मनसेने ईडीच्या फलकाविरोधात बीएमसी 'ए वार्डला' पत्रक सोपवलं; पालिका सत्ताधारी पेचात
मुंबई : महाराष्ट्र नवनिर्माण सेनेचे अध्यक्ष राज ठाकरे यांनी नियमाचे आणि कायद्याचे पालन करत ईडीच्या मुंबईतील कार्यालयात चौकशीसाठी हजर झाले होते. त्यानंतर राज्यभरातील महाराष्ट्र सैनिक संतापल्याचे पाहायला मिळत आहे. राज ठाकरे यांच्या पाठी ईडीचा डाव आखून सत्ताधारी सुडाचं राजकारण करत असल्याचा आरोप महाराष्ट्र सैनिकांनी केला होता. रस्त्यावर देखील राडा होऊ नये म्हणून मुंबई पोलिसांनी खबरदारीचा उपाय म्हणून अनेक मनसे पदाधिकारी आणि कार्यकर्त्यांना आधीच ताब्यात घेण्यात आलं होतं.
मात्र त्यानंतर संतापलेल्या महाराष्ट्र सैनिकांनी समाज माध्यमांवर राज ठाकरेंना नोटीस पाठवणाऱ्या ईडीच्या अधिकाऱ्यावरच भडास काढली आणि काही क्षणात त्या अधिकाऱ्याने देखील बातम्या प्रसिद्ध होताच स्वतःचा प्रोफाइल डिलीट मारला. तसं म्हटलं तर अंमलबजावणी संचालनालयाची (ईडी) नोटीस मिळाली की बऱ्याच नेत्यांना धडकी भरते. कारण केंद्र सरकारच्या अखत्यारीतील या ईडीच्या विरोधात कोणी फार काही करू शकत नाही असा समज आहे.
परंतु या ईडीला देखील मनसे कार्यकर्ते रडीला आणत आहेत की काय असा प्रश्न उपस्थित केला जात आहे. कारण आता ईडीलाच मनसेच्या आणि कायद्याच्या भाषेत नोटीस देण्याची संधी महाराष्ट्र नवनिर्माण सेनेला मिळाली आहे. या ईडीने एक नियमभंग केल्याबद्दल महाराष्ट्र नवनिर्माण सेनेतर्फे मुंबईच्या जिल्हाधिकाऱ्यांकडे लेखी तक्रार केली होती आणि त्याची एक प्रत स्थानिक ईडी कार्यालयाला दिली होती.
त्यात अजून भर पडली आहे आणि त्यामुळे मुंबई महानगर पालिकेतील सत्ताधारी शिवसेना-भाजप देखील पेचात अडकली आहे. मुंबईत ईडीच्या कार्यालयाचा नामफलक हिंदी आणि इंग्रजीत आहे. शासकीय नियमानुसार स्थानिक भाषेत म्हणजे मराठीतही हा फलक असायला हवा. सर्व शासकीय कार्यालयांना तशी सक्ती आहे. परंतु ईडीने कायद्याचं सरळसऱळ उल्लंघन केले आहे. तसे न केल्यास दंडाचीही तरतूद आहे. याबाबत मनसेने मराठी भाषा विभागाकडे याआधीच तक्रार केली आहे. तसेच ईडीलाही त्याची प्रत पाठविली होती. मात्र मनसेने मुंबई महानगर पालिकेच्या ए वार्डला देखील अधिकृतपणे पत्रक दिलं असून कायदेशीर बाब निदर्शनास आणून दिली आहे. त्यामुळे आता सत्ताधारी शिवसेना-भाजप प्रशासन नेमकी कोणती भूमिका घेणार ते पाहावं लागणार आहे.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Old Vs New Tax Regime | पगारदारांनो! जुन्या टॅक्स प्रणालीतून नव्या टॅक्स प्रणालीकडे कोणी जावे? डिक्लेरेशन पूर्वीच समजून घ्या
- Bank Account Alert | महाराष्ट्रातील या बँकेत तुमचं खातं आहे? आता पैसे काढू शकणार नाही, RBI ने बंदी घातली
- Stocks To Buy | गुंतवणुकीसाठी टॉप 5 शेअर्स सेव्ह करा, अल्पावधीत 43 टक्क्यांपर्यंत परतावा मिळेल
- Numerology Horoscope | 26 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Man Industries Share Price | मालामाल करणारा शेअर! एका वर्षात 350 टक्के परतावा, पुढेही जोरदार कमाई होईल
- Penny Stocks | गरिबांना सुद्धा खरेदीला परवडतील हे 10 पेनी शेअर्स, अप्पर सर्किट हीट गतीने पैसा वाढतोय
- 7th Pay Commission | सरकारी कर्मचाऱ्यांचं टेन्शन वाढवणारी अपडेट, थेट महागाई भत्ता आणि HRA होणार परिणाम
- Numerology Horoscope | 24 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Bonus Shares | फ्री शेअर्स मिळवा! मल्टिबॅगर शेअरवर मिळतील फ्री बोनस शेअर्स, 1 वर्षात 462 टक्के परतावा दिला