22 आमदारांना ईडीची नोटीस पाठवून राज्य सरकार पाडण्याचा डाव - संजय राऊत

मुंबई, २८ डिसेंबर: शिवसेनेचे दिग्गज नेते संजय राऊत यांच्या पत्नी वर्षा राऊत यांना सक्तवसुली संचलनालयाने (ईडी) नोटीस पाठवली. वर्षा राऊत यांनी पंजाब महाराष्ट्र सहकारी बँक खात्यातून संजय राऊतांच्या सहकाऱ्यासोबत केलेल्या 55 लाखांच्या व्यवहाराप्रकरणी ईडीने नोटीस पाठवली.

त्यानंतर संजय राऊत यांनी शिवसेना भवनात पत्रकार परिषद घेत भाजपवर हल्लाबोल केला आहे. मागील दीड महिन्यांपासून सक्तवसुली संचलनालयानं (ईडी) आमच्याकडून माहिती, कागदपत्रं मागितली जात आहेत. आम्ही त्यांना आवश्यक माहिती देत आहोत. ईडीनं अद्याप तरी त्यांच्या नोटिशीत पीएमसी बँक घोटाळ्याचा उल्लेख केलेला नाही. मग भारतीय जनता पक्षाच्या माकडांना ही माहिती कुठून मिळाली, ते कालपासून उड्या कसे काय मारू लागले, असा सवाल शिवसेना खासदार संजय राऊत यांनी उपस्थित केला.

राज्यातील महाविकास आघाडीचे सरकार पाडण्यासाठी षडयंत्र रचले जात असल्याचा आरोप करत, मागील वर्षभरापासून भारतीय जनता पक्षाचे महत्त्वाचे नेते आणि हस्तक मला सातत्याने भेटण्याचा प्रयत्न करत आहते. भारतीय जनता पक्षाच्या या हस्तकांनी मला 22 आमदारांची यादी दाखवली. त्यात शिवसेना, राष्ट्रवादी आणि काँग्रेस आमदारांची नावे होती. या आमदारांवर ईडीचा दबाव आणून त्यांचे राजीनामे घेतले जातील आणि सरकार पाडले जाईल, असे मला सांगण्यात आले आहे, असा गौप्यस्फोट शिवसेना खासदार संजय राऊत यांनी केला आहे. ते पत्रकार परिषदेत बोलत होते.

News English Summary: Alleging that a conspiracy is being hatched to overthrow the Mahavikas Aghadi government in the state, important BJP leaders and collaborators have been trying to meet me for the last one year. These BJP men showed me a list of 22 MLAs. It contained the names of Shiv Sena, NCP and Congress MLAs. I have been told that these MLAs will be pressured by the ED to resign and the government will be overthrown, said Shiv Sena MP Sanjay Raut. He was speaking at a press conference.

News English Title: Shivsena MP Sanjay Raut serious allegations over Modi government after ED notice to Varsha Raut news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.