म्युच्युअल फंड कंपन्यांनी ६ बाँड योजना बंद करण्याची घोषणा करताच RBI धावली

मुंबई, २७ एप्रिल: रोकड टंचाईचा सामना करणाऱ्या फ्रँकलिन टेम्पल्टन म्युच्युअल फंडाने सहा गुंतवणूक योजना तडकाफडकी बंद करण्याचा निर्णय घेतल्याने हा उद्योग संकटात सापडला आहे. कंपन्यांची आर्थिक चणचण दूर करण्यासाठी रिझर्व्ह बँकेने या उद्योगाला ५० हजार कोटींची रोकड तरतला उपलब्ध केली आहे.

भारतीय रिझर्व्ह बँकेने (आरबीआय) म्युच्युअल फंड कंपन्यांना ५० हजार कोटी रुपयांची विशेष नकदी सुविधा उपलब्ध करण्याची घोषणा केली आहे. आरबीआयने ही घोषणा फ्रँकलिन टेम्प्लटन म्युच्युअल फंड कंपनीने आपल्या सहा बाँड योजना बंद करण्याची घोषणा केल्यानंतर काही दिवसातच केली आहे. उल्लेखनीय म्हणजे, कोरोना विषाणूमुळे भांडवल बाजारात चढ-उतार होत आहे. पण त्यामुळे म्युच्युअल फंड कंपन्याच्या रोकड स्थितीवर दबाव आहे.

RBI Announces ₹ 50,000 crore Special Liquidity Facility for Mutual Funds (SLF-MF)https://t.co/Kq15TPFulr

— ReserveBankOfIndia (@RBI) April 27, 2020

मागील तीन महिन्यांपासून लाखो नागरिकांचेही जीव घेणाऱ्या करोनाची झळ आता म्युच्युअल फंड उद्योगपर्यंत बसू लागली आहे. आर्थिक मंदीच्या धास्तीने गुंतवणूकदारांनी म्युच्युअल फंडांच्या योजनांमधून पैसे काढून घेण्याचा सपाटा लावला आहे. परिणामी फंडांचे व्यवस्थापन करणाऱ्या कंपन्या संकटात सापडल्या आहेत. गेल्याच आठवड्यात फ्रँकलिन टेम्पल्टन म्युच्युअल फंडाने ४.१ अब्ज डॉलर (जवळपास ३० हजार कोटी ) डेट म्युच्युअल फंडाचा व्यवसाय बंद करण्याचा निर्णय घेतला.

आरबीआयने आपल्या निवेदनात म्हटले की, वाढत्या दबावामुळे म्युच्यअल फंड कंपन्यांना काही बाँड योजना बंद कराव्या लागल्या आहेत. त्यामुळे यावर आणखी नुकसानदायक प्रभाव पडू शकतो. परंतु, हा दबाव मुख्यरित्या जास्तीच्या जोखीमवाल्या बाँड म्युच्युअल फंडपर्यंतच मर्यादित आहे. तर इतर कंपन्या/ योजनांची रोकड स्थिती सामान्य आहे.

News English Summary: The Reserve Bank of India (RBI) has announced a special cash facility of Rs 50,000 crore for mutual fund companies. The RBI’s announcement comes just days after Franklin Templeton Mutual Fund Company announced the closure of its six-bond scheme. Remarkably, the corona virus is causing fluctuations in the capital market. But it also puts pressure on the mutual fund company’s cash position.

News English Title: Story Reserve Bank of India announces Rs 50000 crore special liquidity facility for mutual funds News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.