see the strengthening of ties between our nations.
The warmth and hospitality of @POTUS was outstanding. https://t.co/eyP1D3xRJo

— Narendra Modi (@narendramodi) September 23, 2019

मुरली देवरा असते तर त्यांनाही भारत आणि अमेरिकेचे आजचे संबंध पाहून आनंद झाला असता असे पंतप्रधान मोदी यांनी म्हटले. लोकसभेची निवडणूक हरल्यापासून मिलिंद देवरांनी अनेक वेळा भाजपला समर्थन भूमिका घेतली आहे. तर दुसरीकडे लोकसभा निवडणुकीतील पराभवानंतर मिलिंद देवरा काँग्रेस पक्षापासून अंतर ठेवून आहेत. त्यामुळे त्यांच्या भूमिकेविषयी राजकीय वर्तुळात चर्चांना उधाण आले आहे.