महत्वाच्या बातम्या

• 

  आर्थिकदृष्ट्या मागास आरक्षण द्यायला साडेचार वर्षे का लागली? खासदार आनंद अडसुळ

  देशातील आर्थिकदृष्ट्या मागासांना आरक्षण देण्यासाठी मोदी सरकारला साडेचार वर्षे का लागली? असा प्रश्न शिवसेना खासदार आनंद अडसुळ यांनी उपस्थित करून मोदी सरकारला अडचणीत आणण्याचा प्रयत्न केला आहे. दरम्यान, महाराष्ट्रात धनगड आणि धनगर असा शब्द बदलला तरी सुद्धा त्यांना आरक्षणाचा लाभ मिळत नाही असं सुद्धा त्यांनी लोकसभेत विचारलं.

  6 वर्षांपूर्वी
• 

  आर्थिकदृष्ट्या मागासांना आरक्षण देण्याचे यापूर्वी प्रयत्न झालेच नाहीत : जेटली

  देशातील ५० टक्के राज्यांची सुद्धा मंजुरी आर्थिक मागास आरक्षणासाठी हवी अशी मागणी होती. परंतु, संबंधित कायद्यासाठी राज्यांच्या मंजुरीची कोणतीही आवश्यकता नाही, असे केंद्रीय अर्थमंत्र्यांनी स्पष्ट केले आहे. आज लोकसभेत आर्थिकदृष्ट्या मागासांना आरक्षणासंदर्भात सविस्तर चर्चा सुरु होती, तेव्हाच अरुण जेटलींनी सरकारची भूमिका स्पष्ट केली. दरम्यान, पूर्वीच्या सरकारने गरीब सवर्णांना आरक्षण देण्यासाठी कोणतेही प्रयत्न केले नाहीत हे सुद्धा त्यांनी बोलताना अधोरेखित केलं.

  6 वर्षांपूर्वी
• 

  ऑगस्टा गौप्यस्फोट: हॅश्केची कबुली, 'गांधी घराण्याचे नाव घेण्यासाठीच आमच्यावर दबाव'

  बहुचर्चित ऑगस्टा वेस्टलॅण्ड या हेलिकॉप्टर बनविणार्‍या कंपनीचा दलाल गुईडो हॅश्के याने मोठा गौप्यस्फोट केला आहे. दरम्यान, या हेलिकॉप्टर खरेदी-विक्री व्यवहारात भारतातील गांधी घराण्याला लाच मिळाली हे सांगण्यासाठीच माझ्यावर मोठा दबाव आला असा धक्कादायक गौप्यस्फोट त्याने केला आहे. इटलीच्या कोर्टात ‘गांधी घराणे’ आणि ‘अहमद पटेल’ यांचे नाव घ्यावे यासाठी सरकारी वकिलाने मोठ्या चलाखीने माझ्या तोंडून त्यांची नावे वदवून घेण्याचा शिस्तबद्ध प्रयत्न केला. परंतु मी त्यांची ती चलाखी ओळखली आणि कुणाचेही नाव घेतले नाही, असे हॅश्के याने एका इंग्रजी मासिकाला दिलेल्या मुलाखतीत स्पष्ट केले आहे.

  6 वर्षांपूर्वी
• 

  राफेल घोटाळ्यात मोदींना कोणीही वाचवू शकत नाही: राहुल गांधी

  लढाऊ विमान राफेल घोटाळयात मोदींना कोणी सुद्धा वाचवू शकत नाही. पंतप्रधानांनी रिलायन्सच्या अनिल अंबानी यांना केवळ व्यक्तीगत फायदा मिळावा म्हणून हा घोटाळा केला आहे. दरम्यान, या आरोपांचा काँग्रेस अध्यक्षांनी पुनरुच्चार केला आहे. तसेच विद्यमान CBI संचालक आलोक वर्मांना राफेल लढाऊ विमानांच्या कराराची चौकशी करायची होती. म्हणून मोदी सरकारने त्यांना अचानक मध्यरात्रीपदावरुन दूर करत सक्तीच्या रजेवर धाडले असे सुद्धा ते म्हणाले. त्यामुळेच मोदी लोकसभेत चर्चेपासून पळ काढाला, असा घणाघात काँग्रेस अध्यक्षांनी केला आहे.

  6 वर्षांपूर्वी
• 

  अभ्यासपूर्वक राफेल प्रकरणाचे सत्य लोकांसमोर आणणार: अण्णा हजारे

  मोदी सरकारने फ्रान्ससोबत केलेल्या राफेल लढाऊ विमानांच्या करारामध्ये घोटाळा झाल्याचा आरोप आधीच विरोधकांनी केला आहे. त्यात काँग्रेस अध्यक्ष राहुल गांधी यांनी याविषयावरून भाजपला काय करू आणि काय नको अशी परिस्थिती करून ठेवली आहे. परंत्तू, आता ज्येष्ठ समाजसेवक अण्णा हजारे सुद्धा सदर विषयात हात घालणार असल्याने मोदी सरकारच्या अडचणी वाढण्याची शक्यता आहे. अण्णा प्रसार माध्यमांना प्रतिक्रिया देताना म्हणाले की, राफेल प्रकरणाचा मी अभ्यास करत असून, याबाबतचे सत्य मी सामान्य जनतेसमोर आणेण अशी घोषणा, अण्णा हजारे यांनी यांनी केली आहे.

  6 वर्षांपूर्वी
• 

  VIDEO: नाशिकरांची २०४१ पर्यंत तहान भागवणार; 'राज' स्वप्नं म्हणजे मुकणे पाणीपुरवठा योजना लवकरच सज्ज

  नाशिकमधील मनसेच्या सत्ताकाळातील अजून एक महत्वपूर्ण योजना पूर्णत्वाच्या दिशेने मार्गक्रमण झाली आहे. नाशिक शहरासाठी महत्वाचा आणि २०४१ पर्यंत नाशिक शहराची तहान भागवेल अशी मुकणे पाणीपुरवठा योजना लवकरच कार्यान्वित होण्याच्या मार्गावर आहे. सत्ताकाळात राज ठाकरे यांनी या योजनेचे जनतेला जाहीर सादरीकरण सुद्धा केलं होतं. आता त्याच महत्वाकांक्षी प्रकल्पाचा पहिला टप्पा जवळपास पूर्ण झाला आहे.

  6 वर्षांपूर्वी
• 

  अच्छे दिन'चं वास्तव; केवळ २०१८ मध्ये १ कोटी लोकांनी नोकऱ्या गमावल्या: CMIE अहवाल

  प्रति वर्षी २ कोटी रोजगार निर्माण करण्याची आश्वासनं देणाऱ्या मोदी सरकारच्या कार्यकाळातील धक्कादायक वास्तव समोर आलं आहे. भारतीय अर्थव्यवस्थेचा अभ्यास करणारी नामांकित संस्था CMIE (सीएमआयई) नं मोदी सरकारच्या कार्यकाळातील बेरोजगारीचे धक्कादायक वास्तव अभ्यासपूर्वक जाहीर केले आहे. त्याप्रमाणे मागील २७ महिन्यामध्ये बेरोजगारीचा दर सर्वाधिक असल्याची आकडेवारी सार्वजनिक झाली आहे.

  6 वर्षांपूर्वी
• 

  VIDEO: कमलेश राय कोणत्या पक्षात? म्हणाले उद्धवजींना घेऊन या, अंधेरी पूर्वेतील काँग्रेस निवडणुकीसाठी सक्षम आहे

  मरोळ अंधेरी पूर्व काँग्रेसचे माजी नगरसेवक कमलेश राय यांनी काही दिवसांपूर्वी काँग्रेसला सोडचिट्टी देत शिवसेनेत प्रवेश केला होता. त्यांच्या पत्नी सुषमा राय या काँग्रेसच्या विद्यमान नगरसेविका आहेत. त्यामुळे काँग्रेस नगरसेविकेच्या निधी आणि प्रयत्नातून मरोळ भवन ते सागबाग रोडचे काँक्रीटीकरण करण्यात येत आहे. दरम्यान, या भूमिपूजनाच्या कामाचे श्रेया लाटण्याचा शिवसेनेच्या स्थानिक नगरसेवकांनी आणि आमदारांनी केविलवाणा प्रयत्न केला खरा, परंतु विद्यमान काँग्रेसच्या नगरसेविका असलेल्या सुषमा राय यांचे पती आणि माजी नगरसेवक कमलेश राय यांनी भाषणादरम्यान अंधेरी पूर्वेतील काँग्रेस किती सक्षम आहे याची जाणीव थेट उद्धव ठाकरेंच्या उपस्थितीत करून देण्याचं भाष्य त्यांनी केलं आहे. त्यामुळे उपस्थित शिवसेनेचे आमदार, नगरसेवक आणि शिवसैनिक पदाधिकारी सुद्धा तोंडघशी पडले आहेत. यावेळी शिवसेनेचे आमदार अनिल परब, आमदार रमेश लटके आणि माजी नगरसेवक प्रमोद सावंत उपस्थित होते.

  6 वर्षांपूर्वी
• 

  CBI प्रकरण: सर्वोच्च न्यायालयाने मोदी सरकारला झापले, आलोक वर्मांना रजेवर पाठवण्याचा आदेश रद्द

  केंद्रीय गुन्हे अन्वेषण विभागातील अर्थात सीबीआय वादावर सर्वोच्च न्यायालयाकडून मोदी सरकाला मोठा धक्का बसला आहे. न्यायालयाने निकाल देताना सीबीआयचे संचालक आलोक कुमार वर्मा यांना सक्तीच्या रजेवर पाठवण्याचा मोदी सरकारकडून तडकाफडकी घेण्यात आलेला आदेश रद्द केला आहे. त्यामुळे मोदी सरकार तोंडघशी पडलं आहे.

  6 वर्षांपूर्वी
• 

  देश निर्माण? मंदिर कार्यक्रमात भाजप नेत्याकडून खाद्यपदार्थांसोबत दारु वाटप, लहान मुलांना सुद्धा

  भारतीय जनता पक्षाच्या नेत्याच्या मुलाने मंदिरामध्ये कार्यक्रमादरम्यान खाद्यपदार्थांच्या पाकिटातून मोठ्या प्रमाणावर दारुच्या बाटल्यांचे वाटप केल्याचा धक्कादायक वृत्त हाती आले आहे. भारतीय जनता पक्षाचे नेते नरेश अग्रवाल यांचा मुलगा नितीन याने सोमवारी पासी समाजासाठी श्रावण देवी या मंदिरामध्ये एका सार्वजनिक कार्यक्रमाचे आयोजन केले होते.

  6 वर्षांपूर्वी
• 

  गुजरात: भाजपच्या माजी आमदाराची गोळ्या झाडून हत्या

  भारतीय जनता पक्षाचे माजी आमदार तसेच गुजरात भाजपचे माजी उपाध्यक्ष जयंतीलाल भानुशाली यांची काही अज्ञात व्यक्तीकडून गोळ्या झाडून हत्या करण्यात आली आहे. दरम्यान, सदर घटना कटारिया-सुरबरी रेल्वे स्थानकादरम्यान सयाची नगरी एक्स्प्रेसमध्ये घडल्याचे वृत्त आहे.

  6 वर्षांपूर्वी
• 

  होय जाणारच अमितच्या लग्नाला, त्यात राजकारण नाही! आदित्य ठाकरे

  महाराष्ट्र नवनिर्माण सेनेचे अध्यक्ष राज ठाकरे यांचे चिरंजीव अमित ठाकरेचं लग्न येत्या २७ जानेवारीला होणार आहे. त्यानिमित्त राज ठाकरे यांनी अमित ठाकरेंच्या लग्नाची पत्रिकाही मातोश्रीवर नेऊन दिली, उद्धव ठाकरेंच्या कुटुंबाला लग्नाचे निमंत्रण दिले. परंतु, पत्रकारांनी आदित्य ठाकरेंना लग्नाला जाणार का असा गमतीने प्रश्न विचारला.

  6 वर्षांपूर्वी
• 

  मोदी सरकार आर्थिक मागास सवर्णांनाही आरक्षण देण्याच्या तयारीत?

  आगामी लोकसभा निवडणुकीच्या आधी मोदी सरकार मतांच्या समीकरणासाठी आर्थिक आरक्षणासंदर्भात महत्वपूर्ण निर्णय घेण्याच्या तयारीत असल्याचे वृत्त आहे. आर्थिकदृष्ट्या मागास सवर्णांच्या आरक्षणात तब्बल १० टक्क्यांनी वाढ करण्याचा निर्णय मोदी सरकारने लोकसभा निवडणुकीच्या अनुषंगाने घेतल्याचे वृत्त आहे. परंतु, सरकारने त्याला अजून अधिकृत दुजोरा दिलेला नाही. जर ते झाल्यास देशभरातील सवर्णांना त्याचा मोठा दिलासा मिळणार आहे.

  6 वर्षांपूर्वी
• 

  प्रियंका गांधी लोकसभेच्या आखाड्यात उतरण्याची शक्यता?

  काही दिवसांपूर्वी ५ राज्यांमध्ये झालेल्या विधानसभा निवडणुका आणि त्यात मध्य प्रदेश, राजस्थान व छत्तीसगडसारख्या हिंदी भाषिक आणि मोठ्या राज्यांमध्ये काँग्रेसला मिळवलेल यश आता द्विगुणित करण्याची रणनीती आखली जात आहे.

  6 वर्षांपूर्वी
• 

  मनसेचे नाव पुढे करून आयोजकांवर नागपूरहून दबाव आला का? असीम सरोदे

  अखिल भारतीय मराठी साहित्य संमेलनाच्या नियोजित उद्घाटक साहित्य अकादमी पुरस्कारविजेत्या लेखिका नयनतारा सहगल यांचे निमंत्रण रद्द करण्याच्या निर्णयावरुन मोठा राजकीय वाद निर्माण झाला आहे. मनसेच्या स्थानिक शाखेने इंग्रजी लेखिका असल्याच्या कारणावरून सहगल यांना विरोध केल्याने त्यांचे निमंत्रण रद्द केले असे आयोजक कारणं देते आहे.

  6 वर्षांपूर्वी
• 

  आमदारकीचा कार्यकाळ संपल्याने आरोग्यमंत्री डॉ. दीपक सावंत यांचा राजीनामा

  शिवसेना नेते व आरोग्यमंत्री डॉ. दीपक सावंत यांनी मुख्यमंत्र्यांकडे त्यांच्या मंत्रीपदाचा राजीनामा सुपूर्द केला आहे. शिवसेनेच्या दीपक सावंत यांचा मंत्रीपदाचा म्हणजे विधानपरिषद आमदारकीचा कालावधी आज संपणार आहे. दरम्यान, मी पक्षावर नाराज नाही, परंतु शिवसेनेत मला एखादी नवीन जबाबदारी दिली जाईल अशी आशा आहे, असं त्यांनी प्रसार माध्यमांकडे मत व्यक्त केले आहे.

  6 वर्षांपूर्वी
• 

  नयनतारा सहगल यांना आमचा विरोध नाही, त्यांनी जरूर यावं : राज ठाकरे

  प्रख्यात इंग्रजी लेखिका नयनतारा सहगल यांना पाठवण्यात आलेले मराठी साहित्य संमेलनाच्या उदघाटनाचे निमंत्रण आयोजकांनी रद्द केले आहे. त्यानंतर बरेच वादळ निर्माण झाले होते. साहित्यावर नितांत प्रेम करणारे राज ठाकरे यांच्या पक्षाकडून तशी मागणी झाल्याच्या बातम्या पुढे आल्याने अनेकांनी आश्चर्य व्यक्त केलं होतं. परंतु, त्याबरोबर अनेकांनी वेगळीच शंका सुद्धा व्यक्त केली होती आणि ती म्हणजे मनसेच्या नावाने दुसरंच कोणी तरी हे करत आहे का, असा प्रश्न सुद्धा उपस्थित केला होता.

  6 वर्षांपूर्वी
• 

  ना खाऊंगा ना खाने दूंगा? योगी सरकारमधील ३ मंत्र्यांच्या स्वीय सहायकांना लाच प्रकरणी अटक

  यूपीचे मुख्यमंत्री योगी आदित्यनाथ यांच्या सरकारमधील ३ विद्यमान मंत्री निवडणुकीच्या तोंडावर राजकीय अडचणीत सापडण्याची शक्यता आहे. कारण, एका खासगी टीवी वृत्तवाहिनीच्या स्टिंग ऑपरेशननंतर ३ मंत्र्यांच्या स्वीय सहायकांना अटक करण्यात आली आहे.

  6 वर्षांपूर्वी
• 

  VIDEO: दिव्यांग महिलेची टिंगल करणाऱ्या सुरक्षा रक्षकाला महाराष्ट्र सैनिकाच्या मदतीने अद्दल घडवली

  दिवा येथे वास्तव्यास असणाऱ्या नूतन शेलार या दिव्यांग महिला असून, त्या काही कामानिमित्त घाटकोपर मार्गे अंधेरी येथे आल्या होत्या. त्यांच्या सोबत कुटुंबातील इतर सदस्य सुद्धा उपस्थित होते. दरम्यान, अंधेरी येथे मेट्रोने उतरताच त्या वॉशरूमच्या दिशेने जात असताना तिथल्या सुरक्षा रक्षकाने त्यांच्या चालण्याची टिंगल टवाळी करण्यास सुरुवात केली.

  6 वर्षांपूर्वी
• 

  ‘हे तर दहशतवादीच’; स्वरा भास्करची आरएसएस'वर टीका

  शबरीमला मंदिरातील महिलांच्या प्रवेशावरून केरळमध्ये कायदा सुव्यवस्थेवरून तणावाची परिस्थिती आहे. दरम्यान, महिलांनी मंदिरात प्रवेश केल्याचा विरोध दर्शवण्यासाठी मोठ्या प्रमाणात हिंसक निदर्शने-आंदोलने केली जात आहेत. या आंदोलनांना सर्वात मोठं हिंसक वळण मिळाले ते केरळमधल्या नेडुमांगडू पोलीस ठाण्यावर ४ गावठी बॉम्ब फेकण्यात आले. धक्कादायक म्हणजे संबंधित पोलिस ठाण्यावर गावठी बॉम्ब फेकणारे संशयित हे आरएसएसशी संबंधित असल्याचे वृत्त प्रसार माध्यमांनी दिले आहे.

  6 वर्षांपूर्वी