रशिया : फिफा वर्ल्डकप २०१८ च्या अंतिम सामन्यात पूर्वार्धातच फ्रान्स आणि क्रोएशियाकडून तुंबळ अॅक्शन पाहायला मिळाली. सामान्यांच्या १८व्या मिनिटाला फ्रान्सच्या टीमला मिळालेल्या फ्री-किकचा बचाव करताना क्रोएशियाच्या मॅन्झुकिचने आत्मघातकी ओन गोल केला आणि फ्रान्सला एका गोलाने आघाडी मिळाली.

परंतु आक्रमक क्रोएशियाच्या पेरिसिचने निव्वळ २८व्या मिनिटाला गोल डागत संघाला बरोबरीत आणलं. मग ३८व्या मिनिटाला फ्रान्सला पेनल्टी किकची संधी मिळताच ग्रीझमनने थेट गोल केला आणि फ्रान्स’ला २-१ अशी आघाडी मिळवून दिली. अखेर मध्यंतरापर्यंत फ्रान्सने २-१ अशी आघाडी कायम राखली होती. परंतु पुन्हा सामना सुरु होताच फ्रान्स’च्या अनुभवी पोगबाने गोल डागत फ्रान्सला ३-१ भक्कम आघाडीत ठेवले.

त्यानंतर लगेचच ६५व्या मिनिटाला एमबापेने गोल डागत फ्रान्सला ४-२ या भक्कम आघाडीवर ठेवले. त्यानंतर लगेचच क्रोएशियाच्या मॅन्झुकिच याने ६९व्या मिनिटाला गोल डागत क्रोएशियाला थोडा दिलासा दिला. त्यानंतर मात्र फ्रान्सने सामना संपेपर्यंत क्रोएशियाला डोक वर करण्याची संधी दिली नाही. शेवटी रेफरीची शिट्टी वाजली आणि फ्रान्स ठरला फिफा फुटबॉल २०१८चा विश्वविजेता.

France football team is the winner of FIFA Football World Cup Champion 2018