महत्वाच्या बातम्या

• 

  उत्तर प्रदेश | निवडणुकीत योगी नव्हे तर अखिलेश यांची हवा | बसपाचे ९ आमदार भेटीला

  उत्तर प्रदेशमध्ये सध्या राजकीय घडामोडींना वेग आल्याचे दिसत आहे. बहुजन समाज पार्टीच्या ९ बंडखोर आमदारांनी आज समाजवादी पार्टीचे प्रमुख अखिलेश यादव यांची भेट घेतली आहे. यामुळे राज्यातील राजकीय वातावरण चांगलंच तापल्याचं दिसत आहे. बसपाचे हे सर्व आमदार आज सकाळी ११ वाजता थेट लखनऊ येथील समाजवादी पार्टीच्या मुख्यालयात पोहचले आणि त्यांनी अखिलेश यादव यांच्याशी प्रदीर्घ चर्चा केली.

  4 वर्षांपूर्वी
• 

  सगळ्या लोकप्रतिनिधींना अडवून गाडा बोलणारे पण लोकप्रतिनिधीच आहेत - अजित पवार

  मराठा आरक्षणासाठी काल (१४ जून) छत्रपती संभाजीराजे यांनी उदयनराजेंची पुण्यात भेट घेतली होती. यावेळी दोघांमध्ये मराठा आऱक्षणाच्या मुद्यावर सविस्तर चर्चा झाली. बैठकीनंतर प्रसारमाध्यमांशी संवाद साधताना उदयनराजेंनी संभाजीराजेंच्या भूमिकेला आपला पाठिंबा असल्याचं सांगितलं. तसंच संभाजीराजे यांनी अनेक मुद्द्यांवर एकमत झाल्याचं सांगितलं.

  4 वर्षांपूर्वी
• 

  12 आमदारांची यादी 7 महिन्यांपासून राज्यपालांकडेच | आता मुंबई हायकोर्टातही याचिका

  महाविकास आघाडी सरकारने शिफारस केलेल्या राज्यपाल नियुक्त 12 आमदारांचा प्रश्न पुन्हा एकदा ऐरणीवर आला आहे. एकीकडे माहिती अधिकार कार्यकर्ते अनिल गलगली यांच्या अपिलावर आज सुनावणी झाली. त्यावेळी ही नावांची यादी राज्यपालांकडे सुरक्षित असल्याचं त्यांना कळवण्यात आलं.

  4 वर्षांपूर्वी
• 

  कोल्हापूर | उद्याच्या मूक आंदोलनापूर्वी संभाजीराजेंचं महत्वाचं आवाहन

  खासदार संभाजीराजे छत्रपती यांनी मराठा आरक्षणासाठी आंदोलनाची हाक दिली आहे. 6 जूनला रायगडवरील शिवराज्याभिषेक सोहळा संपन्न झाल्यावर संभाजीराजेंनी मराठा आरक्षणावर आपली भूमिका मांडली. येत्या 16 जूनपासून म्हणजेच उद्यापासून कोल्हापुरातील राजर्षी शाहू महाराजांच्या समाधीपासून मराठा आरक्षण आंदोलनाला सुरुवात होईल असं संभाजीराजे म्हणाले होते. या आंदोलनाला उद्यापासून कोल्हापुरातून सुरुवात होणार आहे. शाहू समाधी स्थळी हे आंदोलन केले जाणार आहे. या आंदोलनाच्या तयारी पाहण्यासाठी संभाजीराजे आंदोलन स्थळी दाखल झाले होते. त्यावेळी त्यांनी उद्याच्या मूक आंदोलनात सहभागी होणाऱ्यांसोबत संवाद साधला आहे. तसेच आंदोलनाच्या पार्श्वभूमीवर अनेक गोष्टींचा आढावाही घेतला.

  4 वर्षांपूर्वी
• 

  केवळ नावाने 'अवजड' असणारं खातं मिळण्याची शक्यता | विस्ताराच्या नावाने राज्यात राजकारणाच्या उद्योगासाठी वापर?

  मोदी सरकारचा मंत्रिमंडळ विस्तार याच आठवड्यात होईल असं सांगितलं जातं आहे आणि त्यातच महाराष्ट्रातून एखाद दोन खासदारांना मंत्रिपदाची लॉटरी लागेल अशी चर्चा आहे. अजूनही अधिकृतपणे यावर कुणी काही बोलायला तयार नाही. पण ज्या दोन नेत्यांचं नाव चर्चेत आहे, त्यातले एक आहेत नारायण राणे आणि दुसऱ्या आहे बीडच्या खासदार प्रीतम मुंडे.

  4 वर्षांपूर्वी
• 

  भाजपचे प्रतिमा सुधारण्यासाठी प्रयत्न सुरु | आरएसएस'च्या मार्गदर्शनाखाली 'सेवा हीच संघटना' अभियान

  कोरोनाच्या दुसऱ्या लाटेत केंद्र सरकारसह भारतीय जनता पक्षाची सत्ता असलेल्या राज्यांना मोठ्या टीकेचा सामना करावा लागत आहे. आता या खराब झालेल्या इमेजला सुधारण्यासाठी भारतीय जनता पक्षाने आरएसएस’च्या मार्गावर चालण्याचा निर्णय घेतला आहे. या अंतर्ग भारतीय जनता पक्षाने ‘सेवा हीच संघटना’ नावाचे अभियान सुरू केले आहे. पक्षाध्यक्ष जेपी नड्डांनी या अभियानाच्या दुसऱ्या टप्प्यात कार्यकर्त्यांना लसीकरण प्रोग्राममध्ये भाग घेण्यास सांगितले आहे.

  4 वर्षांपूर्वी
• 

  एकनाथ शिंदेंविषयी आक्षेपार्ह फेसबुक पोस्ट | मराठी कलाकार मयुरेश कोटकरला अटक

  शिवसेना नेते आणि कॅबिनेट मंत्री एकनाथ शिंदे यांच्याविरुद्ध समाज माध्यमांवर आक्षेपार्ह पोस्ट केल्याप्रकरणी मराठी कलाकाराला अटक करण्यात आली आहे. मराठी कलाकार मयुरेश कोटकर यांना ठाण्यातील श्रीनगर पोलिसांनी अटक केली. कोटकर यांना आता कोर्ट कोठडी सुनावण्यात आलेली आहे. मयुरेश कोटकर यांनी अनेक मालिकांमध्ये काम केले आहे.

  4 वर्षांपूर्वी
• 

  प. बंगाल भाजपमध्ये मोठी फूट | 74 पैकी 51 भाजप आमदारच राजभवनात

  प. बंगालमधील निवडणुकीनंतर भारतीय जनता पक्षामध्ये मोठी फूट पडल्याच्या बातम्या समोर येत आहेत. पश्चिम बंगाल विधानसभेतील विरोधीपक्ष नेते सुवेंदू अधिकारी यांनी सोमवारी राज्यपाल जगदीप धनखड यांची भेट घेतली. यावेळी त्याच्या सोबत 74 पैकी केवळ 51 भारतीय जनता पक्षाचे आमदारच राजभवनात जाऊ शकले. या संपूर्ण घटनेने पश्चिम बंगाल भारतीय जनता पक्षामध्ये बंडखोरीचे संकेत मिळत आहेत.

  4 वर्षांपूर्वी
• 

  भाजप अध्यात्मिक आघाडीच्या नेत्याच्या इशाऱ्यासंबंधित प्रश्न | अजितदादा म्हणाले, कोण तुषार भोसले?

  राज्याचे उपमुख्यमंत्री अजितदादा आज पुण्यात आले होते. यावेळी त्यांनी पत्रकार परिषद घेऊन पत्रकारांच्या सर्व प्रश्नांची उत्तरे दिली. यावेळी तुषार भोसले यांनी वारीबाबत राज्य सरकारला इशारा दिल्याचं त्यांच्या निदर्शनास आणून दिलं. त्यावेळी कोण आहेत तुषार भोसले? असा सवाल पवारांनी केला. त्यावर ते भारतीय जनता पक्षाच्या आध्यात्मिक आघाडीचे प्रमुख असल्याचं सांगण्यात आलं.

  4 वर्षांपूर्वी
• 

  केंद्राने ओबीसींचा इम्पेरीयल डेटा सुप्रीम कोर्टात न दिल्याने राजकीय आरक्षण रद्द | फडणवीसांनी केंद्राकडून तो डेटा आणावा

  सुप्रीम कोर्टाने राज्यातील ओबीसींचं स्थानिक स्वराज्य संस्थेमधील आरक्षण रद्द केलं होतं. या निर्णयाचा पुनर्विचार करण्यासाठी महाराष्ट्र सरकारने दाखल केलेली याचिकाही न्यायालयाने फेटाळून लावली आहे. ओबीसी आरक्षणाच्या याच मुद्द्यावर शिवसेनेनं आक्रमक भूमिका घेतली आहे. केंद्र सरकारमुळेच ओबीसी आरक्षण रद्द झालं, अशी टीका शिवसेनेचे प्रवक्ते किशोर कन्हेरे यांनी केली आहे.

  4 वर्षांपूर्वी
• 

  उद्धव ठाकरेचं ५ वर्ष मुख्यमंत्री असतील | नाना पटोलेंचं स्पष्टीकरण

  महाविकास आघाडी सरकारमध्ये मुख्यमंत्रिपदावरून पडद्याआड सुरू असलेली चर्चा आता समोर येत आहे. उद्धव ठाकरे हेच पाच वर्ष मुख्यमंत्री राहतील जर राष्ट्रवादीने मुख्यमंत्रिपदाची भूमिका घेतली तर काँग्रेस योग्य भूमिका घेईल, असं महत्त्वाची विधान काँग्रेसचे प्रदेशाध्यक्ष नाना पटोले यांनी केलं आहे. मुख्यमंत्रिपद शिवसेनेकडेच पाच वर्ष राहणार असं शिवसेनेचे खासदार संजय राऊत यांनी स्पष्ट केल्यानंतर वेगवेगळ्या चर्चांना उधाण आले होते. मुंबईत पत्रकारांशी बोलत असताना काँग्रेसचे प्रदेशाध्यक्ष नाना पटोले यांनी शिवसेनेच्या भूमिकेचं समर्थनं केलं आहे.

  4 वर्षांपूर्वी
• 

  मराठा आरक्षण | राज्याने अधिवेशन बोलावून कायदा करावा | केंद्रात काय करायचं ते मी बघतो - उदयनराजे

  मराठा आरक्षणाचा प्रश्न सोडवण्यासाठी विशेष अधिवेशन बोलावून श्वेतपत्रिका काढली पाहिजे. तेव्हा कोणी कोणाला फूस लावली हे लोकांना स्पष्टपणे समजेल. आधी राज्याने मराठा आरक्षणासाठी अधिवेशन बोलवावे आणि कायदा करावा. त्यानंतर केंद्रात काय करायचं ते मी बघतो. संभाजीराजे यावर थेटपणे बोलणार नाहीत. ते जंटलमन आहेत. पण मराठा आरक्षणासाठी कुणाला कुठं गाठायचं हे मी बघतो, असे उदयनराजे भोसले यांनी म्हटले.

  4 वर्षांपूर्वी
• 

  गुजरात विधानसभा २०२२ | ‘आप’च्या पक्षविस्तारासाठी मुख्यमंत्री केजरीवाल गुजरातमध्ये

  मागील आठवड्यात राजनीतीकार प्रशांत किशोर यांनी राष्ट्रवादीचे सर्वेसर्वा शरद पवार यांची भेट घेतली होती. त्यामुळे देशात तिसरी आघाडी निर्माण होण्याच्या हालचाली सुरू होणार असल्याचं सांगितलं जात होतं. परंतु, त्याच वेळी आम आदमी पार्टीने आगामी गुजरात विधानसभा निवडणूक स्वबळावर लढण्याचा निर्णय जाहीर केला आहे. त्यामुळे तिसऱ्या आघाडीच्या प्रयत्नांना पहिला धक्का बसला असल्याची राजकीय वर्तुळात चर्चा रंगली आहे.

  4 वर्षांपूर्वी
• 

  चंद्रकांतदादा म्हणजे विनाशकाले विपरीत बुद्धी | उपमुख्यमंत्र्यांनी सुनावलं

  राज्याच्या जीएसटीची थकलेली रक्कम उपमुख्यमंत्री अजित पवार यांनी थेट पंतप्रधान नरेंद्र मोदींकडे मागितली. मराठा आरक्षणाच्या प्रश्नावरुन मुख्यमंत्री उद्धव ठाकरे, उपमुख्यमंत्री अजित पवार आणि मंत्री अशोक चव्हाण पंतप्रधान नरेंद्री मोदी यांच्या भेटीसाठी दिल्लीला गेले होते. यावेळी अजित पवारांनी जीएसटीची थकलेली रक्कम २४ हजार ३०६ कोटी द्यावेत अशी मागणी केली होती. याच जीएसटीच्या रकमेच्या मुद्द्यावरून उपमुख्यमंत्री अजित पवार यांनी भाजपचे प्रदेशाध्यक्ष चंद्रकांत पाटील यांच्यावर निशाणा साधला आहे.

  4 वर्षांपूर्वी
• 

  कोविड काळात गर्दी होईल म्हणून ते थांबले होते | पण राज ठाकरेंचे झंझावाती दौरे सुरु होतील - बाळ नांदगावकर

  महाराष्ट्र नवनिर्माण सेनेचे अध्यक्ष राज ठाकरे यांच्या वाढदिवसानिमित्त महाराष्ट्र नवनिर्माण सेनेच्या नेत्यांनी समाजोपयोगी उपक्रम हाती घेतले आहेत. महाराष्ट्र नवनिर्माण सेनेचे नेते बाळा नांदगावकर यांच्या हस्ते मुंबईतील लसीकरण उपक्रमाचं उद्घाटन करण्यात आले. यावेळी बाळा नांदगावकर यांनी मनसे आणि राज ठाकरे यांची पुढील रणनीती सांगितली. आगामी महापालिकांसाठी महाराष्ट्र नवनिर्माण सेनेची प्रचंड तयारी झाली आहे.

  4 वर्षांपूर्वी
• 

  ठरलं | उदयनराजे आणि संभाजीराजे आज पुण्यात भेटणार

  मराठा आरक्षणावरुन राज्यात वातावरण चांगलेच तापले आहे. मराठा आरक्षणाच्या पार्श्वभूमीवर येत्या 16 जूनला कोल्हापुरातून मोर्चा काढण्यात येणार आहे. तत्पूर्वी, मराठा आरक्षणाच्या पार्श्वभूमीवर महत्वाची मानली जाणारी खासदार संभाजीराजे छत्रपती आणि खासदार उदयनराजे भोसले यांच्या भेटीची वेळ अखेर ठरली आहे. आज पुण्यात दुपारी एक वाजता संभाजीराजे आणि उदयनराजे भोसले भेटणार आहेत.

  4 वर्षांपूर्वी
• 

  राम मंदिर ट्रस्टच्या घोटाळ्यामुळे हिंदुंच्या श्रद्धेला ठेच पोहोचली | सरसंघचालकांनी स्पष्टीकरण द्यावं - संजय राऊत

  अयोध्येत राममंदिराची उभारणी करत असलेल्या श्रीराम जन्मभूमी तीर्थक्षेत्राने जमीन खरेदीत कोट्यवधींचा घोटाळा केल्याचा आरोप ‘आप’ नेते संजय सिंह आणि सपाचे नेते पवन पांडेय यांनी केला आहे. पाच मिनिटांपूर्वी जी जमीन दोन कोटीत विकली गेली तीच जमीन ट्रस्टने १८.५ कोटी रुपयांत खरेदी केली, असा आरोप करण्यात आला आहे.

  4 वर्षांपूर्वी
• 

  दिग्विजय सिंह यांचं भाजपला प्रतिउत्तर | पाकिस्तान हा भाऊ असल्याचे RSS'चे ते जुने विधान केले शेअर

  काँग्रेसचे ज्येष्ठ नेते आणि राज्यसभा खासदार दिग्विजय सिंह हे क्लब चॅटवरील ऑडियो संभाषणामुळे भारतीय जनता पक्षाच्या निशाण्यावर आले होते. त्यांनी या ऑडियो संभाषणात काँग्रेस सरकार सत्तेत आल्यावर कलम 370 परत लागू करणार असल्याचे म्हटले होते. यावरुन भारतीय जनता पक्षाने त्यांच्यावर चांगलीच टिकेची झोड उठवली होती. दरम्यान, त्यांनी समाज माध्यमांवर आरएसएसचे 6 वर्ष जूने एक विधान शेअर करत भारतीय जनता पक्षावर पलटवार केला आहे.

  4 वर्षांपूर्वी
• 

  BREAKING | कोल्हापुरात उपमुख्यमंत्री आणि श्रीमंत शाहू छत्रपतींची भेट, मालोजीराजेही उपस्थित

  कोरोना परिस्थितीचा आढावा घेण्यासाठी राज्याचे उपमुख्यमंत्री अजित पवार कोल्हापूरच्या दौऱ्यावर आले आहेत. आज(दि.14)त्यांनी श्रीमंत शाहू छत्रपती यांची भेट घेतली आहे. कोल्हापूरातील न्यू पॅलेस येथे ही भेट होत आहे. या भेटीवेळी संभाजीराजे छत्रपती यांचे बंधू आणि माजी आमदार मालोजीराजे हेदेखील उपस्थित आहेत. या भेटीत नेमकं काय घडणार, याची उत्सुकता सर्वांना लागली आहे.

  4 वर्षांपूर्वी
• 

  इस्रायलमध्ये महाविकास आघाडी फॉर्मुला | नेतान्याहू पायउतार | 8 पक्षांच्या मदतीने नफ्ताली बेनेट नवे पंतप्रधान

  इस्रायलमध्ये नवीन सरकार स्थापन झाले असून बेनेट नफ्ताली यांनी पंतप्रधान पदाची धुरा सांभाळली आहे. विशेष म्हणजे हे सरकार आठ पक्षाच्या युतीने तयार झाले आहे. यामध्ये सरकारकडे 60 खासदार तर विरोधी पक्षाकडे 59 खासदार आहे. त्यामुळे हे सरकार कितीकाळ टिकेल याबद्दल शंका उपस्थित केले जात आहे. कारण युतीमध्ये काही मतभेद झाले तर फटका बेनेट यांना बसणार आहे. बेनेट धर्मांध असून ते पॅलेस्टाईन राज्य विचारधारेला स्विकारत नाही. या सरकारचे वैशिष्टे म्हणजे या युतीमध्ये पहिल्यांदा अरब-मुस्लिम पक्षाचा (राम) समावेश आहे. तर दुसरीकडे माजी पंतप्रधान बेंजामिन नेतान्याहू यांचा पंतप्रधान पदाचा 12 वर्षाचा कार्यकाळ संपलेला आहे.

  4 वर्षांपूर्वी