भाजपाची सत्ता असलेल्या मणिपूर'मध्ये महिना उलटूनही दंगल थांबेना, हजारो बेघर-शेकडो मृत्युमुखी, मोदी सरकारमधील मंत्र्यांचे बंगले पेटवायला सुरुवात
Manipur Violence | मणिपूरमध्ये सध्या हिंसाचाराच्या अनेक घटना समोर येत आहेत, तसेच भाजपाची सत्ता असलेल्या मणिपूरमध्ये महिना उलटूनही दंगल थांबेना आणि त्यात हजारो लोकं बेघर झाली असून शेकडो लोकांचा यामध्ये मृत्यू झाला आहे. परिणामी जनतेमध्ये भाजपविरोधात प्रचंड रोष उफाळून आला असून मणिपूरमधील भाजपच्या आमदार, खासदार आणि मंत्र्यांच्या घरावर पेट्रोल बॉम्ब फेकण्यास सुरुवात झाली आहे.
इंफाळमधील कोंगबा येथील केंद्रीय परराष्ट्र राज्यमंत्री आर. के. रंजन सिंह यांच्या निवासस्थानाला जमावाने गुरुवारी रात्री उशिरा आग लावली. मणिपूर सरकारने ही माहिती दिली आहे. एएनआय या वृत्तसंस्थेशी बोलताना परराष्ट्र राज्यमंत्री म्हणाले की, मी सध्या अधिकृत कामानिमित्त केरळमध्ये आहे. सुदैवाने काल रात्री माझ्या घरात कोणीही जखमी झाले नाही. जमावाने पेट्रोल बॉम्ब आणले होते आणि माझ्या घराच्या तळमजल्याचे आणि पहिल्या मजल्याचे नुकसान झाले आहे अशी त्यांनी माहिती दिली.
या हिंसाचारावर चिंता व्यक्त करताना ते म्हणाले की, “माझ्या गृहराज्यात जे काही घडत आहे ते पाहून खूप वाईट वाटते. मी शांततेचे आवाहन करत राहीन. अशा प्रकारचा हिंसाचार करणारे पूर्णपणे अमानुष आहेत. ही घटना कोंगा नंदीबाम लेकाई भागात रात्री दहाच्या सुमारास घडली. अग्निशमन दल आणि सुरक्षा दलाने घटनास्थळी धाव घेऊन आग आटोक्यात आणली. घरांचे आणि उभ्या असलेल्या काही वाहनांचे नुकसान झाले. सुदैवाने या घटनेत कोणीही जखमी झाले नाही.
यापूर्वी देखील सत्ताधाऱ्यांच्या घरांवर हल्ले
केंद्रीय मंत्र्यांच्या घरावर हल्ला होण्याची ही दुसरी वेळ आहे. यापूर्वी २३ मे रोजी जमावाने त्यांच्या निवासस्थानावर हल्ला केला होता. परिसरात उपस्थित असलेल्या सुरक्षा रक्षकांनी हवेत गोळीबार करून उपद्रवींना पांगविण्यात यश मिळवले होते.
मणिपूरमध्ये ३ मेपासून मेइतेई आणि कुकी समुदायात झालेल्या जातीय संघर्षात ११५ जणांना आपला जीव गमवावा लागला आहे. तर 300 हून अधिक जण जखमी झाले आहेत आणि हजारो लोकं बेघर झाली आहेत. बुधवारी मणिपूरमधील एन बीरेन सिंग सरकारमधील एका मंत्र्याच्या सरकारी निवासस्थानालाही अज्ञात्यांनी आग लावली होती. कांगपोकपीचे भाजपचे आमदार नेमचा किपगेन हे राज्याचे उद्योगमंत्री आहेत. मणिपूरच्या मंत्रिमंडळात त्या एकमेव महिला आहेत.
पहिली घटना 4 मे रोजी घडली होती जेव्हा इम्फाळमध्ये जमावाच्या हल्ल्यात भाजपचे आमदार वुंगजगीन वॉल्टे जखमी झाले होते. या आमदारावर सध्या दिल्लीत उपचार सुरू आहेत. 24 मे रोजी इम्फाळमध्ये भाजप आमदार आणि कॅबिनेट मंत्री गोविंददास कोंथौजम यांच्या घराची जमावाने तोडफोड केली होती. त्यानंतर दुसऱ्याच दिवशी राज्याचे मंत्री टी. विश्वजीत सिंह यांच्या इंफाळ येथील निवासस्थानावर हल्ला करण्याचा प्रयत्न करण्यात आला.
News Title : Manipur Union minister house set on fire by mob with petrol bombs check details 16 June 2023.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Old Vs New Tax Regime | पगारदारांनो! जुन्या टॅक्स प्रणालीतून नव्या टॅक्स प्रणालीकडे कोणी जावे? डिक्लेरेशन पूर्वीच समजून घ्या
- Bank Account Alert | महाराष्ट्रातील या बँकेत तुमचं खातं आहे? आता पैसे काढू शकणार नाही, RBI ने बंदी घातली
- Stocks To Buy | गुंतवणुकीसाठी टॉप 5 शेअर्स सेव्ह करा, अल्पावधीत 43 टक्क्यांपर्यंत परतावा मिळेल
- Numerology Horoscope | 26 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Man Industries Share Price | मालामाल करणारा शेअर! एका वर्षात 350 टक्के परतावा, पुढेही जोरदार कमाई होईल
- Penny Stocks | गरिबांना सुद्धा खरेदीला परवडतील हे 10 पेनी शेअर्स, अप्पर सर्किट हीट गतीने पैसा वाढतोय
- Adani Enterprises Share Price | अदानी एंटरप्रायझेसचे शेअर्स फोकसमध्ये, कंपनीबाबत मोठी अपडेट, फायदा होणार?
- Numerology Horoscope | 24 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- HUDCO Share Price | PSU शेअर खरेदीला गर्दी, 1 वर्षात 369% परतावा दिला, तर 1 दिवसात 15% परतावा
- Amara Raja Share Price | मार्ग श्रीमंतीचा! हा शेअर खरेदी करा, अवघ्या 5 दिवसात दिला 33 टक्के परतावा