आ. नितेश राणे यांच्यामुळे मुंबई पालिकेचं वास्तव समोर; रुग्णांच्या शेजारी मृतदेह

मुंबई, ७ मे: सायन रुग्णालयात मृतदेहांशेजारीच रुग्णांवर उपचार सुरू असल्याचा धक्कादायक व्हिडीओ समोर आला आहे. रुग्णालयातील एका वॉर्डमध्ये काही मृतदेह ठेवण्यात आले होते. त्यांच्या शेजारीच रुग्णावर उपचार सुरू असल्याचा व्हिडीओ व्हायरल झाल्यानं एकच खळबळ उडाली आहे.

नितेश राणेंनी (MLA Nitesh Rane) ट्विट केलेला व्हिडीओ सोशल मीडियावर व्हायरल झाला आहे. हा व्हिडीओ कोविड-१९ वॉर्डमधला असल्याचा दावा करण्यात येत आहे. या व्हिडीओमध्ये चार मृतदेह दिसत असून त्याशेजारीच रुग्णांवर उपचार सुरू आहेत. हे मृतदेह काळ्या रंगाच्या प्लास्टिक बॅगमध्ये बांधण्यात आले आहेत. काही मृतदेहांवर कापड आणि ब्लँकेटदेखील टाकण्यात आलं आहे. व्हिडीओमध्ये काही डॉक्टर्स पीपीई किट परिधान करुन उपचार करत असल्याचं दिसत आहेत. धक्कादायक बाब म्हणजे वॉर्डमध्ये चार मृतदेह असूनही वैद्यकीय कर्मचारी अतिशय सहजपणे आसपास वावरत आहेत.

In Sion hospital..patients r sleeping next to dead bodies!!!
This is the extreme..what kind of administration is this!
Very very shameful!! @mybmc pic.twitter.com/NZmuiUMfSW

— nitesh rane (@NiteshNRane) May 6, 2020

दरम्यान, मुंबईच्या सायन रुग्णालयात मृतदेहांशेजारीच कोरोना रुग्णांवर उपचार सुरु असल्याचा व्हीडिओ कालपासून सोशल मीडियावर व्हायरल होत आहे. यासंदर्भात माजी खासदार किरीट सोमय्या यांनी भारतीय वैद्यक संशोधन परिषदेकडे (ICMR) तक्रार केली आहे. आमदार नितेश राणे (MLA Nitesh Rane) यांनी बुधवारी हा व्हीडिओ ट्विट केला होता.

“काल रात्रीपासून सायन रुग्णालयाकडून हा व्हिडीओ बनावट असल्याचं सांगण्यात येत होतं. परंतु आता त्यांनी यावर धक्कादायक उत्तर दिलं आहे. पालिका प्रशासनावर आणि आरोग्य विभागावर आता विश्वास राहिला नाही. जर परिस्थिती हाताळणं जमत नसेल तर पालिका आयुक्तांनी राजीनामा द्यावा,” असंही राणे यांनी नमूद केलं आहे.

News English Summary: A shocking video has surfaced of patients being treated at Sion Hospital next to the bodies. Some of the bodies were kept in a ward of the hospital. The video of a patient next to him undergoing treatment has gone viral.

News English Title: Story Bjp Leader Nitesh Rane Shares Video Sion Hospital Mumbai Doctors Treating Patients Near Bodies News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.