अंबरनाथ : शिवसेनेचे अंबरनाथमधील आमदार बालाजी किणेकरांविरुद्ध स्थानिकांमध्ये दिवसेंदिवस रोष वाढताना दिसत आहे. शहरातील खराब रस्त्यांना कंटाळल्यामुळे शहरात त्यांच्याविरुद्ध होर्डिंगबाजी सुरु झाली आहे. शहरातील रस्त्यांची अक्षरशः चाळण झाली असून, त्याचा सामान्यांना प्रचंड त्रास होत आहे.

शहरातील रस्त्यावरून ना धड चालू शकत, ना वाहन घेऊन जाऊ शकत इतकी रस्त्यांची बिकट अवस्था झाली असल्याने शहरातील सामान्य हवालदिल झाले असून ते स्थानिक आमदार तसेच खासदारांवर रोष व्यक्त करत आहेत. त्याचाच प्रत्यय असा की, शिवसेना आमदार बालाजी किणेकरांविरुद्ध शहरात होर्डिंगबाजी सुरु झाली आहे.

यापूर्वी सुद्धा अंबरनाथच्या भीमनगर परिसरातील स्थानिक महिलांनी त्यांना घेराव घातला आणि आमदार येथे दहा वर्ष फिरकलेच नसल्याचा संताप व्यक्त केला. भीमनगर परिसरातील महिलांनी त्यांना शिवीगाळ करत आपला संताप व्यक्तं केला. शिवसेना आमदार बालाजी किणीकर दहा वर्ष झाली परंतु अंबरनाथच्या भीमनगर परिसरात फिरकले सुद्धा नाहीत. त्यामुळे जेंव्हा ते आल्याचे समजले तसं लगेचच भीमनगर परिसरातील स्थानिक महिलांनी त्यांना घेराव घातला आणि चांगलेच धारेवर धरले. स्थानिक महिलांनी त्यांना चांगलेच सुनावल्याने आमदार बालाजी किणीकर यांना गप्प बसण्या शिवाय दुसरा मार्गच सुचला नाही. त्यांचा व्हिडीओ सुद्धा व्हायरल झाला होता.

विडिओ: कसं घेरलं होत तेव्हा शिवसेना आमदार किणेकरांना अंबरनाथच्या भीमनगर परिसरातील स्थानिक महिलांनी?

Ambernath common man not happy with shivsena mla Balaji Kinekar