VIDEO | पुलवामा हल्ला पाकिस्तान सरकारचे यश | घर मे घूस के मारा | पाकिस्तानची माहिती

इस्लामाबाद, २९ ऑक्टोबर: पुलवामा येथे झालेला दहशतवादी हल्ला इम्रान खान सरकारचे सर्वात मोठे यश असल्याचा स्वीकार पाकिस्तान सरकारमधील मंत्र्याने केला. पुलवामा हल्ल्याची जबाबदारी स्वीकारल्यामुळे पाकिस्तानचा दहशतवादविरोधी बुरखा पुन्हा एकदा फाटला आहे. इम्रान खान सरकारमध्ये मंत्री असलेले फवाद चौधरी यांनी याबाबत भाष्य करताना, ‘पुलवामा हल्ला पाकिस्तान सरकारचे यश असून याचे श्रेय पंतप्रधान इम्रान खान यांना द्यायला हवे’ असं वक्तव्य केलं.

पुलवामा हल्ल्यानंतर भारताने या हल्ल्यामागे पाकिस्तानचा हात असल्याचा आरोप केला होता. भारतातर्फे याबाबतचे अनेक पुरावे सादर करण्यात आले होते. मात्र पाकिस्तानने इतर दहशतवादी हल्ल्यांप्रमाणेच या हल्ल्यावेळीही पाकिस्तानचा याशी काहीही संबंध नसल्याचं म्हंटलं होत. मात्र फवाद चौधरींच्या वक्तव्यामुळे आता हा हल्ला पाकिस्ताननेच घडवून आणल्याचं स्पष्ट झालंय.

VIDEO | पुलवामा हल्ला पाकिस्तान सरकारचे यश | त्याचे श्रेय इम्रान खान यांना – पाकिस्तान सरकार pic.twitter.com/dVa1I4qnsq

— महाराष्ट्रनामा न्यूज (@MahaNewsConnect) October 29, 2020

दरम्यान, भारतीय वायुसेनेचे पायलट अभिनंदन यांना सोडलं नसतं तर भारताने हल्ला केला असता असं पाकिस्तानच्या एका खासदाराने आजच म्हटलं होतं. मात्र पाकिस्तान हल्ल्यासाठी तयार होता असंही आता फवाद चौधरी यांनी म्हटलं आहे. पाकिस्तानने कायमच आमचा देश हे दहशतवाद्यांचं नंदनवन नाही असं म्हटलं आहे. मात्र आज पाकिस्तानच्या मंत्र्यांनेच पाकिस्तानचा खरा चेहरा जगासमोर आणला आहे. पाकिस्तानच्या संसदेत बोलताना गेल्यावर्षी भारतात झालेला पुलवामा हल्ला हे पाकिस्तान सरकारचं मोठं यश असल्याचं म्हटलं आहे. इम्रान खान यांच्या नेतृत्वाखाली हा हल्ला झाला आणि देशासाठी हे मोठं यश आहे असंही पाकिस्तानचे मंत्री फवाद चौधरी यांनी म्हटलं आहे.

News English Summary: Pakistan was responsible for the terrorist attack in Jammu and Kashmir’s Pulwama last year in which 40 Indian paramilitary troopers were killed, a Pakistani minister has told the country’s legislature, in an apparent admission of the country’s role in sponsoring cross-border terrorism. “Humne Hindustan ko ghus ke maara (We hit India in their home). Our success in Pulwama, is a success of the people under the leadership of Imran Khan. You and we are all part of that success,” minister Fawad Chaudhury said in the national assembly.

News English Title: Pakistan Minister Fawad Choudhary Admitting Pakistan Hand In Pulwama Terrorist Attack News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.