कंगनासाठी कृषी कायद्याला समर्थन देणारेच देशभक्त | संवेदनशील मुद्द्यात देशभक्ती घुसवली

नवी दिल्ली, १९ डिसेंबर: केंद्र सरकारनं केलेल्या कृषी कायद्यांचं जोरदार समर्थन करताना पंतप्रधान नरेंद्र मोदी यांनी विरोधकांवर जोरदार हल्लाबोल केलाय. मध्य प्रदेशचे मुख्यमंत्री शिवराजसिंह चौहान यांनी शेतकरी महासंमेलनाचं आयोजन केलं होतं. त्यावेळी पंतप्रधान मोदी यांनी मध्य प्रदेशातील शेतकऱ्यांशी संवाद साधला. नव्या कृषी कायद्याबाबत शेतकऱ्यांना मनातील शंका दूर करण्याचा प्रयत्न त्यांनी यावेळी केला.

शेतकऱ्यांना फक्त आडतीमध्ये बांधून मागील सरकारनं जे पाप केलं, त्याचं प्रायश्चित म्हणजे हे कृषी कायदे असल्याचा दावा पंतप्रधान मोदींनी केला होता. देशात कृषी कायदे लागू होऊन 6 महिने लोटले पण देशातील एकही मार्केट कमिटी बंद झालेली नाही. मग विरोधकांकडून संभ्रम निर्माण करण्याचं काम का सुरु आहे? असा सवाल पंतप्रधान मोदी यांनी केलाय.

दुसरीकडे याच विषयाला अनुसरून अभिनेत्री कंगना रणौतचा शेतकरी आंदोलनावर सतत ट्विट करण्याचा पराक्रम सुरूच ठेवला आहे. ती कृषी विधेयकाला विरोध करणाऱ्यांवर तसेच थेट आंदोलक शेतकऱ्यांवर निशाणा साधते. आता कंगना रणौतने एक पाऊल पुढे टाकत कृषी कायद्याला देशभक्तीसोबत जोडलं आहे. तिचं हे ट्विट समाज माध्यमांवर व्हायरल झालं आहे. ट्विटमध्ये कंगनाने कृषी कायद्याचं समर्थन करत असलेल्या लोकांना खरे देशभक्त म्हटलं आहे.

ट्विटमध्ये कंगनाने लिहिले की, त्या सर्वांना गुड मॉर्निंग जे अखंड भारतावर प्रेम करतात, ज्यांना या देशाला तोडायचं नाही. केवळ त्या लोकांना गुड मॉर्निंग जे कृषी कायद्याला समजून घेतात आणि त्याचं समर्थन करतात. ते सर्व खरे देशभक्त आहेत. फसवणूक करणाऱ्यांपासून बचाव करा’. कंगनाचं हे ट्विट आता ट्रेन्ड करू लागलंय. कारण तिने या संवेदनशील मुद्द्यात देशभक्ती घुसवली आहे. अशात समाज माध्यमांवरील वाद-विवाद अधिक वाढला आहे.

Good morning to only those who love Akhand Bharat and don’t want it to break in pieces,Good morning to only those who know and care to understand the consequences of farmers bill and genuinely support it they are the real desh Bhakts and well wishers of Farmers,beware of frauds. pic.twitter.com/oKBQzgVnBf

— Kangana Ranaut (@KanganaTeam) December 19, 2020

News English Summary: Good morning to only those who love Akhand Bharat and don’t want it to break in pieces,Good morning to only those who know and care to understand the consequences of farmers bill and genuinely support it they are the real desh Bhakts and well wishers of Farmers, beware of frauds said Kangana Ranaut.

News English Title: Kangana Ranaut against made controversial twit on farm bills news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.