राज्य सरकारकडे डॉक्टर-नर्सेसची कमतरता; मदतीसाठी केरळ सरकारला पत्र

मुंबई, २५ मे : राज्यातील करोनाग्रस्त रुग्णांच्या संख्येत रविवारी ३ हजार रुग्णांची भर पडली. दिवसभरात ३०४१ जणांना करोनाची लागण झाल्याचं निष्पन्न झालं. त्यामुळे राज्यातील एकूण रुग्णांची संख्या ५०,२३१ इतकी झाली आहे. यात सध्या उपचार घेत असलेल्या रुग्णांची संख्या ३३,९८८ इतकी आहे. राज्याचे आरोग्यमंत्री राजेश टोपे यांनी ही माहिती दिली.

राज्यातील काही भागात करोनाची परिस्थिती अजूनही नियंत्रणात आलेली नसल्याचं चित्र आहे. राज्यातील एकूण रुग्णांची संख्या आणि रुग्णालयातून सुटी देण्यात आलेल्या रुग्णांविषयीची माहिती दररोज राज्याचे आरोग्यमंत्री राजेश टोपे ट्विटरवरून देतात. रविवारी दिवसभरात आकडेवारीत झालेल्या बदलाची माहिती आरोग्यमंत्र्यांनी ट्विट करुन दिली.

राज्यातील कोरोना परिस्थिती हाताळण्यासाठी केरळ सरकारकडे वैदकीय मदत मागितली आहे. राज्य सरकारने केरळकडे १५० डॉक्टर आणि परिचारिका पुरवण्याची मागणी केली आहे. वैद्यकीय शिक्षण विभागाकडून या संदर्भात पत्र पाठवण्यात आलं आहे. या पत्राला सकारात्मक प्रतिसाद देत केरळ सरकारने वैद्यकीय मदत पुरवण्याची तयारी दर्शवली आहे.

मुंबईत नव्याने तयार करण्यात येत असलेल्या तात्पुरत्या हॉस्पिटलची जबाबदारी केरळचे डॉक्टर आणि परिचारिका सांभाळणार आहेत. महालक्ष्मी रेसकोर्सवरील केंद्राची जबाबदारी केरळकडे सोपवण्यात येणार आहे. रेसकोर्सवर ६०० खाटांचे विशेष कोव्हिड हॉस्पिटल तयार होत आहे. तिथे तब्बल १२५ खाटांचा ICU वॉर्ड असणार आहे. केरळहून येणाऱ्या एमडी अथवा एमएस डॉक्टरांना २ लाख, एमबीबीएस डॉक्टरांना ८० हजार आणि परिचारिकांना ३० हजार रुपये मासिक वेतन दिले जाणार असल्याची माहिती मिळाली आहे.

News English Summary: Corona has sought medical help from the Kerala government to handle the situation in the state. The state government has demanded the supply of 150 doctors and nurses to Kerala. A letter has been sent by the medical education department in this regard.

News English Title: Kerala help to Maharashtra govt to handle corona situation News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.