राज्यातील ९५ टक्के चाचण्या निगेटिव्हः उद्धव ठाकरे

मुंबई, १९ एप्रिल: पीपीई किटसह सर्व सुविधा डॉक्टरांना पुरवल्या जातील असा विश्वास मुख्यमंत्री उद्धव ठाकरे यांनी दिला आहे. आज त्यांनी पुन्हा फेसबुक लाईव्हच्या माध्यमातून त्यांनी हा संवाद साधला. पीपीई किट किंवा उपकरणांचा तुटवडा असल्याची सत्यता त्यांनी यावेळी मान्य केली. पण मुंबईसह राज्यभरातील डॉक्टरांनी कोविड व्यतिरिक्त तपासणी करण्यासाठी क्लिनिक सुरु ठेवण्याचे आश्वासन दिल्याचे त्यांनी सांगितले. राज्यभरातील इतर डॉक्टरांनाही त्यांनी असे करण्याचे आवाहन केले.

महाराष्ट्रात आतापर्यंत ६६७९६ टेस्ट झाल्या आहेत. चांगली गोष्ट ही की यातील ९५ टक्के टेस्टचा अहवाल निगेटिव्ह आले आहेत, अशी माहिती मुख्यमंत्री उद्धव ठाकरे यांनी सांगितले. टेस्टसाठी लागणारा काळ कमी होऊ शकत नाही. परंतु, गंभीर रुग्णांच्या टेस्ट लवकर करण्यावर भर असल्याचे त्यांनी सांगितले. तसेच कोणतेही लक्षण म्हणजे सर्दी, खोकला, ताप आला तर लपवू नका. लवकर दवाखान्यात या, म्हणजे त्यावर नियंत्रण मिळवता येईल, असे आवाहनही त्यांनी केले. सुमारे ६७ हजार टेस्टपैकी ३०६६ रुग्ण आढळून आले आहेत. अनेक जणांवर उपचार करुन घरी सोडण्यात आल्याचे ते म्हणाले.

दरम्यान, मानसिक स्वास्थ्यासाठी, एकटेपणा टाळण्यासाठीही दोन क्रमांक मुख्यमंत्र्यांनी सांगितले. मुंबई महापालिका आणि बिर्ला यांची संयुक्त सेवा असून त्यासाठी १८०० १२० ८२००५० हा क्रमांक आहे. तर आदिवासी विभागाकडून तसेच प्रोजेक्ट मुंबई आणि प्रफुल्ला यांच्याकडूनही सेवा देण्यात येत आहे. त्यासाठीचा क्रमांक ८२११ १८०० १०२ ४०४० असा आहे. घरात राहून आपल्याला मानसिक स्वास्थ बिघडल्याचं किंवा एकटेपणा जाणवत असेल तर या क्रमांकावर संपर्क साधावा असं आवाहन मुख्यमंत्री उद्धव ठाकरे यांनी केलं.

News English Summary: Chief Minister Uddhav Thackeray has assured that all facilities including PPE kit will be provided to doctors. Today, he again communicated through Facebook Live. He acknowledged the fact that the PPE kit or equipment was lacking. But doctors across the state, including Mumbai, have promised to continue the clinic for Covid examination. He urged other doctors across the state to do the same.

News English Title: story 95 percent Corona virus test negative in Maharashtra says Chief Minister Uddhav Thackeray Covid 19 News Latest Updates.