पवारांनी शिवसेनेसमोर मुख्यमंत्रिपदाचे दाणे टाकले आणि त्यांनी ते टिपले: अमित शहा

नवी दिल्ली: एका खासगी वृत्तवाहिनीला दिलेल्या मुलाखतीत अमित शहा यांनी अनेक मुद्यांना हात घातला आहे. तुम्ही नवे पंतप्रधानपदाचे दावेदार असू शकतात का? नरेंद्र मोदी यांचा पंतप्रधानपदाचा कार्यकाळ पूर्ण झाल्यानंतर भारतीय जनता पक्षाची धुरा सांभाळण्यासाठी तुम्हाला तयार केलं जात आहे का? असे सवाल अमित शाह यांना करण्यात आले. यावर बोलताना आपल्यापेक्षाही दिग्गज नेते पक्षात असल्याची प्रतिक्रिया त्यांनी दिली.

भारतीय जनता पक्षात माझ्यापक्षेही अनेक वरिष्ठ नेते आहेत. कोणताही निर्णय हा पक्षच घेत असतो. मी पंतप्रधानपदाच्या शर्यतीत नाही. पंतप्रधान नरेंद्र मोदी यांची धोरणं यशस्वी होवो आणि स्वातंत्र्यादम्यान स्वातंत्र्य सैनिकांनी पाहिलेल्या भारताचं स्वप्न पूर्ण करण्याचं आमचं स्वप्न आहे, असं शाह म्हणाले.

‘महाराष्ट्रात शरद पवार यांनी शिवसेनेसमोर मुख्यमंत्रिपदाचे दाणे टाकले आणि शिवसेनेनं ते टिपले,’ असा घणाघात अमित शहा यांनी केला आहे. तसंच महाराष्ट्रात सध्या जी काही राजकीय स्थिती निर्माण झाली आहे, त्यात आम्हाला अपयश आलं असं मला वाटत नाही, असंही अमित शहा म्हणाले. अमित शहा यांनी एका हिंदी वृत्तवाहिनीला दिलेल्या मुलाखतीत मुख्यमंत्रिपद आणि निवडणूकपूर्वी स्थिती यावरही भाष्य केलं आहे.

दरम्यान, ‘इंडिया इकॉनॉमिक कॉनक्लेव्ह’मधील चर्चासत्रात शहा बोलत होते. सुधारीत नागरिकत्व कायद्याच्या विरोधात देशात अनेक ठिकाणी निदर्शनं सुरू आहेत. काही ठिकाणी हिंसाचाराच्या घटना घडल्या आहेत. त्यामुळं तापलेल्या राजकारणावर शहा यांनी यावेळी भाष्य केलं. ‘हा कायदा अंमलात आणण्याचा सरकारचा निर्धार पक्का आहे. कितीही राजकीय विरोध झाला तरी माघार घेतली जाणार नाही,’ असं अमित शहा यांनी ठणकावलं आहे. ‘जामिया मिलियामध्ये पोलिसांनी केलेली कारवाई ही हिंसक जमावाला नियंत्रणात आणण्यासाठी होती,’ असंही त्यांनी म्हटलं आहे.

Watch Union Home Minister & BJP National President Shri @AmitShah at @TimesNow’s ‘India Economic Conclave’ today at 6pm. #AmitShahOnTimesNow pic.twitter.com/5HrpZ628Z3

— Office of Amit Shah (@AmitShahOffice) December 17, 2019

Web Title:  Union Home Minister Amit Shah Slams Chief Minister Uddhav Thackeray Over Maharashtra Politics.