निजामुद्दीनमध्ये जे काही झालं त्याची मोठी किंमत चुकवावी लागणार: शरद पवार

मुंबई, २ एप्रिल: ‘करोना विषाणूच्या साथीच्या पार्श्वभूमीवर संसर्ग टाळण्यासाठी खबरदारी म्हणून येत्या १४ एप्रिल रोजी ‘भारतरत्न’ डॉ. बाबासाहेब आंबेडकर यांच्या जयंतीनिमित्त होणारे सामूहिक सोहळे लांबणीवर टाकावेत व मुस्लिमांनी ८ एप्रिलचा ‘शब-ए-बरात’चा विधी आपल्या घरात राहूनच करावा,’ अशी विनंती राष्ट्रवादी काँग्रेसचे अध्यक्ष शरद पवार यांनी आज केली.

दरम्यान, सोशल डिस्टन्स महत्त्वाचं आहे, देशात ९० टक्के लोक सूचनांचं पालन करत आहेत मात्र १० टक्के लोक नियम पायदळी तुडवत आहेत, लोकांनी सूचनांचं पालन करा आणि पोलिसांनी सहकार्य करा असा आवाहन राष्ट्रवादी काँग्रेसचे अध्यक्ष शरद पवार यांनी केलं आहे. निजामुद्दीन सारखा कार्यक्रम राज्यात टाळला पाहिजे, निजामुद्दीनमध्ये जे काही झालं त्याची मोठी किंमत चुकवावी लागणार आहे. तसा प्रकार इथे घडू नये याची खबरदारी प्रत्येकांनी घ्या असं आवाहन शरद पवारांनी केलं आहे, व्हिडिओद्वारे पवारांनी जनतेशी संवाद साधला.

दिल्लीच्या निजामुद्दीनमधील तलबीघी जमातच्या मरकझमधून मोठ्या प्रमाणात करोनाचा प्रादुर्भाव देशात होण्याची भीती आहे. तामिळनाडू तबलीघीच्या कार्यक्रमातून आलेल्या १०० हून अधिक जण करोना पॉझिटिव्ह आढळलेत. तर तेलंगणमध्ये ६ जणांना मंगळवारी मृत्यू झाला. यामुळे देशातील करोना रुग्णांची संख्या झपाट्याने वाढून आता १९००च्या जवळ पोहोचली आहे. तर आतापर्यंत ४१ जणांना मृत्यू झाला आहे.

News English Summary: Social Distance is important, 90 per cent of the people in the country are following the instructions but 10 per cent are violating the rules, people should follow the instructions and cooperate with the police, said NCP Congress President Sharad Pawar. Programs like Nizamuddin should be avoided in the state, whatever happens in Nizamuddin will have to pay a huge price. Sharad Pawar appealed to everyone to take precautions to prevent such incidents from happening here. Through video, Pawar interacted with the people.

News English Title: Story Corona virus outbreak national congress leader Sharad Pawar address state via video News Latest Updates.